2013 jylǵy 18 qazan, Astana, Úkimet Úıi
Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý qaǵıdalary men merzimderin bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasy Zańynyń 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý merzimderi men qaǵıdalary (budan ári – Qaǵıdalar) bekitilsin.
2. Qaǵıdalardyń 43-tarmaǵynyń qoldanysy 2014 jylǵy 1 qańtarǵa deıin toqtatyla tursyn. Toqtatyla turǵan kezeńde kórsetilgen tarmaq mynadaı redaksııada qoldanylady:
«43. Salyq organynyń ókimderi boıynsha, eger paıdasyna mindetti zeınetaqy jarnalary boıynsha bereshek óndirip alynatyn biryńǵaı jınaqtaýshy zeınetaqy qory salymshylarynyń tizimderin agent usynbaǵan jaǵdaıda jáne mindetti zeınetaqy jarnalary boıynsha bereshek bolǵan kezde bank nemese banktik operasııalardyń jekelegen túrlerin júzege asyratyn uıymdar agentterdiń banktik shottary boıynsha shyǵys operasııalaryn toqtata turady jáne Qazaqstan Respýblıkasynyń zańnamasynda belgilengen tártippen mindetti zeınetaqy jarnalaryn, áleýmettik aýdarymdar men salyq bereshekterin aýdarýǵa qatysty nusqaýlardy oryndaıdy.».
3. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
4. Osy qaýly 2014 jylǵy 1 qańtardan bastap qoldanysqa engiziletin Qaǵıdalardyń 3-tarmaǵynyń ekinshi bóligin, 7-tarmaǵyn, 4-bólimin qospaǵanda, resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2013 jylǵy 18 qazandaǵy № 1116 qaýlysymen bekitilgen
Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý qaǵıdalary men merzimderi
1. Jalpy erejeler
1. Osy Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý qaǵıdalary men merzimderi (budan ári – Qaǵıdalar) «Salyq jáne bıýdjetke tólenetin basqa da mindetti tólemder týraly» 2008 jylǵy 10 jeltoqsandaǵy Qazaqstan Respýblıkasy Kodeksiniń (Salyq kodeksi) 18-baby 1-tarmaǵynyń 2) tarmaqshasyna, Qazaqstan Respýblıkasynyń «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Zańynyń (budan ári – Zań) 6-baby 3) tarmaqshasyna, «Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasy Zańynyń 26-babyna sáıkes ázirlendi jáne mindetti zeınetaqy jarnalaryn, mindetti kásiptik zeınetaqy jarnalaryn tóleý jónindegi agentterdiń (budan ári – agentter) mindetti zeınetaqy jarnalaryn, mindetti kásiptik zeınetaqy jarnalaryn biryńǵaı jınaqtaýshy zeınetaqy qoryna esepteýiniń, ustap qalýynyń (esebine jazýynyń) jáne aýdarýynyń tártibi men merzimderin aıqyndaıdy.
2. Zańdy tulǵalar, advokattar, jeke sot oryndaýshylary, jeke notarıýstar, sondaı-aq dara kásipkerler agent retinde ózderiniń ornalasqan (turatyn) jeri boıynsha salyq organdarynda esepke alynýǵa jatady.
3. Agentter qyzmetkerlerge tólenetin tabystan aı saıyn mindetti zeınetaqy jarnalaryn eseptep ustap qalady jáne olardy biryńǵaı jınaqtaýshy zeınetaqy qoryna aýdarady.
Kásipteri salymshylar óz qarajaty esebinen olardyń paıdasyna mindetti kásiptik zeınetaqy jarnalaryn júzege asyratyn óndiristerdiń, jumystardyń, qyzmetkerler kásipteriniń tizbesinde kózdelgen jaldamaly qyzmetkerlerdiń eńbegin paıdalanatyn agentter aı saıyn mindetti kásiptik zeınetaqy jarnalaryn esepteıdi jáne biryńǵaı jınaqtaýshy zeınetaqy qoryna aýdarady.
Advokattar, jeke sot oryndaýshylary, jeke notarıýstar, sondaı-aq dara kásipkerler mindetti zeınetaqy jarnalaryn salyq kezeńiniń árbir aıy úshin esepteıdi jáne olardy óziniń paıdasyna biryńǵaı jınaqtaýshy zeınetaqy qoryna aýdarady.
Arnaýly salyq rejımin qoldanatyn sharýa nemese fermer qojalyqtary mindetti zeınetaqy jarnalaryn salyq kezeńiniń árbir aıy úshin esepteıdi jáne olardy sharýa nemese fermer qojalyǵy kámeletke tolǵan múshesiniń (qatysýshysynyń) jáne basshysynyń paıdasyna biryńǵaı jınaqtaýshy zeınetaqy qoryna aýdarady. Sharýa nemese fermer qojalyǵynyń kámeletke tolǵan músheleriniń (qatysýshylarynyń) paıdasyna mindetti zeınetaqy jarnalary olar kámeletke tolǵan jyldan keıingi kúntizbelik jyldyń basynan bastap eseptelýge jáne tólenýge tıis.
Bıýdjet qarajaty esebinen ustalatyn, 1998 jylǵy 1 qańtardaǵy jaǵdaı boıynsha keden organdaryn qospaǵanda, áskerı qyzmette, arnaýly memlekettik jáne quqyq qorǵaý organdaryndaǵy qyzmette on jylǵa jetpeıtin qyzmet stajy bar áskerı qyzmetshiler, arnaýly memlekettik jáne quqyq qorǵaý organdarynyń qyzmetkerleri, sondaı-aq áskerı nemese arnaýly ataqtar, synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap joıylǵan adamdar úshin mindetti zeınetaqy jarnalaryn esepteý jáne aýdarý Zańǵa sáıkes júzege asyrylady.
Qazaqstan Respýblıkasynyń sýdıalary úshin biryńǵaı jınaqtaýshy zeınetaqy qoryna sýdıanyń aı saıynǵy tabysynyń 10 paıyzy mólsherinde mindetti zeınetaqy jarnalary bıýdjet qarajaty esebinen qosymsha belgilenedi.
