Sonymen qatar, Qazaqstannyń Italııadaǵy Elshisi Sergeı Nurtaevtyń onlaın-brıfıngi barysynda jergilikti mass-medıa ókilderine elde ótip jatqan demokratııalyq úderister, parlamenttegi áıelder men jastardyń ókildigin arttyrý quraldary, daýys berý rásiminiń joǵary halyqaralyq standarttarǵa sáıkestigin qamtamasyz etý boıynsha memlekettik organdardyń júıeli jumysy týraly habardar etildi.
Qazaqstannyń Irandaǵy Elshisi Ashat Orazbaı atalǵan elde ýaqytsha júrgen Qazaqstan azamattary daýys bere alatyn dıplomatııalyq ókildik aýmaǵyndaǵy saılaý ýchaskesiniń jumysyna daıyndyq týraly habarlady.
Brıfıng barysynda Májilistiń jańartylǵan quramy Qazaqstandaǵy áleýmettik-ekonomıkalyq reformalar baǵdarlamasyn quqyqtyq súıemeldeýdi jetildirýdi jalǵastyratyny, al aldaǵy saılaý Qazaqstannyń memlekettiń saıası ınstıtýttaryn odan ári jańǵyrtýǵa beıildiliginiń aıqyn aıǵaǵy bolatyny atap ótildi.
Brıfıng barysynda Qazaqstannyń Pákistandaǵy Elshisi Aqan Rahmetýllın jergilikti BAQ-tyń, ǵylymı jáne bilim berý ortalarynyń nazaryn elde júrgizilip jatqan, onyń qaryshty damýyna baǵyttalǵan ınstıtýsıonaldyq ózgeristerge aýdardy. Is-sharaǵa qatysýshylar, sonyń ishinde bedeldi Pákistan ýnıversıtetteriniń professorlary, saılaý qarsańyndaǵy Qazaqstandaǵy saıası jaǵdaı týraly óz oılaryn ortaǵa salyp, atap aıtqanda, Tuńǵysh Prezıdent – Elbasy Nursultan Nazarbaevtyń mańyzdy úlesin jáne Memleket basshysy Qasym-Jomart Toqaevtyń óńirlik jáne jahandyq halyqaralyq prosesterdiń belsendi qatysýshysy retindegi Qazaqstannyń rólin nyǵaıtý jónindegi kúsh-jigerin atap ótti.
