Qazirgi ýaqytta Almaty qalasynda saılaý ótip jatyr. J.Asanovanyń aıtýynsha, saılaýshylar tiziminde 1 132 232 adam bar. Qazirgi ýaqytta, saǵat 10.45-te 109 myńnan astam adam daýys berdi. Bul rette túrli jaǵdaı oryn alýda. Onyń barlyǵy shuǵyl túrde sheshilýde. Negizinde, aıtarlyqtaı zań buzýshylyq nemese azamattardyń quqyqtary joq. Barlyq daýly máseleler saılaý ýchaskeleri sheńberinde sheshiledi.
Saǵat 12.00-ge deıin úıde daýys berýge ótinish berýge bolady.
Jalpy J.Asanovanyń aıtýynsha, jaǵdaı turaqty. Daýys berý kezinde saılaý prosesine qatysýshylar arasynda usaq-túıek túsinispeýshiliktersiz júrmeıtini anyq.
«Munyń bári jumys tártibimen sheshiledi. Qazirgi ýaqytta zańnamalardy óreskel buzý nemese qandaı da bir jaǵdaılar týraly aıta almaımyz. О́ıtkeni bári qalypty jaǵdaıda júrip jatyr», dep atap ótti ol.