Memlekettik áleýmettik saqtandyrý qorynan eńbek qabiletinen aırylý jáne (nemese) jumysynan aırylý, júktiligine, bosanýyna, jańa týǵan balany (balalardy) asyrap alýyna baılanysty, sondaı-aq bir jasqa deıingi bala kútimine baılanysty tabysynan aırylý jaǵdaıyna beriletin áleýmettik tólemderden mindetti zeınetaqy jarnalaryn aı saıyn esepteýdi jáne ustap qalýdy mindetti zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimine sáıkes Zeınetaqy tóleý jónindegi memlekettik ortalyq (budan ári – Ortalyq) júzege asyrady.
Agentterdiń Ortalyqtan qyzmetkerde biryńǵaı jınaqtaýshy zeınetaqy qorynda ashylǵan jeke zeınetaqy shotynyń bolýy týraly rastama alýǵa quqyǵy bar.
Agenttiń qyzmetkerde biryńǵaı jınaqtaýshy zeınetaqy qorynda ashylǵan jeke zeınetaqy shotynyń bolýyn rastaýǵa arnalǵan ótinishinde: agenttiń ataýy men derektemeleri, qyzmetkerdiń tegi, aty, ákesiniń aty (bar bolsa), týǵan kúni, jeke sáıkestendirý nómiri kórsetiledi. О́tinishke basshy, bas býhgalter qol qoıýǵa jáne ol mórmen rastalýǵa tıis. Eger tegi, aty, ákesiniń aty ózgergen bolsa, sondaı-aq burynǵy tegi, aty, ákesiniń aty kórsetiledi.
Ortalyq agentten qyzmetkerde biryńǵaı jınaqtaýshy zeınetaqy qorynda ashylǵan jeke zeınetaqy shotynyń bolýyn rastaýǵa arnalǵan ótinish kelip túsken kúnnen bastap 5 jumys kúni ishinde agentke Qaǵıdalarǵa 1-qosymshaǵa sáıkes nysan boıynsha qyzmetkerde bul sharttyń bolýy týraly rastaý anyqtamany beredi.
4. Zańdy tulǵalar-agentter ustalǵan jáne aýdarylǵan mindetti zeınetaqy jarnalary týraly, onyń ishinde qate tólemderdi qaıtarý týraly málimetterdi elektrondyq jáne qaǵaz jetkizgishterde zańnamada belgilengen tártippen saqtaıdy.
Zańdy tulǵany-agentti taratqan kezde mindetti zeınetaqy jarnalaryn ustaý jáne aýdarý týraly qujattar Memlekettik muraǵatqa beriledi.
2. Mindetti zeınetaqy jarnalaryn esepteý, ustap qalý (esebine jazý) tártibi men merzimderi
5. Biryńǵaı jınaqtaýshy zeınetaqy qoryna tóleýge jatatyn mindetti zeınetaqy jarnalary Zańnyń 25-babynda belgilengen mólsherlemelerdi, mindetti zeınetaqy jarnalaryn esepteý obektisin paıdalaný arqyly esepteledi.
Mynalar mindetti zeınetaqy jarnalaryn esepteý obektileri bolyp tabylady:
1) zańdy tulǵalar úshin – zeınetaqy jarnalaryn esepteý úshin qabyldanatyn aı saıynǵy tabys tıisti qarjy jylyna arnalǵan respýblıkalyq bıýdjet týraly zańda belgilengen jalaqynyń jetpis bes eselengen eń tómengi mólsherinen aspaýǵa tıis;
2) jaldamaly qyzmetkerlerdiń eńbegin paıdalanatyn advokattar, jeke sot oryndaýshylary, sondaı-aq dara kásipkerler úshin – mindetti zeınetaqy jarnalaryn esepteý úshin alynatyn aı saıynǵy tabys tıisti qarjy jylyna arnalǵan respýblıkalyq bıýdjet týraly zańda belgilengen jalaqynyń jetpis bes eselengen eń tómengi mólsherinen aspaýǵa tıis;
3) advokattar, jeke sot oryndaýshylary, sondaı-aq dara kásipkerler úshin - advokattar, jeke sot oryndaýshylary, jeke notarıýstar, sondaı-aq dara kásipkerler biryńǵaı jınaqtaýshy zeınetaqy qoryna óz paıdasyna mindetti zeınetaqy jarnalaryn esepteý úshin derbes aıqyndaıtyn tabys málimdeletin tabys bolyp tabylady;
4) Ortalyq úshin – eńbek etý qabiletinen jáne (nemese) jumysynan aırylý jaǵdaıyna, bala bir jasqa tolǵanǵa deıin onyń kútimine baılanysty beriletin aı saıynǵy áleýmettik tólemderdiń, sondaı-aq júktiligine, bosanýyna, jańa týǵan balany (balalardy) asyrap alýyna baılanysty tabysynan aırylý jaǵdaıyna beriletin áleýmettik tólemder;
5) Qazaqstan Respýblıkasy Syrtqy ister mınıstrligi úshin Qazaqstan Respýblıkasynyń sheteldik mekemelerinde jumys isteıtin dıplomatııalyq qyzmet personaly bóliginde – Qazaqstan Respýblıkasy Syrtqy ister mınıstrligi ortalyq apparatynyń personalyna teńestirilgen laýazymdar boıynsha jalaqynyń 100 paıyzdyq mólsheri.
6. Mindetti zeınetaqy jarnalary Biryńǵaı jınaqtaýshy zeınetaqy qoryna Salyq kodeksiniń 155-baby 3-tarmaǵynyń 13) tarmaqshasynda, 156-baby 1-tarmaǵynyń 10), 12), 21), 26) tarmaqshalarynda kózdelgen tabystar men tólemderdi qospaǵanda, Salyq kodeksiniń 155-baby 3-tarmaǵynda, 156-baby 1-tarmaǵynda, 357-babynyń 2-tarmaǵynyń belgilengen tólemderden ustalmaıdy.
7. Biryńǵaı jınaqtaýshy zeınetaqy qoryna tólenýge jatatyn mindetti kásiptik zeınetaqy jarnalaryn esepteýdi mindetti kásiptik zeınetaqy jarnalaryn salymshylary kásipteri Qazaqstan Respýblıkasynyń Úkimeti aıqyndaǵan óndiristerdiń, jumystardyń, qyzmetkerlerdiń tizbesinde kózdelgen qyzmetkerlerdiń paıdasyna óz qarajaty esebinen Zańnyń 26-babynda belgilengen mólsherlemeni paıdalaný arqyly esepteledi.
