«Túpkilikti qorytyndysy shyqpaı jatyp saılaýdyń qalaı ótkeni týraly baǵa berý qıyndaý bolar, biraq óz oıymdy aıtar bolsam – ájeptáýir alǵa basý bar. Keı saılaý ýchaskesinde baıqaýshylarǵa oryn jetpeı jatqanyn, jylý bolmaı jatqanyn estip jatyrmyz, biraq bul keń aýqymdaǵy zańbuzýshylyqtar emes», - deıdi saıasattanýshy Rasýl Jumaly.
Onyń aıtýynsha, saılaýǵa halyqtyń 63%-y qatysýy – jaqsy kórsetkish. «Saılaýǵa 6 partııanyń beseýi qatysty. El arasynda partııalarǵa senim artpaıtyndar da bar, biraq saılaýǵa Qazaqstan halqynyń 63%-y kelýi – ájeptáýir kórsetkish. Saılaý – kez kelgen memleket úshin synaq jáne memlekettiń turaqtylyǵynyń kórsetkishi. Burynǵydaı qalaı bolsa da 90-95% jınaý kerek degen paıyz qýalaý joq. 90%-dan astam daýys jınaǵan Soltústik Koreıa, Túrikmenstan, Zımbabve sııaqty elderdiń tájirıbesine qarasańyz – shynymen qorqasyz. Demokratııalyq elderdegi 50, 60, 70% degen ómirdiń shyndyǵyna jaqyn kórsetkish. Osy saılaýda ákimshilik resýrstardy asyra paıdalanýdy, osy máselege ákimderdiń aralasýyn, qara PR degendi baıqaǵan joqpyn. Bul joly partııalar saılaýǵa daıyndyqpen keldi. Jalpy baǵyt-baǵdarlary durys, bul – jaqsy qadam», deıdi ol.
Eske sala ketsek, is-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.
