Mańǵystaý oblysynyń ákimdigi apattyq jaǵdaıda elektr energııasynyń sónýine baılanysty resmı aqparat taratty. «Atyraý oblysynyń aýmaǵyndaǵy «Inder», «Atyraý» qosalqy stansııalarynda oryn alǵan apattyq jaǵdaı saldarynan elektr energııasy jıiliginiń tómendeýine ákelip, sonyń saldarynan «KEGOK» jelisiniń batys aımaǵy boıynsha (Atyraý jáne Mańǵystaý oblystarynda) elektr júıesi tutas isten shyqty.
Saldarynan Aqtaý qalasyndaǵy (1,2,3,6,8,13,24 shaǵyn aýdandar) jáne Túpqaraǵan aýdanyndaǵy («Dýnga», «Akshýkyr», «Fort», «Baýtıno» qosalqy stansııalary) jáne Munaıly aýdanyndaǵy («Mańǵystaý», «Qyzyltóbe») aýdan turǵyndary jaryqtan ajyratyldy.
Saǵat 18.30 pen 19.45 aralyǵynda Aqtaý qalasyndaǵy saılaý ýchaskeleriniń ishinen eki saılaý ýchaskesi ýaqytsha elektr energııasynan ýaqytsha shekteldi. Qazirgi ýaqytta «KEGOC» AQ Atyraý oblysynyń aýmaǵynda apatty qalpyna keltirý jumystaryn júrgizip jatyr.
Sonymen qatar, jıilikte qaıta oryn alǵan apattyń saldarynan saǵat 20.00-de Aqtaý qalasyndaǵy 1, 2, 3A, 3B, 4 jáne 5 shaǵynaýdandarynda jaryq qaıta sóndi. Joǵaryda atalǵan Munaıly jáne Túpqaraǵan aýdandaryndaǵy qosalqy stansııalar elektr jelisine qaıta qosylý úshin «KEGOK» AQ ruqsat kútip otyr. Bul másele oblys ákimdiginiń jiti baqylaýynda.
