Búgin, atmosferalyq aǵyndardyń ótýine baılanysty Qazaqstannyń kóp bóliginde qubylmaly aýa raıy saqtalady, keı aımaqtarda qar jaýady, jel kúsheıip burqasynǵa aınalady. Sonymen birge,kóktaıǵaq bolyp, tuman túsedi. Bul týraly Today.kz habarlady.
Respýblıkanyń soltústigi, ońtústik shyǵys jáne shyǵysynda qar jaýmaıdy.Al Almaty oblysynyń keı jerlerinde tuman túsedi. Jeldiń jyldamdyǵy Jalańashkól mańynda sekýndyna 15-20 metrge deıin, kúndiz tipti 25 m/s-ge deıin uıytqyp soǵady. Qostanaı oblysynyń keı aýdandarynda jaıaý borasyn soǵady, jer taıǵaq bolady, jeldiń jyldamdyǵy 15-20 m/s. Atyraý oblysynda tuman túsýi múmkin, kóktaıǵaq, jeldiń jyldamdyǵy 15-20 m/s. Soltústik Qazaqstan oblysynyń jekelegen aýdandarynda tuman túsedi, jeldiń jyldamdyǵy 15-20 m/s-ge jetýi múmkin.
Jambyl oblysynyń jekelegen bóligine tuman túsýi yqtımal, jel kúsheıip 15-20 m/s-ge jetedi. Batys Qazaqstan oblysynyń keı jerlerinde kóktaıǵaq bolýy yqtımal. Kúndiz jeldiń qarqyny 15-20 m/s-ge jetedi. Aqtóbe oblysynda jel kúsheıip 15-20 m/s-ge jetedi, boran soǵady. Shyǵys Qazaqstan oblysynyń jekelegen aýdandarynda jel kúsheıip 5-20 m/s-ge jetedi, túnde tuman túsedi. Aqmola oblysynyń aımaǵyna túnde jáne tańerteń jáne Ońtústik Qazaqstan, Qaraǵandy oblystarynyń keı jerlerinde tuman túsedi. Mańǵystaý oblysynda jel kúsheıip 15-20 m/s-ge jetedi.
Baqytbek Keneshuly.
Derekkóz: Today.kz
