– Jantúrshigerlik apatta jaqyndarynan aırylǵan otbasylardyń aýyr qaıǵysyna ortaqpyn. Jaratýshy olardyń qaıǵylaryn jeńildetip, qazaǵa ushyraǵandardyń janyn óziniń meıirimimen jarylqasyn, – delingen jedelhatta.
Eske salaıyq, keshe Indonezııada Sriwijaya Air áýe kompanııasynyń jolaýshylar ushaǵy apatqa ushyrady. Indonezııa úkimetiniń málimetinshe, bortta 65 adam bolǵan, onyń 53-i jolaýshy (10 bala) jáne 12 ekıpaj múshesi. Boeing 737-524 ushaǵy Jakartadan ushyp shyqqannan soń 4 mınýttan keıin teńizge qulaǵan. 2018 jyly Jakartada taǵy bir ushaq apaty bolǵan edi. Lion Air áýe kompanııasyna tıesili Boeing 737 MAX 8 áýe kemesi teńizge qulap, borttaǵy 189 adam qaza tapty.
