Saılaý • 05 Qańtar, 2021

Otandyq týrızmdi damytýdyń ońtaıly kezeńi

64 ret kórsetildi

«Aýyl» Halyqtyq-demokratııalyq patrıottyq partııasynyń atynan Parlament Májilisine jáne Soltústik Qazaqstan oblysy máslıhattarynyń depýtattyǵyna kandıdattar osy óńirdegi Aıyrtaý aýdanynyń Imantaý aýylynda bolyp, Imantaý-Shalqar kýrorttyq aımaǵynyń ujymymen kezdesti.

Saılaýaldy úgit-nasıhat jumystary aıasyndaǵy kezdesýdiń negizgi maq­saty partııanyń aýyldaǵy aýyl sharýa­­shylyǵyna jatpaıtyn bıznes túr­lerin damytý, buqaralyq sport pen agro­tý­rızmdi jańǵyrtý jónindegi bastamalaryn túsindirý boldy.

Imantaý-Shalqar kýrorttyq kesheni «Kókshetaý» memlekettik ulttyq tabıǵı parkiniń aýmaǵynda ornalasqan. Atalǵan keshen Qazaqstandaǵy týrızmdi damytý jónindegi 10 basym jobanyń qataryna kirgen.

Kandıdat Tóleýtaı Raqymbekov atap ótkendeı, 2020 jyldyń basynan beri koronavırýs pandemııasyna baılanysty týrızmniń syrtqy baǵyttary is júzinde toqtap qaldy. Bul jaǵdaı qazaqstandyq týrıster aǵynyn ishki kýrorttarǵa baǵyttaýǵa, otandyq týrızm salasyn damytýǵa biregeı múmkindik beredi.

Partııa baǵdarlamasynda aýyldaǵy aýyl sharýashylyǵyna jatpaıtyn bıznes túrlerin damytý boıynsha birqatar shara qarastyrylǵan. Máselen, bul shara naryqqa qonaqúı qyzmetterin usyný, demalys nysandaryn salý jáne fer­mer­lerdi agrotýrızmmen aınalysýǵa yntalandyrý sııaqty qosymsha qyzmettermen qamtýdy kózdeıdi.

Partııa ókilderi osy bastamalardyń bolashaǵy bar dep sanaıdy. Tóleýtaı Raqymbekovtiń pikirinshe, Shyǵys Eýro­panyń birqatar elinde ulttyq mádenıet pen turmysty saqtap qalý úshin agrotýrızm nysandary jumys isteıdi. Olar sporttyq demalys qyzmetteri men jergilikti jerdiń tabıǵı, mádenı-tarıhı jáne basqa da resýrstaryn paıdalanýǵa baǵyttalǵan aýyldyq ınfraqurylym elementterin biriktiredi.

«Aýyl» partııasynyń atynan kandıdat, etnodızaıner Bahargúl Tólegen bolsa Imantaý kentiniń turǵyndary úshin qolónershilik – tabys deńgeıin arttyrýdyń bolashaǵy jarqyn baǵyty bola alady dep esepteıdi.

Osy mańyzdy sektordy damytý shaǵyn kásiporyndardyń keń jelisin qurýdy, shaǵyn kásipkerlikti jáne tıimdi básekelestik ortany damytý úshin qolaıly alǵysharttar jasaıtyn jeke qolónershiler sanynyń ósýin qamtamasyz etýge qabiletti.

Qolónershilerdiń ıkemdiligi men utqyrlyǵy ekonomıkalyq jáne áleý­mettik mindetterdiń tutas keshenin sheshý­ge jol salady. Sondaı-aq halyqtyń, sonyń ishinde aqyl-oıy, fızıkalyq múm­kin­dikteri ártúrli adamdardyń damýy­na jaǵdaı jasaıdy. Ártúrli bilim qory men túrli kásibı múddeleri bar adam­dardyń barynsha jumyspen qamtylýyn qamtamasyz etýge, olardyń shyǵarmashylyq áleýetin tolyq iske asyrýǵa múmkindik beredi.

Partııanyń saılaýaldy úgit-nasıhat jumystarynan keıin «Aýyl» Halyqtyq-demokratııalyq patrıottyq partııasynyń atynan Parlament Májilisine jáne máslıhattar depýtattyǵyna kandıdattar salamatty ómir saltyn qalyptastyrý maqsatynda ózara shańǵymen jarys uıymdastyrdy.

 

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar