Departament bastyǵynyń málimdeýinshe, mereke kezeńinde órt qaýipsizdigin saqtaý boıynsha is-sharalar jospary ázirlengen. Birinshi kezeńde iri saýda ortalyqtarynda, bazarlarda qala turǵyndary arasynda úgit-nasıhat jumystary júrgizilýde. Adamdar kóp jınalatyn nysandar erekshe baqylaýda.
Departament bastyǵynyń málimdeýinshe, mereke kezeńinde órt qaýipsizdigin saqtaý boıynsha is-sharalar jospary ázirlengen. Birinshi kezeńde iri saýda ortalyqtarynda, bazarlarda qala turǵyndary arasynda úgit-nasıhat jumystary júrgizilýde. Adamdar kóp jınalatyn nysandar erekshe baqylaýda.
Ekinshi kezeń boıynsha Shymkent qalasynyń Polısııa departamentimen birlesip pırotehnıkalyq zattardy satatyn bazarlar men iri saýda oryndarynda (Bekjan, Samal, Alash, Aına, Aqbar, Qyrǵy bazarlary jáne Mega ortalyq, Baıan Sulý, Magným bazarlary) reıdtik is-sharalar uıymdastyrylýda.
– Mereke kezinde qala aýmaǵynda qaýipsizdik sharalaryn saqtaý, bolýy múmkin tótenshe jaǵdaılardyń aldyn alý is-sharalary atqarylýda. Pırotehnıkalyq buıymdar satylatyn iri saýda úıleriniń, bazarlardyń basshylarymen kezdesýler ótkizildi. Sondaı-aq, pırotehnıkalyq zattar satylatyn iri saýda oryndary men bazarlar boıynsha reıdtik is-sharalar júrgizilýde. Pırtoehnıkalyq zattardy saqtaý jáne satýǵa lısenzııa bolmaǵan kásipkerler jaýapkershilikke tartylady, – dedi departament basshysy.
Qalada búginge deıin 21 reıdtik is-shara ótkizilip, 4 hattama toltyrylǵan. Madııar Esengeldiuly sanıtarlyq normalardy saqtaý, qaýipsizdik erejelerine mán berý boıynsha turǵyndar arasynda túsindirý jumystary júrgiziletinin atap ótti.