3. Mindetti zeınetaqy jarnalaryn biryńǵaı jınaqtaýshy zeınetaqy qoryna aýdarý
Mindetti zeınetaqy jarnalaryn aýdarý tártibi men merzimderi
8. Eger osy tarmaqtyń ekinshi bóliginde ózgeshe kózdelmese, mindetti zeınetaqy jarnalaryn aýdarýdy qolma-qol aqshasyz tólemder arqyly agent júrgizedi, eger basqa bolsa.
Bankterde jáne bank operasııalarynyń jekelegen túrlerin júzege asyratyn uıymdarda (budan ári – bankter) shottary joq advokattar, jeke sot oryndaýshylary, jeke notarıýstar, sondaı-aq dara kásipkerler Qaǵıdalardyń 10-tarmaǵynda aıqyndalǵan tártippen mindetti zeınetaqy jarnalaryn olardy keıinnen biryńǵaı jınaqtaýshy zeınetaqy qoryna aýdarý tártibimen bankke qolma-qol aqshamen salady.
9. Ustalǵan (esebine jazylǵan) mindetti zeınetaqy jarnalaryn Ortalyqqa:
1) zańdy tulǵalar men dara kásipkerler (shaǵyn bıznes sýbektileri men sharýa nemese fermer qojalyqtaryna arnalǵan arnaýly salyq rejımin qoldanatyndardan basqa), sondaı-aq jeke notarıýstar, jeke sot oryndaýshylary men advokattar qyzmetkerlerge tóleıtin tabysynan – tabystar tólengen aıdan keıingi aıdyń 25-kúninen keshiktirmeı;
2) dara kásipkerler (shaǵyn bıznes sýbektileri men sharýa nemese fermer qojalyqtaryna arnalǵan arnaýly salyq rejımin patent nemese ońaılatylǵan deklarasııa negizinde qoldanatyndardan basqa), sondaı-aq jeke notarıýstar, jeke sot oryndaýshylary men advokattar óz paıdasyna – esepti aıdan keıingi aıdyń 25-kúninen keshiktirmeı;
3) arnaýly salyq rejımin qoldanatyn sharýa nemese fermer qojalyqtary – Qazaqstan Respýblıkasynyń salyq zańnamasynda kózdelgen tártippen jáne merzimderde;
4) arnaýly salyq rejımin ońaılatylǵan deklarasııa negizinde qoldanatyn shaǵyn bıznes sýbektileri – Qazaqstan Respýblıkasynyń salyq zańnamasynda kózdelgen merzimde;
5) arnaýly salyq rejımin patent negizinde qoldanatyn jeke kásipkerler – Qazaqstan Respýblıkasynyń salyq zańnamasyna patent qunyn tóleý úshin kózdelgen merzimde;
6) Ortalyq – áleýmettik tólemder júzege asyrylatyn aıdan keıingi aıdyń 15-kúninen keshiktirmeı aýdarady.
10. Mindetti zeınetaqy jarnalaryn, onyń ishinde bereshekti aýdarý Ortalyqqa júrgiziledi. Ortalyq mindetti zeınetaqy jarnalaryn biryńǵaı jınaqtaýshy zeınetaqy qoryna mindetti zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimine sáıkes aýdarady.
11. Salymshylardyń mindetti zeınetaqy jarnalarynyń somasy Ortalyqtyń shotyna kelip túsken kúnnen bastap úsh jumys kúni ishinde MT-100 formatyndaǵy elektrondy tólem tapsyrmalarymen biryńǵaı jınaqtaýshy zeınetaqy qoryna aýdarylady.
Ortalyq bir mezgilde elektrondy tásilmen agentterden kelip túsken, MT-100 formatyndaǵy tólemniń somasyna sáıkes keletin tólem tapsyrmalary tobynan turatyn, olardyń paıdasyna mindetti zeınetaqy jarnalary aýdarylatyn jeke tulǵalardyń tizimin biryńǵaı jınaqtaýshy zeınetaqy qoryna jiberedi.
Salymshynyń mindetti zeınetaqy jarnalary esebinen zeınetaqymen qamsyzdandyrý týraly sharty jáne (nemese) MT-102 formatyndaǵy tizimde kórsetilgen jeke sáıkestendirý nómiri bolmaǵan kezde jáne (nemese) salymshynyń derektemelerinde qateler jiberilgen bolsa, Ortalyq salymshynyń mindetti zeınetaqy jarnalarynyń somalaryn agenttiń shotyna qaıtarady.
Ortalyq kún saıyn biryńǵaı jınaqtaýshy zeınetaqy qoryna aldyńǵy operasııalyq kúni júrgizilgen tólemder (somasy men salymshylardyń sany) týraly úzindi kóshirmeni usynady.
12. Agent Ortalyqqa mindetti zeınetaqy jarnalaryn aýdarý kezinde úsh danada qaǵazǵa shyǵarylǵan tólem tapsyrmasyn jáne eki danada jeke tulǵalardyń tizimin bankke usynady. Tólem tapsyrmasynyń birinshi danasy men tiziminiń birinshi danasy bankte qalady, tólem tapsyrmasynyń ekinshi jáne úshinshi danalary men tizimniń bir danasy banktiń qabyldaǵany týraly belgimen agentke qaıtarylady.
Agentke qyzmet kórsetetin bank mindetti zeınetaqy jarnalaryn Qazaqstan Respýblıkasy Ulttyq Bankiniń fılıaldary arqyly aýdarǵan jaǵdaıda agent Bankke, agenttiń Banki Qazaqstan Respýblıkasy Ulttyq Bankiniń fılıaldary men fılıaldarynyń bólimshelerine usynatyn tólem tapsyrmasynyń qaǵazda shyǵarylǵan tórtinshi danasyn jáne jeke tulǵalar tiziminiń úshinshi danasyn qosymsha tapsyrady.
Jeke tulǵalardyń tizimi árbir jeke tulǵa boıynsha: jeke sáıkestendirý nómirin (budan ári – JSN), tegin, atyn, ákesiniń atyn (bar bolsa), týǵan kúnin, jarna somasyn jáne ol úshin mindetti zeınetaqy jarnalary aýdarylatyn kezeńdi (aıdy, jyldy) qamtýǵa tıis.
