Atalǵan saılaý ýchaskesinde barlyq sanıtarlyq talaptar saqtaldy. Bul rette saılaý barysynyń zańǵa qaıshy kelmeýin jáne saılaýdyń erejege saı ótýin halyqaralyq, otandyq baıqaýshylar qadaǵalap otyrdy.
Partııa tóraǵasy saılaýdyń ádil ótip, partııalar saılaýaldy baǵdarlamasyn júzege asyra alady dep kútetinin jetkizdi. Qazaqstannyń Halyq partııasy úshin ádildik – eń basty basymdyq bolmaq.
– Bul saılaý ýchaskesiniń jumysyn joǵary deńgeıde dep baǵalar edim. Qajet bolǵan jaǵdaıda saılaýshylarǵa betperde de, qolǵap ta beriledi. Baıqaýymsha, barlyǵy oıdaǵydaı ótip jatqan sııaqty. Tek osy saılaýdyń kesiri tıip, álemdi ábigerge salyp turǵan koronavırýs tarap ketpese dep tileımin. Ár adam ózin saq ustaǵany jón. Barlyǵy jaqsy bolady degen úmittemin. Sebebi epıdemııalyq jaǵdaı jiti baqylaýda, – dedi partııa tóraǵasy.
