Saılaý • 31 Jeltoqsan, 2020

Balalar kapıtalyn engizýdi usynady

48 ret kórsetildi

«Aýyl» halyqtyq-demokratııalyq patrıottyq partııasynyń atynan Parlament Májilisiniń depýtattyǵyna kandıdat Kenjeǵalı Mashyryqov «Aýyldan aýylǵa» aksııasynyń aıasynda «Jaıyq agro» jaýapkershiligi shekteýli seriktestiginiń eńbek ujymymen kezdesti. Úgit-nasıhat tobynyń quramynda oblystyq jáne aýdandyq máslıhat depýtattyǵyna kandıdattar boldy.

Úgit-nasıhat toby óndiristik keshenmen tanysyp, mundaǵy eńbek ujymyna «Aýyl» partııasynyń saılaýaldy tuǵyr­namasynyń bastamalaryn túsindirdi. «Aýyl­­dyqtardyń» pikirinshe, qaıta óńdeý kásip­oryndary agroónerkásiptik keshen júıe­­sindegi negizgi býyn sanalady. Bir jaǵy­nan, bul kásiporyndar qosylǵan qundy qalyp­tastyrady ári osy salanyń ınves­tısııa­lyq tartymdylyǵyn arttyrady. Ekin­shi jaǵynan, aýyl sharýashylyǵy óndi­rý­shi­lerinen shıkizatty turaqty satyp alýdy qamtamasyz etedi.

Bul salada birqatar máseleler bar. Máselen, tıimdi ári uzaq merzimdi nesıe­lik resýrstar qoljetimsiz. Sondaı-aq sa­tylymdy qoldaý úshin «jyldam» aqshaǵa degen turaqty qajettilik bar. Budan bó­lek, qosylǵan qun salyǵyn tóleý kerek. Batys Qazaqstan oblysy máslıhatynyń depýtattyǵyna kandıdat T.Eskendirovtiń aıtýynsha, qaıta óńdeý kásiporyndary shıkizattyń 60%-dan astamyn jeke tul­ǵalardan satyp alady. Sonymen qatar qosylǵan qun salyǵy et kombınattaryna jeke qosalqy sharýashylyqtarǵa jaqsy baǵa usynýǵa múmkindik bermeıdi. Sondyqtan shıkizattyń edáýir bóligi tıisti óńdeýsiz deldaldar arqyly naryqqa shyǵady.

K.Mashyryqov mundaı máseleler el Prezıdentiniń aýyl sharýashylyǵy ónimderin qaıta óńdeý úlesin eki ese arttyrý jónindegi tapsyrmasyn iske asyrýǵa kedergi keltiretinin jáne osyǵan baılanysty partııa agroónerkásiptik keshen sýbektilerin qosylǵan qun salyǵynan bosatýdy usynyp júrgenin jetkizdi.

Sondaı-aq «Jaıyq agro» JShS-nyń eńbek ujymymen kezdesý kezine par­tııanyń áleýmettik teńdikti qamtamasyz etý jónindegi bastamalary týraly da aı­tyldy. K.Mashyryqovtyń aıtýynsha, «Ba­la násibi» balalar kapıtalyn engizý jár­demaqy túrlerin 7-den 1-ge deıin qys­qar­­týǵa múmkindik beredi jáne halyqqa túsi­­nikti bolady.

– Statıstıka kórsetip otyrǵandaı, ótken jyly bir jasqa deıingi bala kútimi bo­ıynsha járdemaqyny jańa týǵan bala­lardyń tek 65%-y ǵana paıdalanǵan. Jár­demaqylardyń birneshe túriniń bolýyna baılanysty qatelikter oryn alady. Ási­rese, bıýrokratııadan sharshaǵan aýyl áıel­deriniń memleket usynǵan kómekten bas tartqan jaǵdaılary kezdesedi, – deıdi K.Ma­shy­ryqov.

Kezdesýge qatysýshylar bala kapı­talyn engizý – týyndaǵan máseleni birjo­lata sheship, áleýmettik qoldaýdyń qolje­timdiligin arttyrady degen ortaq pikirge keldi.

Sonymen qatar atalǵan partııanyń kan­dı­dattary óńirlerde birqatar mańyzdy kezdesýler ótkizdi. Máselen, Pavlodar oblysynda Parlament Májilisiniń depý­tat­tyǵyna kandıdat N.Arsıýtın, Pavlodar oblystyq máslıhatynyń depýtattyǵyna kandıdattar B.Amanjolov, E.Toqtyshaqov jáne partııanyń senimdi ókilderi E.Baı­ǵurmanov, A.Batyrshaev Aqsý aýdany Qal­qaman aýylynyń turǵyndarymen kez­desip, partııanyń saılaýaldy baǵdarlamasyn ta­nystyrdy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar