«Búgin azamattar QR Parlamenti Májilisi men máslıhattar depýtattaryna daýys berýde. Saılaý barysynda Bas memlekettik sanıtar dárigerdiń qaýlysymen bekitilgen koronavırýs ınfeksııasy taralýynyń aldyn alý algorıtmi saqtalýy kerek. Algorıtmde COVID-19 ınfeksııasynyń taralýyn shekteý joldary qarastyrylǵan. Saılaý komıssııalarynyń qyzmetin uıymdastyrýda, saılaý ýchaskesinde daýys berý prosesinde, saılaý ýchaskesinen tys jerde daýys berý barysynda, saılaý ýchaskesinde daýystardy sanaǵanda, baqylaýshylar men senimdi tulǵalarǵa qoıylatyn talap áleýmettik araqashyqtyq saqtalýy tıis», dedi vıse-mınıstr.
Onyń aıtýynsha, saılaý komıssııasynyń jumysyn uıymdastyrý barysynda saılaý komıssııalarynyń músheleri, baıqaýshylar, senim bildirilgen tulǵalar ýchaskede maska rejımin saqtaýy, 3 saǵat saıyn maskany aýystyryp otyrýy qajet. Qolmen amandasýǵa, kelgen adamdarmen jaqyn baılanysýǵa bolmaıdy. Saılaý ótetin jerdi jıi tazalap otyrý kerek. Jıhazdar 1,5-2 metr araqashyqta ornalastyrylǵany jón.
«Saılaý ýchaskesine kelgen saılaýshyda medısınalyq nemese qorǵanysh maska, antıseptıkalyq zat bolýy qajet. Bıýlleten alǵanda jeke basty kýálandyratyn qujatty komıssııa múshesiniń qolyna bermeı ashyp kórsetý kerek. Múmkindik bolsa saılaýǵa óz qalamyńyzben kelgen durys nemese bolmaǵan jaǵdaıda saılaý komıssııasy sizge qalam beredi. Daýys berýge bala ertip kelýge tyıym salynady», dedi Erlan Qııasov.
