«Jyl tabaldyryqtan attady. Barsha otandastarymyz Jańa jyldy qazirgi jaǵdaıǵa sáıkes qaýipsizdik sharalaryn saqtaı otyryp óz shańyraqtarynda qarsy aldy. Burynǵydaı úı-úıge qonaqqa baryp, qalany aralap, alańǵa jınalyp, merekelik kóńil-kúıdiń joǵary notasyn ustap júretindeı emes», dep jazdy Berik Ýálı.
Ol osy oraıda otandyq telearnalar halyqqa ýaqytty tıimdi ótkizýdiń jolyn usynyp, merekelik baǵdarlamalar jasaǵanyn aıtyp ótti.
«Barlyq baǵdarlamalardyń basynan sońyna deıin án men ázil, tanymdyq aqparat qatar órilip, jurtqa jańajyldyq kóńil-kúı syılaı aldy. Otandyq estrada juldyzdary osynaý qıyn kezde ekrannyń arǵy betinen halyqtyń kóńilin kóterip, aqjarma tilekterin áýezdi áýenmen jetkizdi. Naǵyz merekelik atmosferany qalyptastyra aldy. Bir baǵdarlamanyń artynda tutas ujymnyń úlken eńbegi jatqanyn bilemiz. Eńbek aqtaldy, baǵdarlamalar kórermen kóńilinen shyqty dep senemiz. Osy oraıda, Memleket basshysy Qasym-Jomart Kemeluly otandyq telearnalardaǵy baǵdarlamalardy kórip, kóńili tolyp, rızashylyǵyn bildirip jatqanyn aıtqym keledi», delingen jazbada.
