6 qańtarda qaraǵandylyq polıseıler konteınerlerdiń birinen er adamnyń denesin tapqan. Kýágerlerdiń sózinshe, jábirlenýshi birneshe ret balta tıip, qan joǵaltqannan keıin qaıtys bolǵan. Oqıǵa ornynda 37 jastaǵy kúdikti ustaldy. Ol jasaǵan áreketin moıyndaǵan. Kúdiktige qatysty qylmystyq is qozǵaldy.
«6 qańtarda Qaraǵandynyń «Altyn arba» saýda úıiniń konteınerleriniń birinen zorlyq-zombylyq belgileri bar 35 jastaǵy er adamnyń máıiti tabyldy. Qabyldanǵan sharalardyń nátıjesine Qaraǵandy polısııa basqarmasynyń patrýldik polısııa polkiniń qyzmetkerleri oqıǵa ornynda 37 jastaǵy er adamdy ustady. Ol janjal kezinde jábirlenýshige dene jaraqatyn salǵanyn moıyndady. Qylmystyq kodekstiń 99-baby («Adam óltirý») boıynsha qylmystyq is qozǵaldy. Tergeý amaldary júrgizilip jatyr. Polıseıler qylmystyń mán-jaıyn anyqtap jatyr», dedi Qaraǵandy oblysy PD baspasóz qyzmetiniń basshysy Baqytjan Qudııarov.
