Medqyzmetkerler qandaı qoldaýǵa da laıyq

– Kúrdeli sanıtarlyq-epı­de­­mııalyq jaǵdaıda jumys istep jatqan dárigerlerimiz ben kishi medısınalyq qyzmet­ker­­lerimiz qarjylyq qoldaý shara­­larynyń jańa paketine laıyqty. Dárigerler men sanı­tar­­lardy jeke qorǵanys qural­darynyń jetkilikti mólsherimen qamtamasyz etý jumysyn toq­tatýǵa bolmaıdy, – deıdi G.Mú­siltaeva.

Kandıdattyń aıtýynsha, mem­leket qaýipti ınfeksııamen kú­reste aldyńǵy qatarda júr­gen jáne vırýs juqtyrǵan adam­dar­men baılanysta bolǵan barlyq dá­ri­gerlerge ústemeaqy tóleýi tıis.

– El Prezıdenti memlekettiń densaýlyq saqtaýǵa jumsaıtyn shyǵyndaryn osy jyldan bastap ishki jalpy ónimniń 5%-na deıin arttyrý mindetin júktedi. Árı­ne, bul mańyzdy qadam. Biraq bul qarjy azamattardyń den­saýlyǵyn qorǵaýdy tıimdi qam­tamasyz etý úshin jetkiliksiz. Qazaqstan Halyq partııasynyń músheleri taıaý jyldary memle­ket­tiń medısınaǵa arnalǵan shyǵys­tarynyń kólemin ulǵaı­tý­dy kózdep otyr. Barlyq damyǵan elderde densaýlyq saqtaý sala­syna kóp kóńil bólinedi. Qazaq­stan da osy joldy ustanýy kerek, – deıdi G.Músiltaeva.

Kezdesýge qatysýshylar den­saýlyq saqtaý júıesindegi ózekti máselelerge toqtalyp, paıym pi­kirleri men shaǵymdaryn jet­kizdi.

Sondaı-aq Temirtaýda Par­lament Májilisiniń depýtat­ty­­ǵyna osy partııanyń atynan kan­dıdat Dmıtrıı Poltarenko «Me­niń úıim» daǵdarys orta­lyǵynyń múshelerimen kezdesti. Áńgimege balalar men áıelderge qatysty zorlyq-zombylyqtyń jıilep ketýi ózek boldy. Kandıdat Qazaqstanda otbasyndaǵy zor­lyq-zombylyqqa qarsy is-qımyl týraly zańdardy ózgertý qajettigin alǵa tartyp, jazany qatańdatý kerektigin jetkizdi.

– Karantın engizilgennen keıin áıelder men balalarǵa qatysty turmystyq zorlyq-zom­bylyq faktileri jıilep ketti. Osy jyldyń sáýir aıynda 150 nómiri boıynsha jedel jelige turmystyq zorlyq-zombylyq qur­bandarynan 300-den astam ótinish kelip tústi. Zardap shekkender polısııaǵa qońyraý shala alady. Biraq zardap shegý­shiler mundaı jaǵdaıda tártip saq­shylary kómektespeıdi dep qorqady. Sebebi polısııa qyzmet­ker­leri otbasy múshelerin tatýlas­tyrýǵa tyrysady. Eger otbasy­nyń shyrqyn buzǵan adam jaýapqa tartylǵan jaǵdaıda tek aıyppul ǵana tóleıdi, – deıdi D.Poltarenko.

Kandıdattyń pikirinshe, qo­ǵamda polısııa men sot júıe­sine senimsizdik bar. Quqyq qor­ǵaý jáne sot organdarynda áıel­der­diń az ǵana ókiliniń bolýy sot tóreligin zardap shekkenderdiń paı­dasyna qol jetkizýdi qıyn­datady.

– Bıyl Qazaqstanda tek 8 aıdyń ishinde otbasylyq-tur­mystyq zorlyq-zombylyq ba­ǵytynda 130 myńnan astam quqyqbuzýshylyq jasaldy. Alaı­da birneshe adamnyń isi ǵana sotqa jetedi. Keıingi úsh jyl­da otbasylyq-turmystyq zor­lyq-zombylyq faktileri 2,5 ese ósti. Sondyqtan turmystyq zor­lyq-zombylyq týraly jańa zań jobasyn qabyldaý ózekti bolyp otyr. Qazaqstan Halyq par­tııasy osy baǵytta belsendi jumys isteýge nıetti, – deıdi D.Pol­tarenko.