Atap aıtqanda, áskerı qalashyqtardy kórkeıtý aıasynda alǵash ret 19 sport jáne 9 balalarǵa arnalǵan oıyn alańy ornatyldy. Bul áskerı qyzmetshilerdiń otbasylarynyń, onyń ishinde alys garnızondardaǵylardyń ómir súrý yńǵaılylyǵyn arttyrýǵa múmkindik berdi.
Semeı jáne Almaty qalalaryndaǵy zaýyttarda torly 3D panelder óndirisiniń eki jelisi iske qosyldy. Bular panel túrindegi qorshaýlar. Obektilerdiń boljamdy ónimdiligi aıyna 4 400 paneldi nemese 11 000 metrdi quraıdy.
Almaty, Jambyl, Qaraǵandy jáne Semeı garnızondarynda tórt jóndeý-qalypqa keltirý zaýyty irgesin quryldy. Atalmysh bólimshelerdiń qyzmetiniń arqasynda 2020 jyly 105 mln teńge únemdeýge, sondaı-aq atqarylǵan jumystardyń sapasy men merzimin aıtarlyqtaı jaqsartýǵa múmkindik boldy.
Almatyda qorshaǵan ortaǵa zııandy zattardyń shyǵýyn azaıtý, sondaı-aq jylý energııasyn óndirý shyǵyndaryn ońtaılandyrý maqsatynda eki qazandyqty gazben qamtamasyz etýge kóshirý jobasy iske qosyldy. Bul jyl saıyn 500 mln-ǵa jýyq teńgeni únemdeýge múmkindik beredi.
2020 jyly shamamen 900-ge jýyq obektige aǵymdaǵy jóndeý jumystary júrgizildi, bul 2019 jylǵy kórsetkishke qaraǵanda 88 paıyzǵa artqan. Olar qarý-jaraq, oq-dári men áskerı múlikti saqtaý obektileri, ákimshilik jáne turǵyn úı nysandary, káriz joldary, sýmen jabdyqtaý, gazdandyrý jelileri jáne basqa da kommýnıkasııalar.
Shyǵys Qazaqstan, Jambyl, Qaraǵandy oblystarynyń jergilikti atqarýshy organdarymen oq-dárilerdi saqtaý oryndaryn qazý kezinde paıdalanylatyn topyraq pen qumdy óz betinshe óndirýge jer ýchaskelerin bólý týraly másele pysyqtalýda. Bul materıaldardy satyp alý shyǵyndaryn edáýir qysqartady dep kútilýde.
Joldar men jol tósemderine aǵymdaǵy jóndeý jumystaryn júrgizý kórsetkishi 49%-ǵa artty. Aǵymdaǵy jyly 188,5 myń sharshy metr joldyń beti beton asfaltpen jabyldy, sonymen qatar, 11 myń metrden astam bordıýrler ornatyldy.
