Vedomstvonyń málimetinshe, órt qańtardyń 8-de túnde Kókshetaý qalasynyń Zastansıonnyı kentinde bolǵan.
Túngi kezekshilikte júrgen «Ásker-4» avtopatrýl vzvod komandıriniń orynbasary, polısııa aǵa leıtenanty Amanjol Daıyrov jáne polısııa aǵa leıtenanty Aqan Ábilqaıyrov órt shyqqan úıge baryp, turǵyndardy qutqardy.
Polısııa qyzmetkerlerimen birge sol mańnan ótip bara jatqan beıtanys adamdar da kómekke umtyldy. О́rtengen úıde otbasylyq jup bolǵan.
«Qyzyl jalyn úıdiń kireberisinde tutanǵandyqtan olar syrtqa óz betinshe shyǵa almaǵan. Abyroı bolǵanda, qyraǵy tártip saqshylary men turǵyndar olardy aman-esen syrtqa alyp shyqty», dedi vedomstvodan.
Anyqtalǵandaı, órt elektr symynyń qysqa tuıyqtalýynan oryn alǵan. О́rt úıdiń kireberisi men shatyryn sharpyǵan. Qazirgi kezde saraptama taǵaıyndalyp, mán-jaıy anyqtalyp jatyr.
