Júrgizýshiler jolda túrli quqyq buzýshylyqtarǵa jol berip jatady, olar usaq quqyq buzýshylyqtardan bastap, baǵdarshamnyń qyzyl túsine ótý jáne masań kúıde kólik júrgizý sekildi óreskel quqyq buzýshylyqtar bolyp tabylady.
2020 jyldyń 12 aıynda Mańǵystaý oblysynyń patrýldik polısııa ınspektorlary 80 227 ákimshilik hattama toltyryp, onyń ishinde kólik quralyn basqarý kezinde uıaly telefon paıdalanǵan 10 684 júrgizýshi, qaýipsizdik beldikterin taqpaǵan 16 259 júrgizýshi jaýapkershilikke tartyldy. Budan basqa júrgizýshi kýáliginsiz júrgen 8 298 júrgizýshige qatysty ákimshilik hattama toltyryldy. Baǵdarshamnyń tyıym salynǵan túsinen 1 704 júrgizýshi ótip, qarsy qozǵalys jolyna 696 júrgizýshi shyqqan. Jyldamdyqty asyrǵan júrgizýshiler sany – 1 295, bul kórsetkish 2019 jylmen salystyrǵanda 70%-ǵa azaıdy. Sondaı-aq júrgizýshiler jolda basqa da kóptegen quqyq buzýshylyqtarǵa jol beredi.
Polısııa qyzmetkerleri jaıaý júrginshilerge aýa raıy qolaısyz kezde jáne qarańǵy ýaqytta muqııat bolý kerektigin eskertedi. Sondaı-aq júrgizýshilerge jaıaý júrginshiler ótkelderi aldynda jyldamdyqty azaıtý qajet ekendigin, ásirese balalardyń kútpegen jerden jolǵa shyǵý yqtımaldyǵy joǵary ekendigin eske salady.
О́ńirde ótken jyly jaıaý júrginshilerdi ótkizbegeni úshin 1 471 avtokólik júrgizýshisi jaýapkershilikke tartylǵan. 2020 jyly 7 644 jaıaý júrginshige aıyppul salynǵan.
Jol-kólik oqıǵalarynyń aldyn alý jáne quqyqtyq saýattylyqty arttyrý maqsatynda patrýldik polısııa batalonynyń qyzmetkerleri jol qozǵalysynyń barlyq qatysýshylarynyń arasynda túsindirý jumystaryn júrgizip turady.
