Onyń atap ótinshe, Qazaqstan aýmaǵynda saılaý aıaqtaldy. Al elimizdiń shet memleketterdegi ókildikteri janynan ashylǵan 42 saılaý ýchaskesinde daýys berý júrip jatyr.
«Saılaý komıssııalary daýystardy sanaýǵa kiristi. «QR-daǵy saılaý týraly» Konstıtýsııalyq zańnyń 43-baptyń 1-tarmaǵyna sáıkes, saılaý ýchaskelerinde daýystardy sanaý sanaq bastalǵannan keıin 12 saǵattan aspaýy tıis. Daýys berý nátıjeleriniń hattamalary birden tıisti aýmaqtyq saılaý komıssııasyna jiberiledi. Partııalyq tizim boıynsha saılaý nátıjesi Ortalyq saılaý komıssııasynyń otyrysynda anyqtalady», dedi Konstantın Petrov. QR OSK tóraǵasynyń orynbasary aýmaqtyq saılaý komıssııalarynan daýys berý qorytyndysy elektrondy túrde erteń kelip túsetinin aıtty. Saılaýdyń aldyn ala qorytyndysy OSK brıfıngi barysynda jarııalanady.
