Gúlnár Hodjabergenova úshinshi toqsanda 1-5 synyp oqýshylary «kezekshi synyptarda» oqýlaryn jalǵastyratynyn, mektep bitirýshi 9 jáne 11 synyp oqýshylary aralas formatta 15 adamnan aspaıtyn «kezekshi synyptar» rejıminde oqýdy bastaıtynyn, sabaq ýaqyty 30 mınýttan aspaıtynyn jáne úzilis 5 mınýttan bolatynyn aıtty.
Sondaı-aq, basqarma basshysynyń aıtýynsha, 70 paıyz pánder offlaın ótetin sabaq kestesine engen. Bul qatarda qazaq tili men ádebıeti, orys tili men ádebıeti, shet tili, algebra, geometrııa, fızıka, hımııa, bıologııa, geografııa, Qazaqstan tarıhy jáne dúnıejúzi tarıhy páni bar. О́ıtkeni oqýshylar atalǵan pánderden ulttyq biryńǵaı testileý jáne memlekettik emtıhan tapsyratyndyqtan, dástúrli túrde oqytylady. Al, qalǵan 30 paıyz pánder, ıaǵnı ınformatıka, ózin-ózi taný, dene shynyqtyrý, quqyq negizi jáne alǵashqy áskerı tehnologııalyq daıyndyq sabaqtary qashyqtan oqytylady.
Búgingi tańda oblys boıynsha 455 mektepte 240 myń 713 oqýshy oqıdy eken. О́ńirdiń bas pedagogy aldaǵy ýaqytta da osy mejede mektepter óz jumysyn bastaıtynyn, oblys boıynsha 40 myńǵa jýyq balaǵa tegin tamaq, tegin kıim-keshek, oqý quraldary jáne jazda bir rettik saýyqtyrý lagerlerlerine barý sııaqty tegin kómek kórsetilip jatqanyn da jetkizdi. «Úkimettiń №64 qaýlysyna sáıkes, atalǵan tegin kómekke bıýdjetten qarajat bólinedi. Qaýlyda kórsetilgendeı, bir rettik ystyq tamaq balalardyń oqý orny boıynsha beriledi. Demek, bala oqý ornyna kelse, tamaqtanady, al kelmegen jaǵdaıda tamaqtanbaıdy. Sáıkesinshe, qarajat ta bólinbeıdi.
Búginde oqýshylar dástúrli formatta oqyǵan kúnde de, ashanalar iske qosylǵan joq. Sebebi, sanıtarlyq dárigerdiń qaýlysyna sáıkes, ashanalardyń iske qosylýyna ruqsat joq. Al, balanyń tamaqtanýyna bólingen qarajat, sol bilim mekemeleriniń basqa da qajettiligine jumsaldy», dedi Gúlnár Hodjabergenova.
