6 qańtarda alaıaqtyń qurbany bolǵan jergilikti turǵyn qalalyq Polısııa basqarmasynyń kezekshi bólimine kelip aryzdandy.
Belgili bolǵandaı, kúdikti azamat jábirlenýshige temirjol mekemesine jumysqa ornalastyrýǵa ýáde berip, qazan aıynda odan 210 000 teńge aqshasyn alyp ketken. Biraq kóp uzamaı aqshany alǵan kúdikti telefon qońyraýlaryna jaýap bermeı, jumysqa ornalastyrý týraly másele áli de óz sheshimin tappaǵandyqtan jábirlenýshi polısııaǵa júgingen.
Polısııa qyzmetkerleri jedel-izdestirý is-sharalaryn júrgizý barysynda qala turǵyny bolyp tabylatyn 1982 jyly týǵan alaıaqty ustady. Qazirgi ýaqytta atalǵan fakt boıynsha QR QK-niń 190-babynyń 1-bóligi (Alaıaqtyq) boıynsha sotqa deıingi tergeý júrgizilýde.
Qyzylorda qalalyq Polısııa basqarmasynyń basshylyǵy azamattarǵa qyraǵy bolý jáne beıtanys adamdarǵa senbeý týraly eskertedi.
