Búgin Dımash Qudaıbergenniń Amerıka Qurama Shtattarynda 17 qańtar kúni bastalatyn jańadan saılanǵan AQSh prezıdenti Djozef Baıdenniń ınaýgýrasııasyn toılaý aptalyǵynyń ashylý saltanatyna qatysatyndyǵy habarlandy.
Dástúr boıynsha bul is-sharany Baýyrlas qalalar assosıasııasy – «Sister Cities International» uıymy ótkizedi. AQSh-tyń jańadan saılanǵan prezıdenti Djozef Baıden bul uıymnyń qurmetti teń tóraǵasy boldy. Sonymen qatar bul is-sharaǵa dıplomatııalyq korpýsta qatysady.
Koronavırýs ınfeksııasy pandemııasyna baılanysty mereke 2021 jyldyń 17 qańtarynda saǵat 19:00-den 21:00-ge deıin (Nur-Sultan ýaqyty boıynsha saǵat 6:00-den 8:00-ge deıin) onlaın túrde ótedi.
Vashıngtonda ornalasqan «Sister Cities International» halyqaralyq úkimettik emes uıymynyń negizin 1953 jyly AQSh-tyń 34-prezıdenti Dýaıt Eızenhaýer qalaǵan.
Sol kezden beri AQSh prezıdentteri Djon F. Kennedı, úlken Djordj Býsh, Bıll Klınton, Barak Obama jáne Donald Tramp bul uıymnyń qurmetti teń tóraǵalary boldy.
70-jylǵa jýyq tarıhynda «Sister Cities International» AQSh qalalary jáne onyń 130-dan asa memleketterdegi baýyrlas qalalarynyń ózara árekettesýine baılanysty kóptegen is-sharalardy ótkizdi.
Osy jyly «Sister Cities International» segiz márte «Gremmı» júldegeri – ańyzǵa aınalǵan ánshi Daıon Ýorvıkke uzaq jyldar etken eńbegi úshin marapat usynady. Sonymen qatar, Daıon Ýorvıktiń álemge «The Weeknd» retinde belgili úsh márte «Gremmı» júldegeri Abel Tesfaımen birlesip jumys jasaı bastaǵany belgili boldy.
«Sister Cities International» uıymynyń negizi qalanǵaly jáne AQSh pen Qazaqstannyń qarym-qatynasy tarıhynda alǵash ret jańa saılanǵan AQSh prezıdentiniń ınaýgýrasııasyn toılaý aptalyǵyn ashýshy is-sharaǵa qazaqstandyq ánshi – Dımash Qudaıbergen qatysady.
«Sister Cities International» is-sharasynan bir kún buryn, 16 qańtarda qazaqstandyq oryndaýshynyń «DIMASH DIGITAL SHOW» atty alǵashqy onlaın-konserti ótkiziledi.
