«Azııa Tarangýl» – mal sharýashylyǵymen jáne dándi daqyldardy ósirýmen aınalysatyn óńirdegi jetekshi sharýashylyq. Kásiporyn jergilikti halyqty jumys oryndarymen qamtamasyz etedi. Sondaı-aq otandyq aýyl sharýashylyǵy ónimderin eksporttaýǵa jáne aýyldyń áleýmettik ınfraqurylymyn damytýǵa úlken úles qosyp keledi.
Sharýashylyq basshysynyń aıtýynsha, «Aýyl» partııasynyń azyq-túlik qaýipsizdigi týraly zańdy qabyldaý jónindegi bastamasy óte ýaqtyly. Sebebi keıingi jyldary agroónerkásip kesheni sýbektilerin memlekettik qoldaý júıesinde «turaqtylyq» uǵymy joǵalyp bara jatyr. Jańa basshylardyń kelýimen sýbsıdııalaý erejeleri jáne olardy alý sharttary ózgeredi. Munyń bári uzaq merzimdi kezeńge óndiristik qyzmetti strategııalyq josparlaýǵa teris áser etedi.
О́ńirlik fılıal tóraǵasy T.Ábilmájinovtiń pikirinshe, bul másele barlyq deńgeıde oryn alýda. Arnaıy zańda partııa barlyq tikeleı jáne janama sharalardy qarastyrýdy josparlap otyr. Osylaısha, memlekettik ýákiletti organdar ereje men sharttardy emes, sýbsıdııalaý normatıvterin ǵana túzetetin bolady. Budan basqa, azyq-túlik qaýipsizdigi týraly zańnyń qabyldanýy salany memlekettik retteý sharalaryn turaqtandyrýǵa múmkindik beredi.
Kezdesýde sondaı-aq kóktemgi egis jáne egin jınaý jumystary kezinde aýyl sharýashylyǵy tehnıkasyn jańartýdyń tómen deńgeıi jáne janar-jaǵarmaı materıaldarynyń qoljetimdiligi máseleleri aıtyldy.
Sondaı-aq Parlament Májilisine jáne oblystyq, aýdandyq máslıhattar depýtattyǵyna kandıdattar Pavlodar, Shyǵys Qazaqstan, Soltústik Qazaqstan, Túrkistan oblystarynda sharýa qojalyǵy ujymdarymen jáne isker áıeldermen, kópbalaly analarmen kezdesýler ótkizip, partııanyń saılaýaldy baǵdarlamasyn tanystyrdy.
Pavlodar oblysy, Pavlodar aýdany, Naberejnoe aýylynda Parlament Májilisiniń depýtattyǵyna kandıdat N.Arsıýtın jáne Pavlodar oblystyq máslıhaty depýtattyǵyna kandıdattar B.Amanjolov, E.Toqtýshakov, «Aýyl» partııasynyń senimdi ókilderi E.Baıgýrmanov, A.Batyrshaev, M.Jeksenbı «Andas» sharýa qojalyǵynyń ujymymen kezdesý ótkizdi.
Túrkistan qalasynda Parlament Májilisiniń depýtattyǵyna kandıdattar Q.Aralbekova, R.Toqseıitova, B.Tólegen Túrkistan qalalyq máslıhatyna kandıdat Q.Báımen, Qazyǵurt aýdandyq máslıhatyna kandıdat S.Stybaeva isker áıeldermen jáne kópbalaly analarmen kezdesip, partııanyń saılaýaldy baǵdarlamasyn tanystyrdy. Sondaı-aq kópbalaly analardyń máselelerine qulaq túrdi.
Shyǵys Qazaqstan oblysy, Glýbokoe aýdany, Praporshıkovo kentinde «Aýyl» partııasynyń atynan oblystyq jáne aýdandyq máslıhattarǵa kandıdattar M.Faradjev «Mýrzykanova» sharýa qojalyǵynyń ujymymen kezdesti.
