Parlament • 05 Qańtar, 2021

Senat depýtattary agrarlyq ýnıversıtetke keldi

163 ret kórsetildi

Parlament senatynyń depýtattary byltyr ǵana torqaly 90 jyldyǵyn atap ótken Qazaq ulttyq agrarlyq zertteý ýnıversıtetine jumys saparymen keldi. Senat tóraǵasynyń orynbasary Nurlan Ábdirov, áleýmettik-mádenı damý jáne ǵylym komıtetiniń múshesi Dınar Núketaeva, konstıtýsııalyq zańnama, sot júıesi jáne quqyq qorǵaý organdary komıtetiniń múshesi Sultanbek Mákejanov, áleýmettik-mádenı damý jáne ǵylym komıtetiniń múshesi Nurtóre Júsip, agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Sultan Dúısenbınovter oqý ornynda qolǵa alynyp jatqan jańashyl bastamalarmen tanysyp, stýdenttermen jáne oqytýshy-ǵalymdarmen pikirlesti, dep habarlaıdy Egemen.kz

Qazaq ulttyq agrarlyq zertteý ýnıversıtetiniń rektory Tilektes Espolov qonaqtarǵa ýnıversıtette atqarylyp otyrǵan aýyqymdy jumystar barysyn baıandap, aldaǵy josparlarymen bólisti. О́z kezeginde senatorlar agrarlyq sala sala mamandarymen birge memleket basshysy aıqyndaǵan mindettemelerdi júzege asyrý barysynda aýylsharýashylyq óndirisine IT-tehnologııalardy engizý, ǵylymı jańalyqtardy óndiriste paıdalaný, ınvestısııa tartý jáne aýylsharýashylyǵyna bilikti mamandar daıarlaý isin damytý máselelerin talqylady.

Depýtattar Vagenıngen ýnıversıtetimen (Nıderlandy) jumys jónindegi ınstıtýttyń jáne Fransııanyń Monpele ýnıversıtetimen birlesken sút jáne sút ónimderiniń referenttik zerthanasynyń ashylý rásimine qatysty. Sonymen qatar agroónerkásiptik keshendegi úzdik ınnovasııalyq tehnologııalar men jańa bilimderdi izdestirý, tartý jáne transfertteýdi iske asyratyn Halyqaralyq Agrotehnologııalyq Hab jumysymen de tanysty.

– Qazaq ulttyq agrarlyq zertteý ýnıversıteti agrarlyq bilim berý, ǵylym jáne óndiristi ıntegrasııalaý boıynsha júıeli jumys júrgizip, jańa beleske kóterilip, ınnovasııalyq baǵytta damyp keledi. Halyqaralyq jáne ulttyq reıtıngterde laıyqty oryn alatyn ýnıversıtet Qazaqstanda jáne TMD elderine keńinen tanymal. Ujymnyń endigi maqsaty – álemdik bilim berý keńistiginde óz ornyn aıqyndap, álemdik deńgeıdegi joǵary oqý ornyna aınalý. Oqý ornynda ashylǵan jańa ınnovasııalyq ortalyqtar men zerthanalar básekege qabiletti, sapaly mamandardy daıarlaýǵa jáne agrarlyq naryqta suranysqa ıe ǵylymı jobalardy tıimdi oryndaýǵa múmkindik beredi, deıdi Senat tóraǵasynyń orynbasary Nurlan Ábdirov.

Eske salsaq, 2020 jyly ýnıversıtetke Úkimet qaýlysymen «Ulttyq zertteý ýnıversıteti» mártebesi berildi. Ýnıversıtet basshylyǵynyń aıtýynsha, qazir stýdentterdi zamanǵa jáne álemdik tehnologııa talaptaryna saı etip oqytý jáne tárbıeleý basty nazarǵa alynyp otyr.

 

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Uqsas jańalyqtar