Agentter mindetti zeınetaqy jarnalaryn ýaqtyly aýdarmaǵan jaǵdaıda jeke tulǵalardyń tizimin qosa bere otyryp, MT-102 formatyndaǵy tólem tapsyrmasyn qalyptastyrý arqyly aýdarýdy árbir aı úshin jeke júrgizedi.
Agentter mindetti zeınetaqy jarnalary aýdarylatyn kezeńdi qaǵaz tasymaldaǵyshtarda jasalatyn tólem qujattarynda, tólemder bank shotyn ashpaı júrgizilgen kezde «Kezeń» degen jolda, tólemder agenttiń bank shotynan aqshany esepten shyǵarý jolymen júrgizilgen kezde «Tólemniń maqsaty» degen baǵanda, al MT-102 formatyndaǵy elektrondyq tólem tapsyrmalarda «PERIOD» degen negizgi sózde kózdelgen «AAJJJJ» formatynda kórsetedi.
13. Advokattar, jeke sot oryndaýshylary, jeke notarıýstar, sondaı-aq dara kásipkerler óz qyzmetkerleriniń mindetti zeınetaqy jarnalarynan jáne tabystarynan ustalǵan somalaryn óz paıdasyna aýdara otyryp (bankke qolma-qol engize otyryp), tólem qujattarynda Ortalyqtyń derektemelerin, al olarǵa qosa beriletin tizimderde ózi jáne qyzmetkerler týraly málimetterdi (jeke sáıkestendirý nómirlerin, tegin, atyn, ákesiniń atyn (bolǵan kezde), týǵan kúnin, jarnalardyń somalary men mindetti zeınetaqy jarnalary tólenip otyrǵan kezeńdi (aıyn, jylyn) kórsetýge tıis.
14. Bankter mindetti zeınetaqy jarnalarynyń somalaryn osy somalar agentterdiń banktik shottarynan esepten shyǵarylǵan kúni Ortalyqqa aýdarady.
Bankterdiń kassalaryna mindetti zeınetaqy jarnalaryn engizý kezinde aýdarý qolma-qol aqshalar engizilgen kúnnen bastap kelesi operasııalyq kúnnen keshiktirmeı júrgiziledi.
Bankterdiń Ortalyqqa aqsha aýdarýy Qazaqstan Respýblıkasynyń tólem júıelerinde qoldanylatyn formattarǵa sáıkes jeke tulǵalardyń tizimderimen birge elektrondyq tólem tapsyrmalarymen júzege asyrylady.
Sany elý adamnan asatyn qyzmetkerleri bar agent Qaǵıdalardyń 13-tarmaǵyndaǵy talaptardy oryndaýdan basqa, bankke joǵaryda kórsetilgen formatta elektrondyq jetkizgishtegi jeke tulǵalardyń tizimimen birge tólem tapsyrmasyn usynady.
Mindetti zeınetaqy jarnalaryn aýdarý kezinde qateler anyqtalǵan jaǵdaıda salymshylardyń (alýshylardyń), agentterdiń jáne biryńǵaı jınaqtaýshy zeınetaqy qorynyń is-áreketteri
15. Salymshy (alýshy) tólengen mindetti zeınetaqy jarnalarynyń jekelegen somalarynyń bolmaýyn baıqasa, zeınetaqy tólemderin nemese jeke zeınetaqy shottaryndaǵy zeınetaqy jınaqtarynyń somalary týraly derekterdi alý jáne jol berilgen qatelerdi túzetý sharalaryn qabyldaý úshin qatelerdi anyqtaǵany jáne biryńǵaı jınaqtaýshy zeınetaqy qoryna nemese ortalyqqa kez kelgen ýaqyttaǵy aýdarylǵan mindetti zeınetaqy jarnalary jáne (nemese) ósimpul týraly tólem qujattarynyń kóshirmesin jáne tólem qujattaryna qosa berilgen, óziniń jeke basyna qatysty jeke tulǵalar tiziminiń kóshirmelerin ózine berýi jóninde agentke jazbasha ótinish beredi.
16. Agent zańnamada belgilengen tártippen taratylǵan jáne taratý prosesi aıaqtalǵan jaǵdaıda, salymshy (alýshy) agenttiń ornalasqan jeri boıynsha muraǵat mekemelerine, al taratý óndirisi barysynda taratý komıssııasyna ótinish jasaıdy, olar oǵan qujattardyń rastalǵan tólem kóshirmelerin beredi. Salymshy (alýshy) alǵan tólem qujattarynyń kóshirmelerin ótinishpen qosa Ortalyqqa jiberedi.
17. Salymshynyń (alýshynyń) derektemelerinde mindetti zeınetaqy jarnalary jáne (nemese) ósimpuldy aýdarý kezinde jiberilgen qateler anyqtalǵan jaǵdaıda salymshy (alýshy) qateni túzeý týraly Ortalyqqa qateni túzeý týraly notarıatta kýálandyrylǵan ótinish beredi. Qaǵıdalarǵa 2-qosymshaǵa sáıkes nysan boıynsha salymshy (alýshy) ótinish jasaǵan kúnnen bastap úsh jumys kúni ishinde agent beretin anyqtama-rastama nemese salymshynyń (alýshynyń) derektemelerinde oryn alǵan ózgeristerdi rastaıtyn jeke basty kýálandyratyn qujattyń kóshirmesi qosa beriledi.
Mindetti zeınetaqy jarnalaryn bank shotyn paıdalanbaı aýdarý kezinde anyqtama-rastamanyń ornyna qolma-qol aqshanyń mindetti zeınetaqy jarnalaryn tóleý esebine engizilgenin rastaıtyn túbirtek-habarlamalardyń kóshirmeleri qosa beriledi.
Ortalyq usynylǵan qujattardyń negizinde salymshynyń (alýshynyń) mindetti zeınetaqy jarnalarynyń esebinen zeınetaqymen qamsyzdandyrý týraly sharttaǵy jáne salymshynyń (alýshynyń) jeke zeınetaqy shotyndaǵy derektemelerine ózgerister engizý úshin Qaǵıdalarǵa 3-qosymshaǵa sáıkes nysan boıynsha salymshynyń (alýshynyń) notarıatta kýálandyrylǵan ótinishiniń elektrondy kóshirmesin qosa otyryp, biryńǵaı jınaqtaýshy zeınetaqy qoryna elektrondy ótinim resimdeıdi.
