«Bıyl Prezıdent tapsyrmasymen pedagogterdiń jalaqysy 25 paıyzǵa ulǵaıtyldy. Sonymen birge 2021 jyly da 1 qańtardan bastap, pedagogter aılyǵy taǵy 25 paıyzǵa kóbeıedi. Biz munda tek qana mektep muǵalimderin aıtyp otyrǵan joqpyz, balabaqsha pedagogteri, qosymsha bilim berý, kolledjder men joǵary oqý oryndarynyń mamandary da memlekettik qoldaý sharalarymen qamtylyp, eńbekaqylary kóbeıip jatyr», dedi Bilim mınıstri.
Mınıstr pedagogterge beriletin túrli qosymsha tólemder bar ekenin de eske saldy.
«Biliktilik sanatyna qaraı eńbekaqynyń 30-dan 50 paıyzǵa deıingi kólemin qosymsha alýǵa bolady. О́z isiniń sheberi bolsa, aı saıyn eńbekaqyǵa qosymsha 50 paıyz tólem alyp otyrýǵa bolady. Pándi aǵylshyn tilinde júrgizgenine, dápter teksergenine jáne synyp jetekshiligi úshin tólenedi. Bıyl alǵash ret áriptesterimiz magıstrlik dárejesi úshin 27 myń teńge kóleminde qosymsha tólem ala bastady», dep túıindedi vedomstvo basshysy.
Esterińizge sala keteıik, bıyl 1 qyrkúıekten bastap memlekettik joǵary oqý oryndary oqytýshylarynyń jalaqysy taǵy 20%-ǵa, al ulttyq JOO oqytýshylarynyń jalaqysy 28%-ǵa ulǵaıǵan edi.
