Bul týraly ol Nur-Sultan qalasynda Halyqaralyq Túrki akademııasy ótkizgen «Túrki álemi: tarıhı-mádenı mura» atty halyqaralyq konferensııada sóılegen sózinde aıtty.
«Álem tarıhyn túrki halyqtarynsyz elestetý múmkin emes. Jahandyq deńgeıdegi ǵylymı jetistikter men mádenı qundylyqtardyń kópshiligi Qytaıdan Jerorta teńizine deıingi keńistikti alyp jatqan bizdiń alyp qurlyǵymyzǵa tıesili. Sonymen qatar, bul aımaqtyń eń iri qaqtyǵystar alańyna aınalǵan da kezderi boldy...
О́tkenniń enshisindegi daýdyń bári bizdiń tarıhı sanamyzdyń tereń túkpirinde qalýy kerek jáne keleshegimizdiń kemeldigi úshin odan sabaq ala bilýge tıispiz.
Búginde BUU jáne barsha álemdik qaýymdastyq moıyndaǵan túrki memleketteriniń táýelsizdigi toqtaýsyz nyǵaıyp keledi. Búgingi konferensııa sııaqty ǵylymı forýmdar bizdiń elderimizdiń jáne kórshiles memleketterdiń yntymaqtastyǵyn nyǵaıta túsýge yqpal etedi.
Sonymen qatar, búgin tanystyrylǵan Túrki akademııasy túpnusqa málimetterge súıene otyryp yjdahattylyqpen ázirlep shyqqan Túrki áleminiń Atlasy bul baǵyttaǵy alǵashqy biregeı basylym bolyp sanalady. Endigi jerde bul atlas bizdiń birinshi bolyp júginetin senimdi tarıhı derekkózge aınalady dep senemin. Túrki akademııasyn osy jetistigimen shyn júrekten quttyqtaımyn» dedi ol óz baıandamasynda.
Aıta ketý kerek, onlaın-offlaın rejımde ótken atalǵan sharaǵa 20-dan astam memleketten ǵalymdar men sarapshylar, sondaı-aq, túrki elderiniń birqatar resmı tulǵalary, halyqaralyq uıymdardyń ókilderi qatysty.
