Kórnekti jazýshy Dýlat Isabekovtiń pesasy negizinde túsirilgen «Ápke» teleserıalynyń alǵashqy bólimderi «Qazaqstan» ulttyq telearnasynda júrip jatyr. Jýyrda osy telehıkaıanyń tusaýkeser rásimine oraı brıfıng uıymdastyryldy.
Kórnekti jazýshy Dýlat Isabekovtiń pesasy negizinde túsirilgen «Ápke» teleserıalynyń alǵashqy bólimderi «Qazaqstan» ulttyq telearnasynda júrip jatyr. Jýyrda osy telehıkaıanyń tusaýkeser rásimine oraı brıfıng uıymdastyryldy.
«Ápke» ótken ǵasyrdyń jetpisinshi jyldary dúnıege kelgen shyǵarma. Sodan beri zaman ózgerdi, urpaq aýysty. Qundylyqtarǵa degen túrli kózqarastar paıda boldy. Rýhanııatty naryqqa beıimdeý týraly oılar da aıtyla bastady. Biraq, adamzatpen birge jasasyp kele jatqan negizgi adamgershilik zańdary qoǵamdyq ózgeristerge eshqashan da táýeldi bolmaq emes. О́ıtkeni, ol tutas halyqtyń suranysyna ıe, kúndelikti tutynýǵa qajetti «shıkizat». Biz úshin tutas halyqtyń suranysyna laıyq sondaı shyǵarmanyń biri – «Ápke». О́z taǵdyrynan baýyrlarynyń qamyn bıik qoıǵan abzal jannyń mańaıynda órbıtin oqıǵa, ıaǵnı, «Ápke» pesasy eki saǵatqa laıyqtalǵan. Ol 36 jyldan beri M.Áýezov atyndaǵy akademııalyq drama teatry men basqa da oblystyq teatrlarda qoıylyp keledi. Al, sonyń negizinde jasalǵan «Ápke» – 16 serııadan turatyn, jańa zamanǵa laıyqtalǵan kınotýyndy.
Jazýshy Dýlat Isabekov óz shyǵarmasynyń telehıkaıaǵa arnalyp, qalyń kórermenge jol tartqany úshin aldymen «Qazaqstan» ulttyq arnasynyń basshylyǵyna rızashylyǵyn bildirdi. Fılm ulttyq arnanyń tapsyrysymen, Nurgeldi Sádiǵulov, Murat Bıdosov, Batyrhan Sazahanov, Jámıt Kósherbaev syndy rejısser-ssenarısterdiń, fılmge qatysy bar taǵy basqa da jandardyń eńbekteriniń arqasynda dúnıege keldi. «Qazaqta kósh júre túzeledi deıtin jaqsy sóz bar. О́ıtkeni, biz serıal túsirýdi endi ǵana qolǵa alyp jatyrmyz. Sol úshin kemshilikter joq emes. «Ápkege» qatysty alǵanda onyń baǵasyn keıinnen kınosynshylar aıta jatar. Men búgin bul týyndymnyń sherýi toqtamaǵanyna rızashylyǵymdy bildirgim keledi. Sahnada alǵash ápke rólin somdaǵan Farıda Sháripova edi. Qazir aramyzda joq. Odan keıin ápke bop sahnaǵa shyqqandardyń da aldy áje bop ketti. Mine, endi jańa zamannyń kınodaǵy «ápkesimen» kezdeseıin dep otyrmyz. Jalpy, týyndy bir janrdan ekinshi janrǵa ótkende mazmundyq, kórkemdik jaǵynan bir nárselerdi joǵaltyp, ekinshi bir nárselerdi taýyp jatady. Onyń ústine telehıkaıa basqa zamanda túsirilip otyr. Kınony aldyn ala kórgenim joq. Men de el qatarly kórip shyǵatyn bolamyn», – dedi Dýlat Isabekov.
«Qazaqstan» RTRK» basqarma tóraıymynyń orynbasary Qaınar Oljaı ulttyq arnada bir aı buryn túrik pen koreıdiń serıaldary toqtaǵanyn, olardyń ornyna budan bylaı otandyq ónimder usynylatynyn jetkizdi. Qazaq dramatýrgııasynyń kóshin bastap kele jatqan belgili qalamgerdiń «Ápke» týyndysy halyqqa usynylyp otyrǵan alǵashqy súbeli dúnıe ekenin, buny túsirýge kıno jáne televızııa salasynda belgili bir jetistikke jetken mamandar tartylǵanyn baıandady.
Aıta keteıik, «Ápke» fılmine Rıta Kúmisqalıeva, Qýanysh Kerimqulov, Daryn Shynybek, Aıdana Asqar, Álı Tursynhanov, Baqytjan Álpeıisov, Shynar Asqarova, Erlan Bilál, Aızada Satybaldıeva, Jalǵas Tolǵanbaı jáne taǵy basqa akterler men aktrısalar túsken.
Aıgúl SEIILOVA,
«Egemen Qazaqstan».
