Tapshylyqty boldyrmaý maqsatynda qosymsha taǵy eki mıllıon danasy ákelinedi. Bul týraly óńirlik kommýnıkasııalar qyzmetinde ótken brıfıngte oblystyq aýyl sharýashylyǵy basqarmasynyń basshysy Shahmardan Qoıshybaev málimdedi.
«Jumyrtqa iri saýda oryndaryndaǵy áleýmettik buryshtarda 31 teńgeden, al qalǵan dúkenderde kategorııasyna qaraı 42-49 teńgeden satylýda. Oblysta jumyrtqaǵa tapshylyq joq. Sondaı-aq, qant, qus etiniń baǵasy tómendedi. Búginde turaqtandyrý qorynda 2,4 myń tonna ónim saqtalyp, satylýda. Buǵan qosa, 23 tonna ósimdik maıy jáne 300 tonna kartop satyp alý úshin jumystar júrgizilýde», dedi basqarma basshysy.
