Saılaý • 07 Qańtar, 2021

Kooperatıvterdiń kókjıegi keńeımeı tur

23 ret kórsetildi

«Aýyl» Halyqtyq-demokratııalyq patrıottyq partııasynyń tóraǵasy Álı Bektaev bastaǵan úgit-nasıhat toby Aqmola oblysy Aqkól aýdanyndaǵy «Azat Et» kooperatıvinde bolyp, onyń qatysýshylarymen kezdesti. Atalǵan is-shara «Aýyldan aýylǵa» aksııasynyń aıasynda ótip, Qazaqstandaǵy kooperatıvtik qozǵalysty qoldaýǵa baǵyttaldy.

«Azat Et» – Qazaqstandaǵy mal sharýashylyǵy salasyn­daǵy jumystyń turaqtyly­ǵyn kórsetetin jáne birles­ken qyzmettiń barlyq dástúrin saq­taǵan alǵashqy ári ázirshe jal­ǵyz kooperatıv. «Aýyl» par­tııasynyń derekteri boıynsha keıingi 10 jylda elimizde shamamen 2700 kooperatıv qurylypty. Alaıda olardyń tek 0,1%-y ǵana jeke qosalqy sharýashylyqtardy biriktirip, turaqty jumys isteı aldy.

Osy partııanyń múshesi, «Isker demeý» qoǵamdyq qorynyń basshysy Anas Baqqojaevtyń aıtýynsha, kooperatıvterdi qurý kezinde alǵashqy qarjylyq kómek memleket tarapynan bolýy tıis. Sebebi jeke qosal­qy sharýashylyqtardy (JQSh) tek ıdeıa tóńireginde birik­­tirý múmkin emes. Sony es­kere otyryp, 2019 jyly «Sa­muryq-Qazyna» holdınginiń qar­­jy­­laı qoldaýymen Aqmola ob­ly­synyń Aqkól aýdanynda «Azat Et» kooperatıvi quryldy. Qazirgi ýaqytta kooperatıvtiń bordaqylaý alańynda 140-tan astam jeke qosalqy sharýa­shy­lyq­tan alynǵan 400-ge jýyq iri qara mal bar.

Partııa jetekshisi Á.Bektaev­tyń aıtýynsha, kooperatıvti aýyl­sha­rýashylyq tehnıkasymen jab­dyqtaý jeke qosalqy sha­­rýa­­shy­lyqtardyń jem-shópke degen su­ra­nystaryn qamta­ma­syz etý­ge múmkindik berdi. Mal­dy bir­lesip ustaý jáne bor­da­qy­laý­dy uıymdastyrý mal ósi­rý­diń tıim­diligin is júzi­nde dá­lel­deýge múm­kindik týǵyz­dy. Joba aýyldyq aýmaq­­tar­­dyń eko­lo­gııa­lyq jaǵ­da­­ıyn jaq­sartý­ǵa da oń áserin tıgi­zedi. Jeke qosal­qy sharýa­shylyq­tar­dyń ma­lyn jaılaýǵa kóshirý esebinen aýyl­dyq eldi mekenderdiń jaıylymdary tozýdan qorǵalýda.

 

Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar