Almaty qalasy Sanıtarlyq-epıdemııalyq baqylaý Departamenti basshysynyń orynbasary Ásel Qalyqova Almatynyń qazir «sary aımaqta» ekenin atap ótti.
2020 jyldyń basynan beri qala aýmaǵynda koronavırýs ınfeksııasyn juqtyrǵan 18 myńnan astam adam, sonymen birge, anyqtalmaǵan pnevmonııanyń 1423 oqıǵasy tirkelgen.
Jeltoqsan aıynda KVI-diń 2256 oqıǵasy tirkeldi. Jeltoqsan aıynyń 4 aptasynyń qorytyndysy boıynsha koronavırýs ınfeksııasyn juqtyrý oqıǵalaryna epıdemıologtardyń júrgizgen zertteýleri ınfeksııany juqtyrýǵa 20-dan 60 jasqa deıingi azamattar áldeqaıda beıim ekenin kórsetken, tórt aptada bul jastaǵylar aýyrǵandardyń 64 paıyzyn quraǵan.
Almaty qalasynda qoǵamdyq oryndar, onyń ishinde dúkender, dárihanalar, qoǵamdyq tamaqtaný oryndary, SOO jáne bazarlar ınfeksııa eń kóp juǵatyn oryndar bolyp qalýda. Halyqtyń KVI juqtyrý oryndarynyń qurylymynda kelesi oryndar basym: syrqattanǵan adamdardyń qoǵamdyq oryndarǵa kelýiniń úles salmaǵy - saýda úıleri, dúkender, dárihanalar, SOO, qoǵamdyq tamaqtaný oryndary, bazarlar, medısınalyq uıymdar, 20-dan 40 jasqa deıingi jastardyń qatysýmen otbasylyq is-sharalar (39%), olar syrqattanǵan adamdardyń 35%-yn jáne 40-tan 60 jasqa deıingi adamdar-29%; otbasynyń naýqas múshelerimen baılanys (35%) jáne qalalyq kólik (17%).
О́tken táýlikte qala boıynsha 100-den astamnyń indet juqtyrǵany tirkeldi, olardyń 30 paıyzynda aýrý klınıkalyq sımptomsyz ótýde.
Qala turǵyndary men qonaqtaryna múmkindiginshe qoǵamdyq oryndarǵa barýdan bas tartyp, dúkenderde, SOO, bazarlarda jáne qoǵamdyq basqa da oryndarda áleýmettik qashyqtyq saqtaý usynylady. Sondaı -aq, betperde taǵýdy jalǵastyryp, olardy taǵýdyń jáne aýystyrýdyń erejesin saqtaý kerek.
