Saılaý • 06 Qańtar, 2021

Eńbek adamyn qoldaý qajet

40 ret kórsetildi

Qazaqstan Halyq partııasynyń atynan Parlament Májilisiniń depýtattyǵyna kandıdattar elordadaǵy elektrtehnıkalyq zaýytyna bardy. Spıkerler partııanyń saılaýaldy baǵdarlamasyn túsindirip, ónerkásiptik kásip­oryndardaǵy eńbekkerlerdiń quqyqtaryn qorǵaý jáne qoldaý jónindegi máselelerge nazar aýdardy.

«Belgili bolǵandaı, Qazaqstan Halyq partııasynyń tóraǵasy Aıqyn Qońyrov teledebattar kezinde ekonomıkalyq reformalarǵa, Qazaqstanda halyq ekonomıkasyn qurý qajettigine nazar aýdardy. Biz eldegi naqty áleýmettik-ekonomıkalyq jaǵdaı sheneýnikter aıtqannan áldeqaıda basqa ekenin jaqsy bilemiz. Ázirge bizde kvazımemlekettik, transulttyq kompanııalar basym. Al ekonomıkanyń naqty sektory damymaı otyr», deıdi kandıdat Jambyl Ahmetbekov.

QHP músheleri memleket ekonomıkany damytýdyń jańa modelin qabyldaýy tıis dep sanaıdy. Ol halyqtyq bolýy kerek. «Ulttyq ekonomıkanyń básekege qabilettiligi men ornyqtylyǵy qoǵam­nyń ómirlik mańyzdy qajettilik­terin qanaǵattandyrýy, qosylǵan quny joǵary ónim shyǵarýdy ulǵaıtýy, eńbek ónimdiligin arttyrýy jáne eksportty ártaraptandyrýy tıis. Otandyq kásip­oryndar ónim sapasyn jaqsartý, suranysty arttyrý úshin únemi jumys isteýi kerek. Jumys berýshilerdi yntalandyrý tetikteri men quraldary qajet», dedi J.Ahmetbekov.

Kezdesýge qatysýshylar ózderin tol­ǵandyrǵan suraqtaryn qoıyp, «Astana elektrtehnıkalyq zaýyty» JShS-indegi eńbek jaǵdaılaryn jaqsartý boıynsha usynystar engizdi.

Sondaı-aq Aqtóbede Qazaqstan Halyq partııasynyń atynan Parlament Májilisiniń depýtattyǵyna kandıdat Irına Smırnova óńirdegi bilim berý salasynyń qyzmetkerlerimen kezdesti. «Qazaqstan Halyq partııasy sapaly bilimdi qoldaıdy. Joǵary bilim tegin bolýǵa tıis dep sanaıdy. Biz bilim salasyn qaýipsiz memlekettiń negizi retinde qaras­tyryp otyrmyz. Sondaı-aq ol qazir­gi aqparattyq qoǵamdaǵy tulǵalyq damýdyń tiregi bolmaq. Bilim berý – memlekettiń júıe quraýshy ınstıtýty. Sapaly ári qoljetimdi bilimge salynǵan qarjy – eldiń adam kapıtalyna quıylǵan ınves­tısııa», deıdi I.Smırnova.

Onyń aıtýynsha, bilim salasyndaǵy problemalardy sheshý kez kelgen mem­lekettiń mańyzdy mindetteriniń biri. Qazaqstan Halyq partııasy balalarǵa arnalǵan ınfraqurylymdy damytýǵa, balalardyń demalysyn uıymdastyrý­ǵa jáne saýyqtyrý baǵytynda zań jobalaryna bastamashy bolýǵa ázir. «Biz qaýipsiz ári qaıyrymdy balalar ortasyn qurǵymyz keledi. Balalar sportyn damytyp, mádenı-saýyq uıymdaryn ilgeriletý, qazaqstandyq balalardyń densaýlyǵy men shyǵarmashylyq áleýetine memlekettik qoldaý kórsetý tetigin keńeıtý mindeti tur. Bul bolashaq úshin kerek. Bizdiń partııamyz memleket balalardy qosymsha sporttyq seksııalarmen jáne túrli úıirmelermen qamtýǵa kepil bolýy kerek dep esepteıdi. Mundaı úıirmeler men seksııalar jylyna 200 saǵattan kem bolmaýy tıis. Bul talap oblys jáne qala ákimderiniń jumysyn baǵalaýdaǵy negizgi kórsetkishke aınalýy kerek», deıdi I.Smırnova. QHP-nyń úgit-nasıhat naýqany aıasynda uıymdastyrylǵan shara barysynda I.Smırnova partııanyń saılaýaldy baǵdarlamasyn tanystyrdy.

Sońǵy jańalyqtar

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar