Sonyń biri – Inder aýdanyndaǵy kópbeıindi aýyl sharýashylyq kolledjindegi 100 oryndyq jataqhana. Tórt qabatty jańa jataqhanada eki orynǵa arnalǵan 12, úsh oryndyq 15, tórt adamǵa eseptelgen 4 jatyn bólme bar. Ár bólme qajetti jıhazdarmen jabdyqtaldy.
Ekinshisi – Atyraý energetıka jáne qurylys kolledjiniń stýdentteri úshin salynǵan 100 oryndyq jataqhana. Zamanaýı úlgimen boı kótergen jataqhananyń tórt qabatta tórt teledıdar men 12 avtomatty kir jýý mashınkasy bar.
Úshinshi jataqhana Jylyoı aýdanyndaǵy S.О́tebaev atyndaǵy munaı jáne gaz tehnologııalyq kolledjinde ashyldy. Bul jataqhana 60 orynǵa eseptelipti. Munda da jańa jıhazdar, tósek oryn, tońazytqysh, teledıdar, beınekamera, stýdentterge arnalǵan kitaphana, ashana, demalys zaly, salaýatty ómir saltyn ustaný maqsatynda sporttyq alań salyndy.
Úsh jataqhanada da stýdenttermen birge, kolledjderde jumys isteıtin oqytýshylardyń jas otbasylary tura alady.
«О́ńirdegi 24 tehnıkalyq jáne kásiptik kolledjderde 15 myńnan astam stýdent bilim alady. Basqa aımaqtan kelgen stýdentter men oqytýshylar úshin jataqhana máselesi mańyzdy bolyp otyr. Osyǵan oraı 2022 jylǵa deıin jataqhanaǵa suranysty tolyq sheshýdi kózdep otyrmyz», deıdi oblystyq bilim basqarmasynyń basshysy Satqan Esenǵalıev.
