Kesh Abaı Qunanbaevtiń ómirin sıpattaıtyn beıne materıalmen bastaldy. Atalǵan sharaǵa áskerı bólim basshylarymen mekemeniń jeke quramy tolyqtaı qatysty.
«Uly aqyn Abaı murasynyń halyqqa, ásirese jas býynǵa tıgizer paıdasy zor dep esepteımin. Onyń shyǵarmalary búgin de ózektiligin joǵaltqan joq. Abaıdyń oı-tujyrymdary barshamyzǵa qashanda rýhanı azyq bola alady» dedi 51809 áskerı bólim komandıri podpolkovnık Ádil Súbebaev.
Jarys tórt bólimnen turatyn saıys túrinde ótkizildi. Jeńimpazdar Abaıdyń qara sózderi, aýdarmalary, óleńderi jáne poemalary nomınasııalar boıynsha júldelerge ıe boldy jáne kórermender arasynda belsendi áskerı qyzmetshiler Abaıdyń óleńderin, ánderin tolyqtyryp, keshtiń odan ári qyzyqty ótýine septigin tıgizdi.
51809 áskerı bólim komandıriniń tárbıe jáne ıdeologııalyq jumystar jónindegi orynbasary podpolkovnık Baqyt Sydyqov uly aqynnyń ómir joly men shyǵarmashylyq eńbegine toqtalyp ótti. Abaıdyń ósıet sózderi barlyq tyńdarmandarǵa, bolashaq urpaqtarǵa bere úlgisi mol ekenin aıtty.
Aıta keteıik, shara sońynda qazylyq etýshiler bólim komandıriniń atynan jarys jeńimpazdaryn marapattap, olarǵa Abaıdyń kitaptaryn estelik retinde tabystady.
Mańǵystaý oblysy
