Saılaý • 06 Qańtar, 2021

Eksport ekonomıkany turaqtandyrady

44 ret kórsetildi

«Aýyl» Halyqtyq-demokratııalyq patrıottyq partııasynyń atynan Parlament Májilisiniń depýtattyǵyna kandıdattar Nıkolaı Arsıýtın men Talǵat Zeınýllın partııanyń saılaýaldy úgit-nasıhat tobymen birge Ekibastuz qalasyndaǵy «Bogatyr Trans» jaýapkershiligi shekteýli seriktestiginiń eńbek ujymymen kezdesti.

«Bogatyr Trans» JShS – Qazaqstan­daǵy vagondardy jóndeý boıynsha iri zaýyt sanalady. Kásiporyn 500-ge jýyq adamdy jumyspen qamtyp otyr. Qazaqstandyq kómir eksportyn damytýǵa belsendi úles qosyp keledi.

N.Arsıýtınniń aıtýynsha, eksportty damytý – óńirdiń ekonomıkalyq turaqtylyǵyn qamtamasyz etedi. Shetelden ımporttalatyn árbir taýar valıýta suranysyn týyndatatyndyqtan, otandyq básekege qabiletti taýarlar eksportyn damytý asa mańyzdy. Osyǵan baılanysty, logıstıkalyq júıeni jumyspen úzdiksiz qamtamasyz etý – strategııalyq mańyzdy mindet.

Sonymen qatar kezdesýde kásip­odaq­tardyń róli týraly sóz boldy. «Aýyl» partııasy óziniń saılaýaldy tuǵyrnamasyna kásipodaqtarmen birlesip jumysshylar úshin áleýmettik paketti ázirleýdi jáne engizýdi qolǵa alǵan alǵashqy saıası uıymdardyń biri sanalady. Kandıdat T.Zeınýllınniń aıtýynsha, kommýnaldyq qyzmetterge, birinshi kezekte óndiristik sektordyń kásipkerlerine elektr energııasynyń tarıfterin sýbsıdııalaý júıesin engizý qajet.

Eńbek ujymymen kezdesýde «Bala násibi» balalar kapıtalyn engizý máselesi de aıtyldy. Jumysshylar osy bastamany iske asyrý kezinde belgilenýi múmkin tólem somasyna qyzyǵýshylyq tanytty. N.Arsıýtınniń aıtýynsha, elimizde jyl saıyn shamamen 400 myń bala dúnıege keledi jáne bıýdjet múmkindikterin eskere otyryp, 1 balaǵa usynylatyn tólem soma­syn keminde 32 myń teńgege kóterýge múm­kindik bar. Mundaı járdemaqy belgi­len­gen jaǵdaıda jáne ony 18 jasqa deıin tóleý qajettiligin eskere otyryp, bıýdjettik shyǵystar shamamen 2,3 trln teńgeni quraıtyn bolady. Tıim­siz res­pýb­lıkalyq bıýdjettik baǵdarla­malar­dyń provızorlyq taldaýy olardy sekvestrleý kezinde jyl saıyn shamamen 300-400 mlrd teńge qarastyrýǵa jáne olardy balalar kapıtalynyń qamtylýyn keńeıtýge nemese aı saıynǵy somany ulǵaıtýǵa baǵyttaýǵa bolatynyn kórsetti. «Bogatyr Trans» JShS-niń jumyskerleri mono qalalardy damytý boıynsha partııanyń usynystaryna da qyzyǵýshylyq tanytty.

Sondaı-aq osy partııanyń atynan oblystyq jáne aýdandyq máslıhattar depýtattyǵyna kandıdattar Jambyl, Batys Qazaqstan, Túrkistan jáne Aqmola oblystaryndaǵy kásiporyndar ujymdarymen jáne turǵyndarmen kezdesý ótkizip, partııanyń saılaýaldy baǵdarlamasyn túsindirdi.

Máselen, Jambyl oblysy Jýaly aýdanynda Parlament Májilisiniń depýtattyǵyna kandıdat Begaly Nurjigit pen Jambyl oblystyq máslıhatynyń depýtattyǵyna kandıdat Erbolat Saýryqovtyń qatysýymen «Fermerlik Eńbek jáne azyq-túlik qaýipsizdigi» taqyrybynda kezdesý ótti. Parlament Májilisiniń depýtattyǵyna kandıdattar Qaırat Aıtýǵanov, Qanat Tasybekov jáne oblystyq jáne qalalyq máslıhattar depýtattyǵyna kandıdattar Jáńgir han atyndaǵy Batys Qazaqstan ýnıversıtetiniń pedagogterimen jáne  jastarmen kezdesti.

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar