Tıimsiz jobalardy qysqartýdy usyndy

G.Nuǵmanovanyń pikirinshe, partııa Qazaqstandaǵy áleý­mettik ádildiktiń saltanat qu­rýy úshin bar kúshin salmaq.

– Eldegi azamattardyń zeı­net­kerlik jasyn 60 jasqa deıin tómendetý qajet. QHP osy baǵytta kúres júrgizedi. Biz­diń maqsatymyz – áleýmettik ádi­­letti memleket qurý. Biz aza­­mat­tardy memleket tarapy­nan sapaly ári jan-jaqty qor­­ǵaý­dy qamtamasyz etýge tıis­piz. Áleý­met­tik kepil­dikter men tólemderdiń ádil júıe­sin qalyp­tas­tyrý mańyzdy. Biz teń múm­kin­dikterdiń ornaýy úshin bar­lyq jaǵ­daıdy jasaımyz, deıdi G.Nuǵma­nova.

Kandıdat osy óńirdegi jer­­gilikti turǵyndarmen de kez­desti. Onda azamattardy áleý­­mettik qol­daý, halyqty qolje­timdi turǵyn úımen qam­tamasyz etý máseleleri talqy­landy.

– Memleket barlyq sanat­taǵy azamattardy qoldaý úshin naqty júıeli is-qımyl jasaýy tıis. Bizdiń partııa tıimsiz mem­lekettik baǵdarlamalar men jobalardy qysqartýdy qoldaıdy. Sol sebepti memlekettik ap­pa­ratqa reforma júrgizip, sheneýnikter sanyn qysqartý mańyz­dy. QHP jer resýrs­taryna memlekettik menshikti saq­taý­dy qoldaıdy já­ne olar­dy tıimdi paıdala­nýǵa shaqy­rady. Biz jerdi shetel­dik­terge satýǵa qarsymyz, – deıdi G.Nuǵ­manova.

Onyń aıtýynsha, partııa eli­mizde karantın engizi­l­gen­ge deıin únemi salyq tóle­gen, biraq shekteý shara­larynyń saldarynan qıyn jaǵ­daıǵa tap bolǵan jeke jáne zańdy tul­ǵalarǵa nesıe raqym­shyly­ǵyn jasaýdy jaq­taıdy. Aıta keteıik, kandıdattyń pav­lo­dar­lyqtarmen kezdesýi atalǵan partııanyń saılaýaldy úgit-nasıhat naýqany aıasynda uıym­das­tyryldy.

Sondaı-aq Nur-Sultan qa­lasynda «QHP salamatty ómir salty úshin» fleshmoby ótti. Shara aıasynda bir ýa­qyt­ta 50 adam alańǵa shyǵyp, jat­ty­ǵýlar jasady. Flesh­mob Qa­zaqstan Halyq partııa­synyń saılaýaldy úgit-nası­hat ju­mystary aıasynda qolǵa alyn­dy. Osylaısha, Qazaq­stan Ha­lyq partııasy salamatty ómir sal­tyn ustanýdyń mańyz­dyly­ǵyn kórsetti. 

Jappaı jattyǵý jasaý sharasyna Parlament Májilisiniń depýtattyǵyna kandıdat Jam­byl Ahmetbekov te qa­tys­­ty.

– Keıingi kezderi oń úrdis baıqalýda. Kóptegen jas zııandy ádetterden bas tartyp, salamatty ómir saltyn usta­nýda. Tipti egde jastaǵy adamdar da jastardan qalmaýǵa tyry­sady. Olar saıabaqtarǵa, alańdar­ǵa baryp, jattyǵýlar jasaıdy. Salamatty ómir salty – du­rys tamaqtaný nemese sportpen shuǵyldaný ǵana emes. Ol – den­saýlyqty jaqsartýǵa jáne aǵza­daǵy patologııalyq proses­ter­diń aldyn alýǵa baǵyttalǵan shara­lardyń tutas kesheni. Sondyqtan denimizdiń saý bolýyna múmkindik beretin erejelerdi saqtaıyq, – deıdi J.Ahmetbekov.

Fleshmob elordanyń Turan kóshesiniń boıynda ornalasqan ortalyq saıabaǵynda ótti.