• 11 Jeltoqsan, 2013

Qazaqstan Respýblıkasy Bilim jáne ǵylym mınıstrliginiń buıryǵy № 413

291 ret

kórsetildi

37 mın

oqý úshin

Egemen Qazaqstan

2013 jylǵy 7 qazan, Astana qalasy

«Bolashaq» halyqaralyq stıpendııasyn iske asyrý boıynsha keıbir sharalar týraly

«Shetelde kadrlar daıarlaý jónindegi respýblıkalyq komıssııa týraly» Qazaqstan Respýblıkasy Prezıdentiniń 2000 jylǵy 12 qazandaǵy № 470 Jarlyǵymen bekitilgen Shetelde kadrlar daıarlaý jónindegi respýblıkalyq komıssııa týraly erejeniń 10-tarmaǵynyń 11) tarmaqshasyna sáıkes buıyramyn:
1. Qosa berilip otyrǵan Stıpendıattarmen oqýǵa/taǵylymdamadan ótýge shart jasasý, stıpendıattardy ornalastyrýdy júzege asyrý, stıpendıattardyń úlgerim monıtorıngi men eńbek qyzmetin júzege asyrý, stıpendıattardyń mindettemelerin oryndaýyn qamtamasyz etý retinde usynylǵan kepil múlkin aýystyrý, Shetelde kadrlar daıarlaý jónindegi respýblıkalyq komıssııa «Bolashaq» halyqaralyq stıpendııasyn taǵaıyndaý týraly sheshim shyǵarǵan kúnnen bastap turaqsyzdyq tólemin (aıyppuldy) qosa alǵanda, stıpendıatqa jumsalǵan shyǵystardy óteý qaǵıdalary bekitilsin.
2. Strategııalyq josparlaý jáne aqparattyq tehnologııalar departamenti (E.M. Tólekov):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) belgilengen tártippen osy buıryqtyń buqaralyq aqparat quraldarynda resmı jarııalanýyn;
3) osy buıryqtyń Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalasýyn qamtamasyz etsin.
3. Osy buıryqtyń oryndalýyn baqylaý vıse-mınıstr M.A.Ábenovke júktelsin.
4. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.

Mınıstr A.Sárinjipov.

Qazaqstan Respýblıkasy Bilim jáne ǵylym mınıstriniń
2013 jylǵy 7 qazandaǵy №413 buıryǵymen bekitilgen

Stıpendıattarmen oqýǵa/taǵylymdamadan ótýge shart jasasý, stıpendıattardy ornalastyrýdy júzege asyrý, stıpendıattardyń úlgerim monıtorıngi men eńbek qyzmetin júzege asyrý, stıpendıattardyń mindettemelerin oryndaýyn qamtamasyz etý retinde usynylǵan kepil múlkin aýystyrý, Shetelde kadrlar daıarlaý jónindegi respýblıkalyq komıssııa «Bolashaq» halyqaralyq stıpendııasyn taǵaıyndaý týraly sheshim shyǵarǵan kúnnen bastap turaqsyzdyq tólemin (aıyppuldy) qosa alǵanda, stıpendıatqa jumsalǵan shyǵystardy óteý qaǵıdalary

