Saıasat • 12 Qańtar, 2021

О́reskel zań buzýshylyq bolǵan joq

34 ret kórsetildi

Saılaýdy beıpartııalyq baıqaý ortalyǵynyń basshysy, Qazaqstannyń Azamattyq alıansynyń prezıdenti Baný Nurǵazıeva men Kásipodaqtar federasııasy tóraǵasynyń orynbasary, Qazaqstan kásipodaqtary federasııasy baıqaýshylary respýblıkalyq shtabynyń tóraǵasy Nurlan О́teshev
Parlament Májilisi men jergilikti máslıhat depýtattaryn saılaý kezindegi jumystardyń qorytyndysy týraly baıandady.

Saılaýdy beıpartııalyq baıqaý orta­lyǵy tuńǵysh ret qoǵamdyq ıns­tıtýt bolyp qurylyp, 10 qańtarda saılaý barysyn baqylaıtyn ahýaldyq orta­lyq retinde qyzmet etken bolatyn. Osy ortalyqtyń platformasynda Qa­zaq­stannyń Azamattyq alıansy, Qazaq­stan Kásipodaqtary federasııasy já­ne ortalyqtyń seriktesteri sanala­tyn 130-dan astam úkimettik emes uıym­dar óz resýrstaryn biriktirip, jumys istedi. B.Nurǵazıevanyń aıtýyn­sha, baıqaýshylar bul saılaýda óz­deriniń kásibı sheberlikteri men jaýap­ker­shilikterin, quzyretterin tanyta alypty.

– Eń bastysy, baıqaýshylarymyz saılaý zańnamasyn jaqsy biledi. Olar saı­laý ýchaskelerine aldyn ala kelip, óz oryndarynan tabyldy. Tipti áleýmettik jelilerde baıqaýshylarymyz saılaý ýchaskelerine tańǵy saǵat 6.00-de kelgenderi týraly aıtylyp jatyr. Qu­jat­taryn usynyp, esh qıyndyqsyz tirkeý­den ótti. Sondaı-aq Parlament Máji­lisi men jergilikti máslıhat depýtattaryn saılaý kezinde epıdemııalyq jaǵ­daıǵa qaramastan, saılaýshylardyń da kóp­tep kelgenin alǵa tarta alamyz. Bul Qazaqstandaǵy qoǵamnyń demo­kratııalyq sana-seziminiń joǵary deń­geıin ańǵartady. Otandastarymyz mem­le­kettiń bolashaǵy kez kelgen saılaýmen, sonyń ishinde Parlament Májilisi men jergilikti máslıhat depýtattaryn saılaýmen tyǵyz baılanysty ekenin jaqsy túsinedi, – deıdi B.Nurǵazıeva.

Ortalyq basshysynyń aıtýynsha, saı­laýshylar da, ýchaskelik saılaý ko­mıs­sııalarynyń músheleri de, baıqaýshylar da elimizdegi osynaý mańyzdy naýqan kezinde jaýapkershilikti sezine bilipti. Sonyń nátıjesi retinde, osy ortalyqtyń baıqaý qorytyndysy saılaý barysynda qandaı da bir iri zań buzýshylyq faktileri oryn almaǵanyn aıǵaqtap otyr. Saılaý prosesi kezinde ashyqtyq pen ádildik basty maqsatqa aınaldy.

– Árıne, keıbir buzýshylyqtardyń bolǵanyn jasyrmaımyz. Álemniń qaı memleketinde bolsyn saılaý kezinde usaq-túıek buzýshylyqtar bolyp jatady. Ondaı buzýshylyqtardyń kóbisi tehnıkalyq sıpatqa ıe. Jalpy alǵanda, beı­partııalyq baıqaý ortalyǵy 11 buzý­shylyqty tirkedi. Mundaı olqylyqtar Petropavl, Taraz, Aqtóbe, Oral, Al­maty, Qostanaı, Shymkent, Jańaózen qalalarynda, Shyǵys Qazaqstan oblysynda oryn aldy. Alaıda óreskel zańbuzýshylyqtar bolǵan joq. Saılaý prosesiniń zańdylyǵy men ashyqtyǵyna kedergi kelmedi, – deıdi B.Nurǵazıeva.

Barlyq shtab jedel ári jyldam jumys istep, sonyń nátıjesinde baıqaý qyzmeti qıynǵa soqpaǵan syńaıly. Júıeli jumys pen baıqaýshylardyń baıyptylyǵynyń arqasynda saılaý prosesi qalypty jaǵdaıda ótti.

– Barlyq málimet bizge jedel jetip turdy. Ásirese Almaty qalasyndaǵy shtab­tyń jumysyn aıryqsha atap ótkim keledi. Olar uıymdastyrǵan jedel jeliniń nátıjesinde 200-den astam óti­nim qaraldy. Bul da azamattyq qoǵamnyń myqty ári jaýapty bola bastaǵan­dy­ǵynyń bir kórinisi, – deıdi B.Nurǵazıeva.

Saılaý kezinde áleýmettik jelilerde júzdegen jalǵan aqparat tarady. Máselen, bizdiń elimizde bolmaǵan, ózge memleketterde oryn alǵan jaǵymsyz oqıǵalardyń beınejazbalary tarady. Quddy saılaý kúni bolǵandaı etip usynylyp jatty basym kópshiligi.

– Bul máseleler de bizdiń nazarymyzdan tys qalǵan joq. Ondaı feık aqparattardy adamdar qasaqana tarata ma, joq álde bilmestikten sondaı qadamǵa bara ma degen máseleni kúni búginge deıin talqylap jatyrmyz. Ondaı azamattardyń kópshiligi óziniń quqyǵy men mindetterin bilmegendikten, oǵash áreketke barǵandary da belgili bolyp jatyr. Mundaı beınejazbalardyń tarap jatqanyn baıqaýshylarǵa da eskerttik, – deıdi N.О́teshev.

Onyń aıtýynsha, saılaý zań sheń­berinde ótip otyr. Saılaý kezinde otandas­tarymyz quqyqtyq mádenıeti joǵary ekenin tanytty. Saılaý komıssııasy da, baıqaýshylar da, saılaýshylar da óz ju­mystaryna asa jaýapkershilikpen qarady.

– Bul rette, Qazaqstan kásipodaqtary federasııasynyń tarapynan saılaý barysyna atsalysqan baıqaýshylarymyzǵa alǵys aıtqym keledi. Rasymen de, aýqym­dy jumys atqaryldy. Eseli eńbek etip, saılaý prosesine úlken úles qosqan aza­mattarǵa alǵysym sheksiz, – deıdi N.О́te­shev.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar