Sonymen qatar, 67 azamat alkogoldi ishimdikter ishkeni jáne qoǵamdyq oryndarǵa mas kúıinde kelgeni úshin jaýapkershilikke tartylǵan. Qoǵamdyq oryndarda buzýshylyqtyń 32 deregi jáne abattandyrý erejelerin buzýdyń 40 deregi, qala men eldi mekenniń jasyl ekpelerin joıý jáne búldirý, tynyshtyq pen qoǵamdyq tártipti buzýdyń 15 deregi anyqtalǵan.
«Qoǵamdyq tártipti saqtaý jáne qoǵamdyq qaýipsizdikti qamtamasyz etý maqsatynda Jambyl oblysynda mereke kúnderi halyq kóp jınalatyn oryndar men ózge de qoǵamdyq paıdalaný oryndaryn patrýldeýdi júzege asyrǵan túrli qyzmetterden 3000-nan astam polısııa qyzmetkeri jumyldyryldy. Onyń ishinde oblystyń árbir oıyn-saýyq mekemesine karantındik shekteýlerdi saqtaý jáne koronavırýstyq ınfeksııanyń taralýyna jol bermeý maqsatynda kezekshi jasaqtar bekitildi», delingen oblystyq Polısııa departamenti taratqan aqparatta.
Al ýchaskelik polıseılerdiń ákimshilik ýchaskelerdegi úılerdiń turǵyndarymen chattardaǵy jumystary kúsheıtilip, jaldamaly páter ıelerine erekshe kóńil bólingen.
Jańa jyl qarsańynda barlyq ákimshilik ýchaskelerde kóptegen qonaqtyń jınalýyna jol bermeý týraly túsindirý jumystary uıymdastyrylǵan.
Sondaı-aq polıseıler turǵyndarǵa jańajyldyq demalys kúnderin qaýipsiz ótkizý jáne pırotehnıkalyq buıymdardy paıdalaný erejelerin paıdalaný týraly usynystar bergen.
