Jalpy tórt jyl ishinde muǵalimderdiń jalaqysy eki esege artady. Birinshi ósim 2020 jyldyń 1 qańtarynda bastaldy. Bul sharamen mektep muǵalimderi, balabaqsha tárbıeshileri, kolledjder, qosymsha bilim berý júıesi qamtyldy.
2021 jyldyń naqtylanǵan bıýdjeti aıasynda Almaty muǵalimderiniń jalaqysyn 25%-ǵa kóterý úshin respýblıkalyq bıýdjetten 30,8 mlrd teńge bólindi. Megapolıstegi memlekettik mekemeler – mektepter men kolledjderde, balabaqshalar men ınternattarda, mektepten tys uıymdarda 32 myń pedagogıkalyq qyzmetker jumys isteıdi.
Bulardan ózge, synyp jetekshiligi, dápterlerdi tekserý, pedagogıkalyq sheberlik, magıstr dárejesi jáne tálimgerlik úshin qosymsha aqylar qarastyrylǵan. Aıta keterligi, buryndary magıstr dárejesi jáne tálimgerlik úshin qosymsha aqy tóleý bolmaǵan, olar birinshi ret engizilip otyr, al burynnnan bar synyp jetekshiligi, dápterlerdi tekserýdiń qosymsha aqylary eki ese ósýde.
Eske salsaq, Almaty ákimdigi muǵalimderdi kásibı jetistikterin yntalandyrý úshin qarjy bólýdi qarastyrǵan edi. Osyǵan oraı, qala ákimi B. Saǵyntaevtyń usynysy boıynsha «Úzdik pedagog», «Úzdik pedagogıkalyq ujym» baıqaýlary jyl saıyn ótkizilip keledi.
