Bıyl pandemııaǵa baılanysty barlyq erteńgilikterge tyıym salyndy, sondyqtan Aıaz ata men Aqshaqar ár balaǵa jeke quttyqtaýlarmen barady. Kezdesýler barlyq sanıtarlyq normalardy saqtaı otyryp ótkiziledi.
«Bıyl ár balaǵa Qazaqstan Respýblıkasy Prezıdentiniń syılyqtary ákimdikpen jeke jetkiziledi. Bul erekshe bilim berilýine qajettiligi bar, ata-anasynyń qamqorlyǵynsyz qalǵan 200 jetim bala. Balalarǵa quttyqtaý hattar, kitaptar, kıim satyp alý úshin 100 myń teńgeniń sertıfıkattary tabys etildi.
Sondaı-aq 450 balaǵa ákimniń atynan syılyqtar tabystadyq. Olar: ata-anasynyń qamqorlyǵynsyz qalǵan, az qamtylǵan, kóp balaly balalar. Daryndy balalar da quttyqtalady», - dedi Nur-Sultan qalasy bilim basqarmasy basshysynyń orynbasary Rımma Imanǵazınova.
Qaltaǵa tátti syılyqtar, damytýshy oıynshyqtar men kıim dúkeninen sertıfıkattar salynǵan.
"Balalar bizdi árqashan shynaıy kúlimsirep qarsy alady jáne kez-kelgen kóńilge qýanady. Shyn júrekten jańa jylda beıbitshilik, jylýlyq pen kelisim tileımin", - deıdi quttyqtaýshylar.
Buǵan deıin habarlanǵandaı, «30 ıgi is» aksııasy aıasynda eriktiler erekshe balalar men tolyq emes otbasy balalaryna qoıylymdar qoıdy. Sonymen qatar, «Jas sarbaz» qozǵalysy men ákimdik ókilderi Aqkóldegi balalar úıiniń tárbıelenýshilerin quttyqtady.
