Qazaq eli mártebesiniń alys-jaqynǵa aspandap kórinýine atsalysyp júrgen «Egemen Qazaqstannyń» orny bólek. Aýyldaǵy atalarymyzdyń: «Attan attyń nesi artyq, qazanaty bir basqa. Adamnan adamnyń nesi artyq, azamaty bir basqa», dep otyratynyn da umytqan joqpyn. Sol aýyzy dýaly aqsaqaldar aıtqandaı, naryqty jaýlap alǵan álem-jálem gazet-jýrnaldardyń arasynan qazaq baspasóziniń osy qara-shańyraǵy ǵana qazanat pen azamat júgin arqalap júr degim keledi. Nege? Qalaı? Qaıtip? Bul saýaldardy oıly oqyrmannyń ózderi taldap, ózderi saralaýyn qalaımyn.
Qazaq eli mártebesiniń alys-jaqynǵa aspandap kórinýine atsalysyp júrgen «Egemen Qazaqstannyń» orny bólek. Aýyldaǵy atalarymyzdyń: «Attan attyń nesi artyq, qazanaty bir basqa. Adamnan adamnyń nesi artyq, azamaty bir basqa», dep otyratynyn da umytqan joqpyn. Sol aýyzy dýaly aqsaqaldar aıtqandaı, naryqty jaýlap alǵan álem-jálem gazet-jýrnaldardyń arasynan qazaq baspasóziniń osy qara-shańyraǵy ǵana qazanat pen azamat júgin arqalap júr degim keledi. Nege? Qalaı? Qaıtip? Bul saýaldardy oıly oqyrmannyń ózderi taldap, ózderi saralaýyn qalaımyn.
Al aıtpaǵym, atamyz ben ájemiz, ákemiz ben anamyz oqyǵan, olardan keıin ózine bizdiń nazarymyzdy aýdarǵan ata basylymnyń bedeli el táýelsizdigi tusynda tipti kóterilip ketti. Taralymy búginde 200 myń danadan asty. Internettegi oqyrmandary qanshama! Jaǵymdy jańalyq, salıqaly sóz, tereń taldaý, ashy syn bári osynda. Bodandyq pen bostandyq shejiresi, mádenıet, ádebıet, poezııa, teatr, kıno, án, sán, til, din, salt-dástúr, sport máseleleri deısiz be, bárin tabasyz. Zań, jarnama, ájýá, mysqyl da bar. Sondyqtan bul gazet, zııaly qaýymdy aıtpaǵanda, ásirese, ákim, bastyq, kásipker, sheneýnik, ustaz, dáriger jáne basqa sala azamattaryna da óte kerek. Bolashaqta memlekettik qyzmetker bolamyn dep júrgen jastar oqysa tipti jaqsy. О́ıtkeni, Elbasymyz Nursultan Nazarbaevtyń kemel bolashaǵymyzǵa kerekti barlyq baǵyt-baǵdary osy gazettiń betinde aıqyn kórinis tapqan.
Bizdiń aýdan turǵyndary ótken jyly uıymshyldyq tanytyp, 1308 dana «Egemen Qazaqstan» gazetine jazylǵan bolatyn. Sol jaqsy dástúrdi bıyl da jalǵastyryp, qazirdiń ózinde 1200 dana «Egemen Qazaqstan» gazetine jazylyp otyr. Osy jańalyqty qýanyshpen habarlaı otyryp, aýdan halqynyń kelesi 2014 jylǵa 2000 danaǵa jýyq «Egemen Qazaqstan» gazetine jazylýdy mejelep otyrǵanyn jetkizgim keledi.
Rústem RYSBAI,
Jambyl aýdanynyń ákimi.
Jambyl oblysy.