1. Jalpy erejeler
1. Osy Stıpendıattarmen oqýǵa/taǵylymdamadan ótýge shart jasasý, stıpendıattardy ornalastyrýdy júzege asyrý, stıpendıattardyń úlgerim monıtorıngi men eńbek qyzmetin júzege asyrý, stıpendıattardyń mindettemelerin oryndaýyn qamtamasyz etý retinde usynylǵan kepil múlkin aýystyrý, Shetelde kadrlar daıarlaý jónindegi respýblıkalyq komıssııa «Bolashaq» halyqaralyq stıpendııasyn taǵaıyndaý týraly sheshim shyǵarǵan kúnnen bastap turaqsyzdyq tólemin (aıyppuldy) qosa alǵanda, stıpendıatqa jumsalǵan shyǵystardy óteý qaǵıdalary (budan ári – Qaǵıdalar) «Shetelde kadrlar daıarlaý jónindegi respýblıkalyq komıssııa týraly» Qazaqstan Respýblıkasy Prezıdentiniń 2000 jylǵy 12 qazandaǵy № 470 Jarlyǵyna sáıkes ázirlengen jáne «Bolashaq» halyqaralyq stıpendııasy ıegerlerimen (budan ári – Stıpendıat) oqý/taǵylymdamadan ótý shartyn jasaý, Stıpendıattardy ornalastyrýdy júzege asyrý, úlgerim monıtorıngi men Stıpendıattardyń eńbek qyzmetin júzege asyrý, Stıpendıattardyń mindettemelerdi oryndaýdy qamtamasyz etýi retinde usynylǵan kepil múlkin aýystyrý, Shetelde kadrlar daıarlaý jónindegi respýblıkalyq komıssııa «Bolashaq» halyqaralyq stıpendııasyn taǵaıyndaý týraly sheshimin shyǵarǵan kúnnen bastap turaqsyzdyq tólemin (aıyppuldy) qosa alǵanda, Stıpendıatqa jumsalǵan shyǵystardy óteý shartyn jasaý tártibi men sharttaryn belgileıdi.
2. Osy Qaǵıdalarda paıdalanylatyn negizgi uǵymdar:
1) «Halyqaralyq baǵdarlamalar ortalyǵy» aksıonerlik qoǵamy (budan ári – Qoǵam) – «Bolashaq» halyqaralyq stıpendııasyn (budan ári – «Bolashaq» stıpendııasy) ákimshilendirý boıynsha fýnksııalardy júzege asyrýǵa Qazaqstan Respýblıkasy Úkimetimen ýákilettik berilgen uıym;
2) Shetelde kadrlar daıarlaý jónindegi respýblıkalyq komıssııa (budan ári – Respýblıkalyq komıssııa) – Qazaqstan Respýblıkasy Prezıdentiniń «Bolashaq» halyqaralyq stıpendııasynyń máseleleri boıynsha is-sharalardy iske asyrý maqsatynda qurylǵan Qazaqstan Respýblıkasynyń Prezıdenti janyndaǵy konsýltatıvtik-keńesý organy;
3) «Bolashaq» halyqaralyq stıpendııasy ıegerleriniń ótinishterin qaraý jónindegi komıssııa (budan ári - Komıssııa) – Shetelde kadrlar daıarlaý jónindegi respýblıkalyq komıssııanyń jumys organy retinde Qazaqstan Respýblıkasy Bilim jáne ǵylym mınıstrligi janyndaǵy konsýltatıvtik-keńesý organy;
4) sheteldik áriptes – Stıpendıattardyń akademııalyq oqýyn, tildik kýrstary men taǵylymdamasyn uıymdastyrý boıynsha qyzmet kórsetetin uıym;
5) sheteldik uıym – Stıpendıattyń taǵylymdamadan ótýin uıymdastyratyn joǵary oqý orny, uıym;
6) tildik mektep – Stıpendıattardyń tildik kýrstardan ótýin júzege asyratyn uıym;
7) tildik kýrstar – tildik testterge daıyndyq kýrstardy qamtıtyn tildi meńgerý deńgeıin arttyratyn mamandandyrylǵan kýrstar (pre-masters courses pánderi boıynsha daıyndyq kýrstaryn qamtymaıtyn);
8) applıkasııalyq nysan – sheteldiń jetekshi joǵary oqý orny (budan ári – Oqý orny), tildik daıyndyqty júzege asyratyn uıym ázirlegen qurylymdalǵan suhbat negizinde qalyptastyrylǵan suraqtardy qamtıtyn saýalnama;
9) preferens-nysan – Oqý oryndary jáne taǵaıyndalǵan mamandyqtyń balamalary kórsetilgen akademııalyq oqýǵa ornalastyrý úshin toltyrylatyn nysan;
10) ornalastyrý – tańdaý, Stıpendıattyń akademııalyq oqýǵa, tildik kýrstarǵa qujattar tapsyrý jáne túsý rásimi;
11) shartsyz shaqyrtý (unconditional offer) – oqý merzimderi kórsetilgen oqý aqysy týraly sharttardy qospaǵanda, túsý úshin qajetti sharttardy qamtymaıtyn akademııalyq oqýǵa, tildik kýrstardan, taǵylymdamadan ótýge resmı shaqyrtý;
12) kepil hat – akademııalyq oqýǵa, taǵylymdamadan, tildik kýrstardan ótýge tirkelý jáne vıza resimdeý úshin Stıpendıattarǵa Qoǵam beretin shyǵystardy jabý mindettemesin kepildendiretin resmı hat;
13) depozıt – oqýyna jáne/nemese turýyna kepildi jarna úshin avanstyq tólem somasy;
14) akademııalyq oqý – dáreje alýǵa baǵyttalǵan oqý, Oqý oryndaryndaǵy rezıdentýrada oqý prosessi;
15) akademııalyq demalys – bul Stıpendıattyń Oqý ornymen kelisim boıynsha medısınalyq kórsetkishter boıynsha jáne Qazaqstan Respýblıkasynyń zańnamasynda kózdelgen ózge de aıryqsha jaǵdaılarda óz oqýlaryn ýaqytsha toqtatý kezeńi.

