Beınekonferensııa baılanysy arqyly ótken is-sharaǵa Sybaılas jemqorlyqqa qarsy qyzmettiń, QR UEM, Tabıǵı monopolııalardy retteý komıtetiniń jáne «Mıkrografııa ǵylymı-zertteý ınstıtýty» RMM aýmaqtyq bólimsheleri de qatysty.
Keńesti ashqan Ulttyq ekonomıka mınıstri Rýslan Dálenov jemqorlyqqa qarsy is-qımyl máselelerinde organnyń qaǵıdattyq ustanymdy ustanatynyn atap ótti. «Bul baǵytta júıeli jáne maqsatty jumys júrgizilýde», – dep atap ótti ekonomıkalyq vedomstvo basshysy.
Bıznes-úderisterdi fýnksıonaldyq taldaýmen jáne ońtaılandyrýmen baılanysty negizgi sharalarmen qatar, qyzmetkerler arasynda adaldyq jáne parasattylyq mádenıetin qalyptastyrýǵa baǵyttalǵan bastamashylyq jobalar iske qosyldy.
UEM ortalyq apparatynda arnaıy bólimshe – Sybaılas jemqorlyqqa qarsy is-qımyl basqarmasy quryldy. Budan basqa, árbir bólimshede bir qyzmetker «Sybaılas jemqorlyqqa qarsy keńesshiniń» mindetterin oryndaıdy. Mysaly, ol sybaılas jemqorlyqqa qarsy standarttyń oryndalýyn qamtamasyz ete otyryp, sheteldik seriktestermen kelissózderge qatysady. Organda mundaı 24 keńesshi jumys isteıdi.
Jaqsartýǵa yntalandyratyn taǵy bir qural – «parasattylyq estafetasy». Shyn máninde, bir qurylymdyq bólimshe sybaılas jemqorlyq táýekelderin anyqtaý boıynsha jumysty oryndap, etıkalyq standarttarǵa sáıkestik deńgeıin joǵarylatady, sodan keıin kezekti jaqsartý jumystary qajet basqa bólimge beredi.
О́z kezeginde Agenttik spıkerleri mınıstrlik qyzmetindegi birinshi kezekte baqylaý-ruqsat berý fýnksııalaryna baılanysty sybaılas jemqorlyq táýekelderine nazar aýdardy. Osy turǵyda árbir bólimshe boıynsha sybaılas jemqorlyq táýekelderine ishki taldaý júrgizý aýqymyn, sapasyn jedeldete arttyrýdyń asa qajettiligi belgilendi.
Agenttiktiń taldaýshylary negizgi qıyndyqtar men olqylyqtar Tabıǵı monopolııalardy retteý komıtetinde shoǵyrlanǵanyn kórsetti. Bul rette ekonomıkanyń jekelegen salalarynda básekelestiktiń bolmaýy sózsiz sybaılas jemqorlyqty týdyratyny atap ótildi.
Taraptar kelesi jyldyń birinshi jartysynda ashyqtyq pen aıqyndyq qaǵıdattaryn eskere otyryp, vedomstvolyq baqylaýdy arttyrý maqsatynda usynymdar men naqty sharalardy ázirleýge baǵyttalǵan sybaılas jemqorlyq táýekelderine syrtqy taldaý júrgizý týraly ýaǵdalasty.
Alık Shpekbaev sybaılas jemqorlyqqa qarsy bastamalardyń iske asyrylý barysyn jarııa ete otyryp, derbes jaýapkershilik týraly normalar turǵysynan sybaılas jemqorlyq quqyq buzýshylyqtardyń aldyn alýyn álsiretetin basshylarǵa qatysty qaǵıdattyq sheshimder qabyldaýdyń mańyzdylyǵyn atap ótti.
«Bul kórsetkish bolashaqta sizdiń taǵdyryńyzǵa jáne mansaptyq ósýińizge áser etedi. Bul turǵyda birinshi kezekte memlekettik qyzmetterdi, sondaı-aq turmystyq sybaılas jemqorlyqtyń aldyn alý maqsatynda bıznes-úderisterdi tolyq avtomattandyrý jáne sıfrlandyrý máselelerine erekshe nazar aýdarý qajet», - dep atap ótti Agenttik tóraǵasy.
Ol sondaı-aq qyzmet kórsetýdiń servıstik úlgisine kóshýdiń mańyzdylyǵyn eske saldy. Sóz QR TMRK aýmaqtyq departamentterinde kórsetiletin qyzmet alýshylar men tutynýshylarǵa baǵdarlanýshylyq úshin qolaıly jaǵdaılar jasaý týraly bolyp otyr.
Agenttik janyndaǵy arnaıy monıtorıngtik toptyń jetekshisi Aıgúl Soloveva sarapshylar qaýymdastyǵynyń atynan sóılegen sózinde bylaı dedi: «Mınıstrlik qyzmetkerleri jurtshylyq úshin ashylýy tıis. «Ulttyq ekonomıka mınıstrligi – Adaldyq alańy» jobalyq keńsesi onyń quramyna jáne saraptamalyq keńeske azamattyq qoǵam men BAQ ókilderin tartý esebinen ózara is-qımyldyń tıimdi alańyna aınalýǵa tıis».