18. Agent mindetti zeınetaqy jarnalaryn jáne (nemese) ósimpuldy esepteý, aýdarý kezinde jiberilgen qatelerdi anyqtaǵan nemese salymshynyń (alýshynyń) qatelerdi anyqtaǵany týraly jazbasha ótinishin alǵan jaǵdaıda qatelerdi mindetti zeınetaqy jarnalarynyń jáne (nemese) ósimpuldyń budan keıingi aýdarymdaryn retteý jolymen túzetedi.
Mindetti zeınetaqy jarnalarynyń jáne (nemese) ósimpuldyń keıingi aýdarymdaryn retteý jolymen qatelerdi túzetý múmkin bolmaǵan kezde agent qate aýdarylǵan mindetti zeınetaqy jarnalaryn jáne (nemese) Qaǵıdalarǵa 4-qosymshaǵa sáıkes nysan boıynsha ósimpuldy qaıtarý týraly ótinishpen Ortalyqqa júginedi. Qate aýdarylǵan mindetti zeınetaqy jarnalaryn jáne (nemese) ósimpuldy qaıtarý týraly ótinishke salymshynyń (alýshynyń) óziniń jeke zeınetaqy shotynan qate eseptelgen somalardy esepten shyǵarýǵa kelisetini týraly Qaǵıdalarǵa 5-qosymshaǵa sáıkes nysandaǵy salymshynyń (alýshynyń) notarıatta kýálandyrylǵan ótinishi qosa beriledi.
19. Qate eseptelgen mindetti zeınetaqy jarnalaryn jáne (nemese) ósimpuldy qaıtarýǵa berilgen ótinishte: agenttiń ataýy men derektemeleri, (bıznes-sáıkestendirý nómiri (budan ári – BSN), (jeke sáıkestendirý nómiri (budan ári – JSN), banktik sáıkestendirý kody (budan ári – BSK), jeke sáıkestendirý kody (budan ári – JSK), qaıtarý sebebi, qate jiberilgen tólem qujattarynyń derektemeleri (nómiri, kúni men somasy), sondaı-aq jeke zeınetaqy shotynan qaıtarý júrgiziletin salymshynyń (alýshynyń) derektemeleri men qaıtarýǵa jatatyn jeke somalar kórsetiledi. О́tinishke basshy, bas býhgalter qol qoıýǵa jáne ol mórmen rastalýǵa tıis. Eger bas býhgalterdiń laýazymy kózdelmegen bolsa, qaıtarýǵa berilgen ótinishke tıisti belgi qoıylady.
20. Ortalyq qate aýdarylǵan mindetti zeınetaqy jarnalaryn jáne (nemese) ósimpuldy qaıtarýǵa agentter men bankterden jáne/nemese bank operasııalarynyń jekelegen túrlerin júzege asyratyn uıymdardan alǵan qujattardyń negizinde zeınetaqy tólemderiniń túsý faktisin jáne olar boıynsha buryn júzege asyrylǵan qaıtarýlardyń joq ekenin teksergennen keıin bes jumys kúni ishinde qate eseptelgen mindetti zeınetaqy jarnalaryn jáne (nemese) ósimpuldy qaıtarýǵa arnalǵan ótinimdi elektrondy túrde qalyptastyrady.
Elektrondy túrdegi ótinimde: salymshynyń (alýshynyń) derektemeleri: tegi, aty, ákesiniń aty (bar bolsa), týǵan kúni, JSN, mindetti zeınetaqy jarnalarynyń jáne (nemese) qaıtarýǵa jatatyn ósimpuldyń somalary men qaıtarý sebebi kórsetiledi.
Salymshynyń óziniń jeke zeınetaqy shotynan qate eseptelgen somalardy shyǵarýǵa kelisetini týraly notarıatta kýálandyrylǵan ótinishiniń elektrondy kóshirmesimen elektrondy túrdegi ótinimi aqparatty tasymaldaýdyń avtomattandyrylǵan qarjy júıesin paıdalana otyryp, biryńǵaı jınaqtaýshy zeınetaqy qoryna jiberiledi.
21. Biryńǵaı jınaqtaýshy zeınetaqy qory Ortalyqtan qate eseptelgen mindetti zeınetaqy jarnalarynyń somalaryn jáne (nemese) ósimpuldy qaıtarýǵa arnalǵan ótinimdi elektrondy túrde alǵan kúnnen bastap úsh jumys kúni ishinde Ortalyq ótiniminiń nómiri men kúnin kórsete otyryp, qate eseptelgen mindetti zeınetaqy jarnalarynyń somalaryn jáne (nemese) ósimpuldy Ortalyqqa qaıtarýdy júzege asyrady.
22. Banktiń kinási boıynsha qate jiberilgen jaǵdaıda bank Ortalyqqa qate aýdarylǵan somalardy qaıtarý týraly ótinishpen hatty jiberedi.
Qyzmet kórsetetin banktiń kinásinen qate eseptelgen somalardy qaıtarýǵa arnalǵan ótinishte: BSN, JSK, BSK, qate jiberilgen tólem qujattarynyń referensteri men qaıtarý sebebi kórsetiledi. Hat pen ótinishke hatqa jáne qate nusqamany qaıtarýǵa arnalǵan ótinishterge qol qoıýǵa atalǵan adamdardyń ókilettigin rastaıtyn qujattyń kóshirmelerimen qosa, banktiń ýákiletti adamdarynyń qolymen usynylady.
23. Oblystyq, respýblıkalyq mańyzy bar qalalardyń jáne astananyń Ortalyq fılıaldary (budan ári – Ortalyq fılıaly) jáne Ortalyq Memlekettik áleýmettik saqtandyrý qorynan eńbek qabiletinen aırylýyna jáne (nemese) jumysynan aırylýyna, júktiligine, bosanýyna, jańa týǵan balany (balalardy) asyrap alýyna baılanysty, sondaı-aq bala bir jasqa tolǵanǵa deıin onyń kútimine baılanysty tabysynan aırylý jaǵdaıyna beriletin aı saıynǵy áleýmettik tólemderden mindetti zeınetaqy jarnalary somalaryn esepteý, aýdarý kezinde jiberilgen qatelerdi anyqtaǵan jaǵdaıda, Ortalyq fılıaly qate aýdarylǵan mindetti zeınetaqy jarnalaryn qaıtarýǵa arnalǵan elektrondy túrdegi ótinishti Ortalyqqa jiberedi.
