Qazaqstan quramasy bes birdeı baıraqty básekege qatysa alady. Olardyń barlyǵy da kelesi jyldyń alǵashqy jartysynda ótedi. Alǵashqy jarystyń jalaýy 4-7 naýryz kúnderi Italııanyń bas shahary Rımde jelbireıdi. Bul – uzaq jyldar boıy aıtýly federasııada vıse-prezıdenttik qyzmetti atqarǵan Matteo Pellıkoneni eske túsirýge arnalǵan halyqaralyq týrnır. 9-11 sáýirde Almatyda sary qurlyqtyń saıypqyrandary bas qosady. 12-17 sáýirde Alataý baýraıynda Azııa chempıonaty uıymdastyrylady.
О́zderińiz baıqaǵandaı, bizdiń balýandar úshin tamasha múmkindik týyndap otyr. О́z elimizde, óz jankúıerlerimizdiń kóz aldynda ótetin eki birdeı baıraqty básekede jerlesterimiz baryn salyp aıqasyp, kózdegen maqsattaryna qol jetkizýge tıis. Al odan keıingi jarystarda lısenzııaǵa ıelik etý qıyndaı túsedi. Sebebi 6-9 mamyr kúnderi Sofııada tusaýy kesiletin álemdik irikteý týrnıri men 8-13 maýsymda Varshavada uıymdastyrylatyn reıtıngtik jarysta tórtkúl dúnıeniń ár qıyrynan jınalǵan myqtylar kúsh synasady.