2. «Bolashaq» halyqaralyq stıpendııasy boıynsha oqýǵa
/taǵylymdamadan ótýge shart jasasý tártibi men sharttary
3. Stıpendıat Qazaqstan Respýblıkasy Úkimetiniń 2008 jylǵy 11 maýsymdaǵy № 573 qaýlysymen bekitilgen «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalarynda (budan ári – Irikteý qaǵıdalary) belgilengen merzimderde Qoǵammen «Bolashaq» halyqaralyq stıpendııasy boıynsha shyǵystar normalaryn, oqýǵa jáne taǵylymdamadan ótýge úlgilik sharttardy bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 13 sáýirdegi № 163 buıryqpen (budan ári – Buıryq) bekitken úlgilik nysandar boıynsha oqýǵa/taǵylymdamadan ótýge shart jasasady.
4. «Bolashaq» halyqaralyq stıpendııasyn iske asyrýǵa baılanysty mámileler Qoǵamnyń ornalasqan jerinde jasalady.
5. Stıpendıat Qoǵamǵa osy Qaǵıdalarǵa 1-qosymshada kórsetilgen oqý/taǵylymdamadan ótý shartyn jasaý úshin tizbesine sáıkes qujattar usynady.
6. Oqý shartynda kózdelgen mindettemelerdi oryndaýdy qamtamasyz etý maqsatynda, Stıpendıat baǵalyq quny Stıpendıattyń jalpy oqý qunynan kem emes jyljymaıtyn múlikti kepilge usynady. Jyljymaıtyn múlik kepil sharty Qoǵam men jyljymaıtyn múlik menshik ıesi arasynda jasalady.
7. Jyljymaıtyn múlik kepil shartynyń zaty baǵalaý quny qandaı da bir shekteýlersiz jáne aýyrtpalyqtarsyz menshik quqyǵy tirkelgen kez kelgen jyljymaıtyn múlik bolyp tabylady.
8. Osy Qaǵıdalardyń 2-qosymshasynda kórsetilgen jyljymaıtyn múlik kepil shartyn jasaý úshin qujattar tizbesine sáıkes jyljymaıtyn múlik kepil shartyn jasaýy júzege asyrylady.
9. Taraptar qol qoıǵannan keıin jyljymaıtyn múlik kepil sharty jyljymaıtyn múliktiń ornalasqan jeri boıynsha ádilet organdarynda tirkeýge jatady. Ádilet organdarynda tirkelgennen keıin jyljymaıtyn múlik kepil sharty jyljymaıtyn múlikke quqyq belgileýshi jáne ózge de qujattardyń túpnusqalarymen Qoǵamǵa qaıtarýǵa jatady.
10. Kepilge oqý qunyn jabatyn aýyrtpalyǵy joq jyljymaıtyn múlik bolmaǵan jaǵdaıda nemese onyń quny jetkiliksiz bolsa, kepilge Stıpendıatqa, onyń otbasy múshelerine (ata-anasyna, jubaıyna, zaıybyna balalaryna), sondaı-aq úshinshi tulǵaǵa menshik quqyǵy tıesili barlyq aýyrtpalyǵy joq jyljymaıtyn múlik qunyna qaramastan qabyldanady.
Kepil múlkimen qamtamasyz etilmegen qalǵan somaǵa mynadaı sanda kepilgerlik shart(tar)y jasalady:
1) akademııalyq oqýǵa jiberilgen Stıpendıattar úshin oqý qunyn jetpis paıyzdan asa kepilzattyq qamtamasyz etýmen jabý kezinde – bir kepilger; oqý qunyn elý paıyzdan jetpis paıyzǵa deıin kepilzattyq qamtamasyz etýmen jabý kezinde – eki kepilger; oqý qunyn otyz paıyzdan elý paıyzǵa deıin kepilzattyq qamtamasyz etýmen jabý kezinde – úsh kepilger; oqý qunyn otyz paıyzdan kem kepilzattyq qamtamasyz etýmen jabý kezinde – tórt kepilger;
2) taǵylymdamadan ótý úshin jiberiletin Stıpendıattar úshin – eki kepilger.