24. Biryńǵaı jınaqtaýshy zeınetaqy qory qate eseptelgen mindetti zeınetaqy jarnalarynyń jáne (nemese) ósimpul somalaryn elektrondy túrde Ortalyqtyń ótiniminde kórsetilgen mindetti zeınetaqy jarnalarynyń jáne (ósimpuldyń) biryńǵaı jınaqtaýshy zeınetaqy qoryna naqty engizilgen nomınaldy somasy boıynsha Ortalyqtyń bank shotyna jeke tulǵalardyń tizimin qosa bere otyryp, tólem tapsyrmasymen qaıtarýdy júrgizedi.
25. Inflıasııa deńgeıi eskerile otyryp naqty engizilgen mindetti zeınetaqy jarnalarynyń somasy men zeınetaqy jınaqtarynyń somasy arasyndaǵy aıyrmany óteý somasyn esepteý kezinde eskerilgen mindetti zeınetaqy jarnalarynyń somasy qaıtarylýǵa jatpaıdy.
26. Ortalyq qate eseptelgen mindetti zeınetaqy jarnalarynyń somalary jáne (nemese) ósimpuldyń biryńǵaı jınaqtaýshy zeınetaqy qorynan kelip túsken kúnnen bastap úsh jumys kúni ishinde olardy agenttiń ótinishinde kórsetilgen derektemelerge sáıkes jeke tulǵalardyń tizimderimen qosa tólem tapsyrmasymen aýdarýdy júrgizedi.
27. Bank qate aýdarylǵan mindetti zeınetaqy jarnalarynyń jáne (nemese) ósimpul somalary Ortalyqtan kelip túsken kúninen bastap úsh jumys kúni ishinde mindetti zeınetaqy jarnalarynyń qaıtarylǵany týraly agentti habardar etedi.
Mindetti zeınetaqy jarnalaryn biryńǵaı jınaqtaýshy zeınetaqy qoryna ýaqytyly aýdarmaǵany úshin ósimpuldy tóleý jáne bereshekti óndirý
28. Tabys is júzinde tólengen jáne salymshy ony alǵan kezde agenttiń ýaqytynda ustap qalmaǵan (esebine jazbaǵan) jáne aýdarmaǵan mindetti zeınetaqy jarnalarynyń somalaryn salyq organdary óndirip alady nemese agentter keshiktirilgen kún úshin (Ortalyqqa tólem jasaý kúnin qosa alǵanda) Qazaqstan Respýblıkasynyń Ulttyq Banki belgilegen qaıta qarjylandyrýdyń resmı mólsherlemesiniń 2,5 eselengen mólsherinde eseptelgen ósimpulmen mindetti zeınetaqy jarnalaryn salymshylardyń paıdasyna aýdarýǵa tıis.
Agentter mindetti zeınetaqy jarnalaryn biryńǵaı jınaqtaýshy zeınetaqy qoryna ýaqtyly esepteýge, ustap qalýǵa (esebine jazýǵa) jáne tóleýge mindetti.
29. Agentter mindetti zeınetaqy jarnalaryn ýaqytyly ustamaǵany (esebine jazbaǵany) jáne aýdarmaǵany úshin ósimpuldy agentter qarjy naryǵy men qarjy uıymdaryn memlekettik retteýdi, baqylaýdy jáne qadaǵalaýdy júzege asyratyn ýákiletti organnyń aktilerimen bekitilgen ekonomıka sektorlarynyń kodtaryn qoldaný jáne tólemderdi taǵaıyndaý jáne olarǵa sáıkes tólemder boıynsha málimetterdi usyný tártibine sáıkes aıqyndalatyn tólem taǵaıyndaý kodtaryn kórsete otyryp, keıinnen Ortalyqtyń salymshynyń (alýshynyń) sharty qoldanylatyn biryńǵaı jınaqtaýshy zeınetaqy qoryna aýdarýy úshin Ortalyqtyń bank shotyna tóleıdi.
30. Agentter mindetti zeınetaqy jarnalaryn biryńǵaı jınaqtaýshy zeınetaqy qoryna ýaqtyly aýdarmaǵany úshin ósimpul tóleýdi Qaǵıdalardyń 8-tarmaǵynda belgilengen tártippen júrgizedi.
Árbir tólem qujaty, oǵan qosa beriletin jeke tulǵalar tizimi danalarynyń sany, sondaı-aq olardy berý men saqtaýdyń tártibi men merzimderi Qaǵıdalardyń 13-tarmaǵynda mindetti zeınetaqy jarnalaryn aýdarý úshin belgilengen sharttarǵa uqsas.
Agentter ósimpuldy ýaqytynda aýdarmaǵan jaǵdaıda, aýdarý jeke tulǵalardyń tizimin qosa, árbir aı úshin jeke-jeke MT-102 formatyndaǵy qalyptastyrý arqyly árbir aı úshin jeke-jeke júrgizedi.
31. Sany elý adamnan asatyn qyzmetkerleri bar agent ósimpul tóleý kezinde Qaǵıdalardyń 13-tarmaǵynda aıqyndalǵan tártipte bankke qaǵazdaǵy jáne elektrondyq jetkizgishtegi jeke tulǵalardyń tizimin qosa berý arqyly tólem qujatyn usynady.
32. Tólem qujatyna qosa beriletin jeke tulǵalardyń tizimi árbir jeke tulǵa boıynsha «jarna somasy» baǵanyn qospaǵanda, mindetti zeınetaqy jarnalaryn tóleý kezindegi jeke tulǵalardyń tizimi úshin Qaǵıdalardyń 13-tarmaǵynda kózdelgen derektemelerdi qamtıdy. Jarna somasynyń ornyna ósimpuldyń tıisti somasy kórsetiledi.
