Máselesi bastan asatyn buıyǵy aýyldyń turǵyndary taıaýda qýanyshty oqıǵanyń kýási boldy. Jergilikti kásipker Bekzat Slıambek kenttegi alǵashqy áleýmettik dúkendi ashyp, jerlesteriniń alǵysyna bólendi.
Atalǵan saýda núktesinde taýardyń 19-ǵa jýyq túri satylady. Mundaǵy makaron, pııaz, un, jumyrtqa, kúnbaǵys maıy sııaqty azyq-túlik túrleri úlken suranysqa ıe. Bulardyń baǵasy da qoljetimdi: basqa dúkenderge qaraǵanda 15-20%-ǵa arzan. Mysaly, munda kartoptyń kılosy 150 teńgeden satylady. Bul degenińiz, aýyldaǵy eń tómen baǵa. Satýshylardyń aıtýynsha, eki kúnniń ishinde áleýmettik dúkendegi taýarlardyń 80%-y ótip ketken.
Saıaq kentiniń ákimi Asqar Botahanov áleýmettik dúken ashqan Slıambekovter otbasynyń kentte belsendi qyzmet atqaratynyn aıtady.
– Kásipker otbasynyń ıeliginde shaǵyn jıhaz salony, turmystyq tehnıkany satý bólimi jáne tońazytqysh, teledıdar jáne telefon jóndeıtin sheberhana bar. Olardyń dúkeni jergilikti saýda oryndary arasynda myqty básekelestik týdyrdy, – deıdi ol.
Kásipker Bekzat Slıambek aldaǵy ýaqytta taýardy Qaraǵandydaǵy kóterme saýda núktelerinen satyp alyp, ony aýylǵa júk kóligimen jetkizip alýdy josparlap otyr.
Qaraǵandy oblysy,
Saıaq kenti
