Maqta salasy týraly zań jobasy qoldanystaǵy ákimshilik kedergilerdi azaıtý jáne qarjy ınstıtýttarynyń nesıelik resýrstarymen qosa osy salaǵa ınvestısııalardy tartýǵa jaǵdaı jasaý maqsatynda ázirlengen bolatyn. Senator Sultan Dúısembınov «Maqta salasy týraly» zańnyń qoldanystaǵy erejelerinde sheteldik ınvestısııalardyń kelýin azaıtatyn jáne nesıe berýge tosqaýyl qoıatyn kedergiler bar ekenin atap ótti. Osy zań jobasymen qajetsiz ákimshilik kedergiler joıylyp, salanyń ınvestısııalyq ahýalyn jaqsartýǵa jáne salaǵa nesıelik resýrstardy tartýǵa jaǵdaı jasaıdy, maqta egisi ulǵaıtylyp, maqtanyń sapasyn jáne qazaqstandyq kompanııalardyń eksporttyq kiristeri jaqsara túsedi.
Senat depýtattary veterınarııa máseleleri boıynsha zań jobasyn da talqylady. Senator Muhtar Jumaǵazıev engizilip jatqan túzetýler veterınarlyq qyzmetti jetildirýge jáne osy saladaǵy problemalar men sáıkes kelmeıtin tustardy quqyqtyq retteý arqyly joıýǵa múmkindik beretindigin atap ótti.
«Zań jobasynda aýylsharýashylyǵy túlikternińmálimetter bazasyna veterınarııalyq pasporttyń elektrondyq nysanyn engizý usynylady. Sonymen qatar, memlekettik veterınarııalyq-sanıtarııalyq ınspektorlardy baqylaý úshin foto jáne vıdeo jabdyqtardy paıdalaný quqyǵy qarastyrylýda», dedi Muhtar Jumaǵazıev
Keden organdary men veterınarııalyq ınspektorlardyń Eýrazııalyq ekonomıkalyq odaq aıasyndaǵy ózara is-qımyl tártibi de anyqtalatyn boldy.
Agrarlyq máseleler, tabıǵatty paıdalaný jáne aýyldyq aýmaqtardy damytý komıteti zań jobalaryn Palataǵa usyndy.