Jeke tulǵalardyń tizimderinde agent olar úshin mindetti zeınetaqy jarnalaryn ýaqtyly aýdarmaǵan salymshylar (alýshylar) ǵana kórsetiledi.
33. Bankter agentter tólem qujattaryn kórsetken kezde agentter jeke tulǵalardyń tizimderin qosa berip, MT-102 formatyndaǵy elektrondyq tólem tapsyrmalarymen Ortalyqtyń banktik shotyna ósimpul aýdarýdy júrgizedi.
34. Ortalyq aqshany biryńǵaı jınaqtaýshy zeınetaqy qoryna ýaqtyly aýdarmaǵany úshin Zańda belgilengen mólsherde ósimpul tóleıdi.
Ortalyq ósimpul tóleý úshin agenttiń tólem tapsyrmasy negizinde árbir jeke tulǵa boıynsha mindetti zeınetaqy jarnalaryn tóleý kezinde jeke tulǵalardyń tizimderi úshin osy Qaǵıdalardyń 13-tarmaǵynda kózdelgen derektemeleri bar «jarna somasy» baǵanyn alyp tastaı otyryp, jeke tulǵalardyń tizimin qosyp, MT-102 formatyndaǵy elektrondy tólem tapsyrmasyn qalyptastyrady. Jarna somasynyń ornyna tizimge sáıkes árbir jeke tulǵa boıynsha bólingen ósimpul somasy kórsetiledi.
35. Kelip túsken ósimpul somalarynan biryńǵaı jınaqtaýshy zeınetaqy qorynyń komıssııalyq syıaqy alýy mindetti zeınetaqy jarnalary esebinen zeınetaqymen qamsyzdandyrý týraly sharttyń talaptaryna sáıkes júzege asyrylady.
36. Biryńǵaı jınaqtaýshy zeınetaqy qory alynǵan ósimpul jeke tulǵalardyń tizimderine sáıkes salymshylardyń jeke zeınetaqy shottaryna aýdarady.
37. Jeke tulǵalardyń tizimi qosa berilmeı aýdarylǵan ósimpul agentke qaıtarýǵa jatady, kelesi aýdarym kezinde ósimpuldyń somasy kórsetilgen tizimdi usynýdyń keshiktirilgen kúnderiniń sanyna ósedi.
38. Mindetti zeınetaqy jarnalary boıynsha bereshek qalyptasqan kezde, salyq organdary agentterge keıinnen biryńǵaı jınaqtaýshy zeınetaqy qoryna aýdarý úshin Ortalyqqa aýdarylýǵa tıis mindetti zeınetaqy jarnalarynyń somasy týraly habarlamany (budan ári – habarlama):
1) 2014 jylǵy 1 qańtarǵa deıin Qaǵıdalarǵa 6-qosymshaǵa sáıkes nysan boıynsha;
2) 2014 jylǵy 1 qańtardan bastap Qaǵıdalarǵa 7-qosymshaǵa sáıkes nysan boıynsha jiberedi.
39. Habarlama agentke jeke ózine qol qoıdyrylyp nemese jóneltý men alý faktisin rastaıtyn ózge de tásilmen tapsyrylýǵa tıis. Bul rette tómende kórsetilgen tásilderdiń birimen jiberilgen habarlama mynadaı jaǵdaılarda:
1) poshta arqyly habarlamasy bar tapsyrys hatpen – poshtalyq nemese ózge de baılanys uıymynyń habarlamasynda agentiniń belgisi qoıylǵan kúnnen bastap;
2) elektrondyq tásilmen – veb-qosymshada salyq qyzmeti organynyń habarlamany jetkizgen kúnnen bastap salyq tóleýshige (salyq agentine) berilgen bolyp esepteledi. Atalǵan tásil Salyq kodeksiniń 572-babynda belgilengen tártippen elektrondyq salyq tóleýshi retinde tirkelgen agentke qoldanylady.
Eger mindetti zeınetaqy jarnalary boıynsha bereshek somasy respýblıkalyq bıýdjet týraly zańda tıisti qarjy jylyna belgilengen bir aılyq eseptik kórsetkish somadan aspaıtyn bolsa, habarlama jiberilmeıdi.
40. Agentter habarlamany alǵan kúnnen bastap bes jumys kúni ishinde salyq organyna Qaǵıdalardyń 13-tarmaǵynda belgilengen tártippen paıdasyna bereshek óndiriletin biryńǵaı jınaqtaýshy zeınetaqy qory salymshylarynyń tizimderin usynady.
41. Agentterdiń bank shottarynan mindetti zeınetaqy jarnalary boıynsha bereshekti óndirip alý paıdasyna mindetti zeınetaqy jarnalary boıynsha bereshek óndirip alynatyn biryńǵaı jınaqtaýshy zeınetaqy qory salymshylarynyń tizimderi qosa berilgen, salyq organynyń ınkassolyq ókimi negizinde júrgiziledi.
42. Paıdasyna mindetti zeınetaqy jarnalary boıynsha bereshek óndiriletin biryńǵaı jınaqtaýshy zeınetaqy qory salymshylarynyń tizimderin agentterden alǵan kezde salyq organy – Ortalyqtyń benefısıaryn kórsete otyryp, agenttiń banktik shotyna (shottaryna) ınkassolyq ókimderdi usynady.
Agenttiń banktik shotynda ulttyq valıýtada aqsha bolmaǵan jaǵdaıda mindetti zeınetaqy jarnalary boıynsha bereshekti óndirip alý salyq organdary ulttyq valıýtada usynǵan ınkassolyq ókimder negizinde agenttiń banktik shottarynan sheteldik valıýtada júrgiziledi.
43. Agenttiń bank shottary boıynsha shyǵys operasııalaryn toqtata turýdy salyq organdary mynadaı jaǵdaılarda júrgizedi:
1) agenttiń biryńǵaı jınaqtaýshy zeınetaqy qory salymshylarynyń tizimin usynbaýy jáne mindetti zeınetaqy jarnalary boıynsha bereshektiń bolýy – habarlama berilgen kúnnen bastap bes jumys kúni ótkenge deıin. Bul rette agenttiń banktik shottary boıynsha shyǵys operasııalaryn toqtata turý mindetti zeınetaqy jarnalary boıynsha bereshek somasy shamasynda júrgiziledi.
