Saılaý • 28 Jeltoqsan, 2020

Sharýanyń eńbegi shalqysyn desek...

23 ret kórsetildi

«Aýyl» Halyqtyq-demokratııalyq patrıottyq partııasynyń saılaýaldy úgit-nasıhat jumystary jalǵasýda. Atalǵan partııanyń atynan Parlament Májilisine jáne máslıhattarǵa depýtattyqqa kandıdattar elimizdegi qalalar men aýdandardy, aýyldardy aralap, turǵyndarmen, eńbek ujymdarymen kezdesýde.

Máselen, kandıdattar Q.Aıtýǵanov, T.Zeınýllına, K.Alııaqparova, I.Skýloves, G.Krapıvenko jáne M.Andreeva «Aýyldan aýylǵa» aksııasynyń aıasynda Qaraǵandy oblysynyń Osakarov aýdanynda ornalasqan «Naıdorovskoe» JShS-de bolyp, osy aýdanǵa qarasty Aqpan aýylynyń turǵyndarymen kezdesti.

Aýyl turǵyndarymen kezdesý kezinde kandıdat T.Zeınýllın «Aýyl» partııasy aýyl men aýyl sharýashylyǵyn damytýdy basty basymdyq retinde aıqyndaǵanyn atap ótti. Partııa ókili keıingi 20 jylda memleket ekonomıkany ındýstrııalandyrýmen ǵana aınalysqanyn jáne sonyń saldarynan aýyldaǵy máseleler sheshilmegenin aıtty.

«Naıdorovskoe» jaýapkershiligi shekteýli seriktestik qyzmetimen tanysý barysynda Parlament Májilisi depýtattyǵyna kandıdat Q.Aıtýǵanov kásiporyn qyzmetkerlerin Qazaqstandy agrarlyq memleketke aınaldyrýǵa sha­qyr­dy. Sondaı-aq osy bastamany qarjy­lyq qamtamasyz etýge qatysty óz oıymen bólis­ti. Qazirgi ýaqytta kóptegen sharýa sýbsı­dııa men jeńildetilgen nesıelerge qol jetkize almaıdy. Ondaı qoldaýlarsyz aýyl sharýashylyǵymen aınalysý asa qıyn.

Q.Aıtýǵanov Qazaqstanda nesıeni eń tómengi paıyzben (2%) 20 jáne odan da kóp jylǵa berýge bolady degen pikirde. Al aýyl turǵyndary úshin qarjyny tipti kepilsiz etýge bolady dep esepteıdi. Sheneýnikter men qarjy ınstıtýttarynyń basshylary mundaı batyl sheshim qabyldaýǵa qaýqarsyz. Partııa buǵan «Azyq-túlik qaýipsizdigi týraly» zańdy qabyldaý arqyly qol jet­kizýge nıetti. Usynylyp otyrǵan zań joba­synyń negizgi maqsaty – agrarlyq salany ekonomı­kanyń basqa salalarynan basym dep taný jáne onyń sýbektilerine úı sharýa­shylyqtarynan bas­tap qaıta óńdeý kásiporyndaryna deıin qoldaý kórsetý.

– «Aýyldyqtar» partııanyń saılaýaldy baǵdarlamasy júzege asyrylyp, naqty sharalarǵa negizdeletinine senimdi. Janar-jaǵarmaı men jemshópti sýbsıdııalaý jónindegi usynystarymyz óte ózekti. Jem-shóp baǵasynyń joǵary bolýyna baılanysty aýyl turǵyndary úshin mal basyn arttyrý qıynǵa soǵady, – deıdi Q.Aıtýǵanov.

Osy partııanyń atynan Osakarov aýdan­dyq máslıhatynyń depýtattyǵyna kandıdat G.Krapıvenko partııanyń áleýmettik máse­lelerdi sheshý jónindegi josparlaryna toqtaldy. Onyń aıtýynsha, aýyl turǵyn­daryna aýdandyq áleýmettik kómek kórse­tý ortalyǵyna qujattar jınaý úshin qaıta-qaıta bara berý qıyndyq týǵyzady. Son­dyqtan kóbisi bul sabylystan sharshap, áleýmettik kómek alýǵa tyryspaıtyn kórinedi.

«Aýyldyqtardyń» sózin qoldaǵan Aq­pan aýylynyń áıelderi balaly otbasylarǵa memleket qoldaýyna úmitker bolý úshin óz tabysynyń tómen deńgeıin dáleldeýge týra keletinine narazylyq bildirdi. Olardyń pikirinshe, bala týýyna baılanysty, bala bir jasqa tolǵanǵa deıin onyń kútimine baı­lanysty tólenetin áleýmettik tólemder qys­qa merzimdi jáne eshteńege jetpeıdi. Al «Aýyl» partııasy bolsa óziniń saılaýaldy tuǵyrnamasynda otbasyndaǵy balalar sany men tabys deńgeıine qaramastan, árbir balaǵa 18 jasqa tolǵanǵa deıin  járdemaqy tóleýdi usynyp otyr.

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar