Ortalyq habarlaýynsha, bul óz kezeginde aımaqta aýrýhana tapshylyǵy máselesin sheship, halyqqa joǵary tehnologııalyq mamandandyrylǵan dárigerlik kómek kórsetý qajettiligin óteıdi. Naýqastarǵa shuǵyl medısınalyq járdem berýge múmkindik týǵyzyp, óńirde medısınalyq týrızmniń damýyna yqpal etedi.
Mańǵystaý oblysy ákiminiń orynbasary Gúlmıra Qalmuratovanyń tóraǵalyǵymen ótken jıynǵa túrik ınvestorlary qatysty. Kezdesýde QR densaýlyq saqtaý mınıstriniń keńesshisi Batyrbek Ábdildın, Mańǵystaý oblystyq densaýlyq saqtaý basqarmasynyń basshysy Jamal Jamanbaeva men «Adaldyq alańy» jobalyq keńsesiniń jetekshisi Daırabaı Úsipbaev ta boldy.
Aıta keteıik, bul atalǵan jobanyń barlyq tetigi egjeı-tegjeıli talqylanǵan alǵashqy kezdesý.
«Atalmysh joba ozyq tehnologııalardy qoldanysqa engizip, halyqqa medısınalyq kómek kórsetý sapasyn arttyrady. Dárigerlerge barlyq jaǵdaı jasalyp, aýrýhanaǵa qaralýshylardyń qaýipsizdigi úshin tıisti is-sharalar alynady dep senemin. Qazirgi ýaqytta bul nysan qoǵamǵa óte qajet», dedi Gúlmıra Muratqyzy.