2) mindetti zeınetaqy jarnalary boıynsha bereshekti ótemeý – habarlama berilgen kúnnen bastap on bes jumys kúni ótkenge deıin. Bul rette agenttiń banktik shottary boıynsha barlyq shyǵys operasııalaryn toqtata turý júrgiziledi.
44. Salyq organynyń agentterdiń banktik shottary boıynsha shyǵys operasııalaryn toqtata turý týraly ókimi salyq jáne bıýdjetke tólenetin basqa da mindetti tólemderdiń túsýin qamtamasyz etý salasyndaǵy basshylyqty júzege asyratyn ýákiletti memlekettik organ Qazaqstan Respýblıkasy Ulttyq Bankimen birlesip bekitken nysan boıynsha usynylady jáne bank alǵan kúninen bastap kúshine enedi.
45. Agentte banktik shot bolmaǵan nemese agenttiń banktik shottaryndaǵy aqsha jetkiliksiz bolǵan jaǵdaıda salyq organy agenttiń kassasy boıynsha shyǵys operasııalardy toqtatady.
Agenttiń kassasy boıynsha shyǵys operasııalaryn toqtatý, keıinnen olardy salyq bereshegin, mindetti zeınetaqy jarnalary men áleýmettik aýdarymdar boıynsha bereshekti óteý esebine aýdarý úshin bankke aqsha tapsyrý jónindegi operasııalardan basqa, kassadaǵy qolma-qol aqshanyń barlyq shyǵys operasııalaryna qoldanylady.
Agenttiń kassa boıynsha shyǵys operasııalaryn toqtatý týraly salyq organynyń ókimi Qaǵıdalarǵa 8-qosymshaǵa sáıkes nysan boıynsha usynylady.
46. Mindetti zeınetaqy jarnalaryn banktik shotyn ashpaı tólegen kezde bankterdiń qyzmetterine aqy tóleýge baılanysty shyǵystar agenttiń qarajaty esebinen júrgiziledi.
47. Agentterdiń mindetti zeınetaqy jarnalaryn aýdarýyn, belgilengen jaǵdaılarda ósimpul tóleýin, biryńǵaı jınaqtaýshy zeınetaqy qory júrgizetin mindetti zeınetaqy jarnalarynyń qate eseptelgen somasyn qaıtarýyn baqylaýdy qamtamasyz etý úshin, Ortalyq kún saıyn ótken kún úshin salyq organdaryna qate aýdarylǵan mindetti zeınetaqy jarnalarynyń kelip túsken, sondaı-aq qaıtarylǵan tizilimderin jáne elektrondyq tólem tapsyrmalaryn Salyq organdaryna usynady.
Mynalar jeke usynylady:
advokattar, jeke sot oryndaýshylary, jeke notarıýstar, sondaı-aq dara kásipkerler bankke qolma-qol aqshamen engizgen mindetti zeınetaqy jarnalary somalarynyń qate kelip túsken jáne qaıtarylǵan tizilimderi:
Memlekettik áleýmettik saqtandyrý qorynan eńbek etý qabiletinen aırylý jáne (nemese) jumysynan aırylý, júktiligine, bosanýyna, jańa týǵan balany (balalardy) asyrap alýyna baılanysty, sondaı-aq bala bir jasqa tolǵanǵa deıin onyń kútimine baılanysty tabysynan aırylý jaǵdaıyna beriletin áleýmettik tólemderden ustalǵan, aýdarylǵan mindetti zeınetaqy jarnalarynyń tizilimderi.
Qate aýdarylǵan mindetti zeınetaqy jarnalary somalarynyń kelip túsken tizilimderi men qaıtarylǵan tizilimderi boıynsha aı saıynǵy esepti Ortalyq salyq organdaryna aı saıyn esepti aıdan keıingi aıdyń 5-kúninen keshiktirmeı usynady.
4. Mindetti kásiptik zeınetaqy jarnalaryn biryńǵaı jınaqtaýshy zeınetaqy qoryna aýdarý
48. Mindetti kásiptik zeınetaqy jarnalaryn biryńǵaı jınaqtaýshy zeınetaqy qoryna aýdarý, mindetti kásiptik zeınetaqy jarnalaryn aýdarý
kezinde qateler anyqtalǵan jaǵdaıda salymshylardyń (alýshylardyń), agentterdiń jáne biryńǵaı jınaqtaýshy zeınetaqy qorynyń is-qımyly, sondaı-aq mindetti kásiptik zeınetaqy jarnalaryn biryńǵaı jınaqtaýshy zeınetaqy qoryna ýaqtyly aýdarmaǵan kezdegi ósimpuldy tóleý jáne bereshekti óndirý osy Qaǵıdalardyń úshinshi taraýynda kózdelgen mindetti zeınetaqy jarnalaryn biryńǵaı jınaqtaýshy zeınetaqy qoryna ýaqytyly aýdarmaǵany úshin ósimpuldy tóleý jáne bereshekti óndirý tártibinde jáne merzimderde júrgiziledi.
Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý qaǵıdalary men merzimderine 1-qosymsha
Qyzmetkerdiń (qyzmetkerlerdiń) jeke zeınetaqy shotynyń bolýy týraly anyqtama-rastama
Zeınetaqy tóleý jónindegi memlekettik ortalyq qyzmetkerdiń (qyzmetkerlerdiń) jeke zeınetaqy shotynyń bolýy týraly habarlaıdy.
R/s № Tegi Aty Ákesiniń aty (bar bolsa) Týǵan kúni JJJJAAKK Jeke sáıkestendirý nómiri Qyzmetkerde mindetti zeınetaqy jeke zeınetaqy shotynyń bolýy týraly aqparat
1 2 3 4 5 6 7
M.O. ZTMO aýdandyq (qalalyq)
bólimshesiniń basshysy ___________________________________________
(T.A.Á., qoly)
Berilgen kúni 20_ jylǵy «__»________________
Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý qaǵıdalary men merzimderine 2-qosymsha
Rastaý anyqtamasy
________________________________________________________________
(tóleýshiniń ataýy)
Mindetti zeınetaqy jarnalaryn, mindetti kásiptik zeınetaqy jarnalaryn aýdarý kezinde salymshy derektemeleriniń mynadaı tólem tapsyrmal
