Aqtóbe oblystyq «Dostyq» úıinde Qazaqstan halqy Assambleıasynyń kezekti on jetinshi sessııasy ótti. Sessııa májilisine oblystyq, Aqtóbe qalalyq jáne aýdandyq máslıhattarynyń hatshylary, depýtattar, oblystyq basqarmalar men departamentter, iri kásiporyndar men qoǵamdyq uıymdar basshylary, jastar ókilderi qatysty.
Aqtóbe oblystyq «Dostyq» úıinde Qazaqstan halqy Assambleıasynyń kezekti on jetinshi sessııasy ótti. Sessııa májilisine oblystyq, Aqtóbe qalalyq jáne aýdandyq máslıhattarynyń hatshylary, depýtattar, oblystyq basqarmalar men departamentter, iri kásiporyndar men qoǵamdyq uıymdar basshylary, jastar ókilderi qatysty.
Jıyndy Aqtóbe oblysy Qazaqstan halqy Assambleıasynyń tóraǵasy, oblys ákimi Arhımed Muhambetov ashyp, júrgizip otyrdy. Sessııada Aqtóbe oblysy Qazaqstan halqy Assambleıasy hatshylyǵynyń meńgerýshisi Qydyrǵalı Ermuqan «Memleket basshysy, Qazaqstan halqy Assambleıasynyń Tóraǵasy Nursultan Nazarbaevtyń Qazaqstan halqy Assambleıasynyń HH sesııasyndaǵy tapsyrmalarynan týyndaıtyn mindetterdiń oryndalý barysy týraly» degen taqyrypta baıandama jasady. Ol Elbasy tapsyrmasyn taratyp aıta kelip, bul mindetterdiń qoǵamdyq-saıası turaqtylyqty, beıbitshilik pen kelisimdi nyǵaıtýǵa baǵyttalǵanyna toqtaldy. Oblystyq Assambleıanyń taıaýdaǵy jeti jylǵa arnalǵan damý tujyrymdamasy jasalǵanyn alǵa tartty.
– Assambleıanyń barlyq qyzmeti men maqsaty Qazaqstan halqyn etnostyq tegine, diline, dinine qaramaı, yntymaǵy jarasqan, aýyzbirshiligi myǵym, saıası ahýaly turaqty el bolýǵa uıystyrýǵa atsalysý bolyp tabylady. Kez kelgen eldiń damýy aldymen tatýlyqtyń, turaqtylyqtyń arqasynda ekeni dáleldengen qaǵıda. «Birlik bolmaı tirlik bolmaıdy». Endeshe, ony saqtaı bilý, elimizdegi etnosaralyq qatynastardy ári qaraı damytý búgingi qoǵam aldyndaǵy basty paryzymyz, – dep tujyrymdady oıyn Q.Ermuqan.
Sessııada «Dostyq» úıiniń dırektory R.Berkeshova, Aqtóbe qalasyndaǵy «Ázerbaıjandar qaýymdastyǵy» respýblıkalyq birlestigi fılıalynyń tóraǵasy Sh.Jamalov, Mártók aýdanynyń ákimi M.Eleýsizov shyǵyp sóılep, ultaralyq dostyq pen birlikti nyǵaıtýǵa baǵyttalǵan ıgilikti isterden habardar etti.
Sessııa barysynda bir top Assambleıa belsendilerine oblys ákiminiń Alǵys hattary tapsyryldy. Onyń jumysynyń qorytyndysy boıynsha oblystyq Qazaqstan halqy Assambleıasynyń arnaıy qarary qabyldandy. Aqtóbe oblysy Qazaqstan halqy Assambleıasynyń barlyq is-áreketi el birligin, qoǵamdyq kelisim men toleranttylyqty nyǵaıtýǵa baǵyttalyp otyr. Birlik pen ózara túsinistik jolymen alǵa basyp, elimizdiń beıbitshilik pen jasampazdyǵy úshin odan ári jaǵdaı jasalatyny kúmánsiz.
Satybaldy SÁÝIRBAI,
«Egemen Qazaqstan».
Aqtóbe oblysy.
