Qoǵam • 12 Qańtar, 2021

Medısınalyq saqtandyrý mártebeńizdi tekserdińiz be?

40 ret kórsetildi

Elimizde 2020 jyldyń 1 qańtarynan beri mindetti áleýmettik medısınalyq saq­tandyrý júıesi engizilgeni belgili. Qazir bul qyzmet eki paket boıynsha kórsetiledi. Alǵashqysy – tegin medı­sı­na­lyq kómektiń kepildendirilgen kólemi aıasynda bolsa, ekinshisi – mindetti áleý­mettik medısınalyq saqtandyrý aıa­synda.

Osy oraıda azamattardy medısınalyq saqtandyrýdy qalaı jáne qaı jerden tekseremiz degen saýaldyń jıi mazalaıtyny belgili. О́zińizdiń saqtandyrylǵanyńyz týraly aqparatty áleýmettik medısınalyq saqtandyrý qorynan (fms.kz), egov.kz elektrondy úkimet portalynan (jeke kabınettegi «Densaýlyq saqtaý» bóliminen), telegramdaǵy Saqtandyru-bot kanalynan, Qoldau 24/7 mobıldi qosymshasynan bilýge bolady.

Eger el azamaty áli saqtandyrylmaǵan bolsa, onda kelesi kategorııalar arqyly aı saıynǵy tólem mólsherin anyqtaýy tıis: 15 jeńildetilgen kategorııaǵa jatatyn azamattar úshin memlekettiń ózi tólep beredi. Jaldamaly jumysshynyń tólemin jumys berýshiniń býhgalterııasy jarnalardy esepteý nysanynyń 2 paıyzy jáne jalaqy qorynyń 2 paıyzy mólsherinde júrgizedi. Al JK, sharýa qojalyǵy ıeleri, jeke praktıkamen aınalysatyn tulǵalar 1,4 tómengi jalaqynyń 5 paıyzy mólsherinde tóleýi tıis (tómengi jalaqy bıyl da 42 500 teńge kóleminde saqtaldy, sol sebepti aı saıynǵy tólem mólsheri – 2 975 teńge).

Respýblıkalyq jáne oblystyq mańyzy bar qalalardaǵy ózin ózi jumyspen qamtýshylar men biryńǵaı jıyntyq tólem tóleýshiler de 2021 jyldyń 1 qańtarynan bastap 2 917 teńge (1 AEK) tóleıdi. Al ózge aýyldyq jerdegi ózin ózi jumyspen qamtýshylar men biryńǵaı jıyntyq tólem tóleýshiler aı saıyn 1 458,5 teńgeniń tólemin júrgizýge mindetti. Bul oraıda óz erkimen tólem júrgizýshi azamat 1 tómengi jalaqynyń 5 paıyzyn (2125 teńge) MÁMS qoryna aýdaryp otyrýy tıis. Al azamattyq quqyqtyq negizdegi kelisimshart boıynsha jumys isteıtin jeke tulǵalar óz tabysynyń 2 paıyzyn aýdarady. Bul rette maksımaldy tólem – 8500 teńge (10 tómengi jalaqynyń 2 paıyzy, 425 000 h 2 paıyz = 8500).

Tólemdi ózińizge yńǵaıly jerde – ekinshi deń­geıli bankterde jáne olardyń ınter­net qo­sym­sha­larynda, Kaspi.kz mobıldi qosym­sha­syn­da, «Qazposhta» bólimshelerinde, tólem termınaldarynda jáne medısınalyq uıymdardyń termınaldarynda júzege asyrýǵa bolady.

 

ALMATY

 

Sońǵy jańalyqtar

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Ǵalymdar muǵalimderge keńes berdi

Ǵylym • Búgin, 08:48

Balalarǵa ekzoskelet áperedi

Medısına • Búgin, 08:43

El damýynyń bolashaǵyna arnaldy

Qazaqstan • Búgin, 08:36

Uqsas jańalyqtar