2013 jylǵy 3 qazan, Astana, Úkimet Úıi
Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly
«Qazaqstan Respýblıkasynyń keıbir zańnamalyq aktilerine memlekettik basqarý organdary arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» 2013 jylǵy 13 maýsymdaǵy Qazaqstan Respýblıkasynyń Zańyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2013 jylǵy 3 qazandaǵy №1048 qaýlysymen bekitilgen
Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar
1. «Tótenshe jaǵdaılardyń aldyn alýdyń jáne joıýdyń memlekettik júıesi týraly» Qazaqstan Respýblıkasy Úkimetiniń 1997 jylǵy 28 tamyzdaǵy № 1298 qaýlysynda:
kórsetilgen qaýlymen bekitilgen Tótenshe jaǵdaılardyń aldyn alýdyń jáne joıýdyń memlekettik júıesi týraly erejede:
12-tarmaqtyń on ekinshi abzasy mynadaı redaksııada jazylsyn: «Tótenshe jaǵdaılardyń aldyn alý jáne joıý jónindegi vedomstvoaralyq memlekettik komıssııany Qazaqstan Respýblıkasynyń Tótenshe jaǵdaılar mınıstri, al tótenshe jaǵdaılar jónindegi aýmaqtyq jáne salalyq komıssııalardy tıisinshe oblystardyń (respýblıkalyq mańyzy bar qalanyń, astananyń) jáne aýdandardyń (oblystyq mańyzy bar qalalardyń) ákimderi, ortalyq atqarýshy organdar basshylarynyń orynbasarlary basqarady.».
2. «Halyqty jáne órt qaýipsizdigi salasyndaǵy mamandardy habarlandyrý, bilimdi nasıhattaý, oqytý erejesin bekitý týraly» Qazaqstan Respýblıkasy Úkimetiniń 2002 jylǵy 19 jeltoqsandaǵy № 1327 qaýlysynda (Qazaqstan Respýblıkasynyń PÚAJ-y, 2002 j., № 45, 452-qújat):
kórsetilgen qaýlymen bekitilgen Halyqty jene órt qaýipsizdigi salasyndagy mamandardy habarlandyrý, bilimdi nasıhattaý, oqytý erejesinde:
8-tarmaq mynadaı redaksııada jazylsyn:
«8. О́rt qaýipsizdigi erejelerin nasıhattaý jónindegi materıaldardy buqaralyq aqparat quraldarynda jarııalaýǵa baılanysty shyǵystardy qarjylandyrý respýblıkalyq bıýdjette osy maqsattarǵa kózdelgen qarajat sheginde júrgiziledi.».
3. «Qazaqstan Respýblıkasy Tótenshe jaǵdaılar mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy № 1112 qaýlysynda (Qazaqstan Respýblıkasynyń PÚAJ-y, 2004 j., № 40, 523-qujat):
kórsetilgen qaýlymen bekitilgen Qazaqstan Respýblıkasy Tótenshe jaǵdaılar mınıstrligi týraly erejede: 16-tarmaqta:
ortalyq apparat fýnksııalarynda: 2), 12) tarmaqshalar alynyp tastalsyn;
mynadaı mazmúndaǵy 36-1) tarmaqshamen tolyqtyrylsyn:
«36-1) halyqty jáne uıymdardy órt qaýipsizdigi salasyndaǵy sharalar týraly habardar etý;»;
vedomstvolardyń fýnksııalarynda:
1) tarmaqsha mynadaı redaksııada jazylsyn:
«1) tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıý, órt jáne ónerkásiptik qaýipsizdik, memlekettik materıaldyq rezerv, órt qaýipsizdigi salasyndaǵy memlekettik baqylaýdy, tótenshe jaǵdaılardyń aldyn alý jáne olardy joıý, Azamattyq qorǵanys jáne ónerkásiptik qaýipsizdik salasyndaǵy memlekettik qadaǵalaý is-sharalarynyń oryndalýyna, órttiń aldyn alý men ony sóndirýdi uıymdastyrý jónindegi memlekettik saıasatty iske asyrý;»;
40) tarmaqsha mynadaı redaksııada jazylsyn:
«40) tótenshe jaǵdaılardyń aldyn alý jáne olardy joıý jónindegi memlekettik baqylaýdy júzege asyrý;»;
mynadaı mazmundaǵy 40-1) tarmaqshamen tolyqtyrylsyn:
«40-1) ónerkásiptik qaýipsizdik salasyndaǵy talaptardyń saqtalýyn memlekettik qadaǵalaýdy júzege asyrý;»;
50) tarmaqsha mynadaı redaksııada jazylsyn:
«50) qaýipti óndiristik obektilerde ǵımarattarǵa, qurylystarǵa, tehnıkalyq qurylǵylarǵa, materıaldarǵa qazirgi zamanǵy tehnıkalyq rastaýdyń júrgizilýin baqylaıdy;».
Qazaqstan Respýblıkasy Tótenshe jaǵdaılar mınıstrliginiń qaramaǵyndaǵy memlekettik mekemelerdiń tizbesinde:
4-tarmaq mynadaı redaksııada jazylsyn:
«4. «Qazaqstan Respýblıkasy Tótenshe jaǵdaılar mınıstrliginiń Kókshetaý tehnıkalyq ınstıtýty» respýblıkalyq memlekettik mekemesi, Kókshetaý qalasy.».
4. «Azamattyq qorǵanys boıynsha qalalardy - toptarǵa, uıymdardy sanattarǵa jatqyzý erejesi men ólshemin bekitý týraly» Qazaqstan Respýblıkasy Úkimetiniń 2005 jylǵy 22 qyrkúıektegi № 942 qaýlysynda (Qazaqstan Respýblıkasynyń PÚAJ-y, 2005 j., № 36, 493-qujat):
kórsetilgen qaýlymen bekitilgen Azamattyq qorǵanys boıynsha qalalardy toptarǵa, uıymdardy sanattarǵa jatqyzý erejesi men ólsheminde:
6-tarmaq mynadaı redaksııada jazylsyn:
«6. Oblystardyń (respýblıkalyq mańyzy bar qalanyń, astananyń) jergilikti atqarýshy organdary tabıǵı jáne tehnogendik sıpattaǵy tótenshe jaǵdaılar salasyndaǵy ýákiletti organnyń aýmaqtyq organdarymen birlesip, jyl saıyn azamattyq qorǵanys boıynsha qalalardy toptarǵa, uıymdardy sanattarǵa jatqyzý jónindegi usynystardy daıyndaıdy jáne tabıǵı jáne tehnogendik sıpattaǵy tótenshe jaǵdaılar salasyndaǵy ýákiletti organǵa bekitý úshin jiberedi.».