11. Akademııalyq oqýǵa jiberiletin jáne aýyldyq aýmaqtarda sońǵy 6 (alty) aı ishinde turatyn Stıpendıattar úshin oqý qunyn kepildik qamtamasyz etýmen jabý paıyzyna qaramastan kez kelgen kepilger sany (birden tórtke deıin) sharttyq mindettemelerdi oryndaýdy qamtamasyz etý retinde usynylady.
12. Taǵylymdamaǵa jiberiletin jáne aýyldyq aýmaqtarda sońǵy 6 (alty) aı ishinde turatyn Stıpendıattar úshin sharttyq mindettemelerdi oryndaýdy qamtamasyz etý retinde kez kelgen kepilgerler sany (birden ekige deıin) usynylady.
13. Jumys berýshiniń anyqtamalarymen jáne zeınetaqy aýdarymdarynyń tólengenin rastaıtyn qujattarmen (onyń ishinde zeınetaqy qorynan jazba) rastalǵan sońǵy kúntizbelik 12 (on eki) aı ishinde turaqty eńbekaqysy bar Qazaqstan Respýblıkasynyń 50 (elý) jasqa deıingi azamattary kepil berýshi bola alady.
14. Osy Qaǵıdalarǵa 3-qosymshada kórsetilgen kepilgerlik shart jasaý úshin qujattar tizbesine sáıkes kepilgerlik shartyn jasaý júzege asyrylady.
15. Qoǵamda kepilde turǵan jyljymaıtyn múlikten aýyrtpalyqty alý Stıpendıat barlyq sharttyq mindettemelerdi tıisinshe oryndaǵannan keıin júzege asyrylady.
Kepil berýshiniń nemese Stıpendıattyń (nemese senim bildirilgen adamnyń) ótinishi boıynsha Stıpendıattyń mindettemesin tıisti oryndaǵanyn teksergennen keıin Qoǵam jyljymaıtyn múlikten aýyrtpalyqty alý úshin hat jáne senimhat beredi.
16. Stıpendıattyń mindettemesin oryndaýdy qamtamasyz etýge berilgen kepil múlkin aýystyrýdy júzege asyrý úshin nazarǵa myna sanattar: usynylǵan jyljymaıtyn múliktiń quny, sapalyq jáne sandyq sıpattamasy, geografııalyq ornalasýy alynady.
17. Kepil zatyn aýystyrý úshin Qoǵamǵa esepti qurý sátinen bastap 6 (alty) aıdan keshiktirmeı merzimdelgen usynylatyn jyljymaıtyn múliktiń jáne kepil zatynyń baǵasy týraly qosymsha berilgen esepteri bar, sondaı-aq usynylǵan jyljymaıtyn múlikke tyıym salýlar, aýyrtpalyqtar, zańdy talap etýler bolmaýy týraly qujattarmen rastalǵan kepil zatyn aýystyrý týraly negizdeme ótinishin Qoǵamǵa jiberý qajet.
Jyljymaıtyn múliktiń jańa kepil sharty kepil zatyn aýystyrý kezinde osy Qaǵıdalardyń 8, 9-tarmaqtarynda kózdelgen tártippen jasalady.
18. Jańa kepil sharty ádilet organdarynda tirkelgennen jáne ony jyljymaıtyn múlikke quqyq berýshi jáne ózge de qujattardyń túpnusqalarymen Qoǵamǵa tapsyrǵannan keıin kepil zaty aýystyrylǵan kezde Qoǵam ádilet organdaryna bes jumys kúni ishinde aldyndaǵy kepil zatynan aýyrtpalyqty alýǵa hat pen senimhat jiberedi.

3. Stıpendıattardyń akademııalyq oqýyn, tildik daıarlyǵyn,
taǵylymdamadan ótýin uıymdastyrý jáne olarǵa ornalastyrý,
Stıpendıattardyń úlgerimi men eńbek qyzmetin júzege asyrý monıtorıngisiniń tártibi
19. Oqýdy, tildik kýrstardy, taǵylymdamadan ótýdi uıymdastyrý oqýǵa/taǵylymdamadan ótýge sharttar kúshine engen sátten bastap bastalady.
20. Respýblıkalyq komıssııanyń sheshimi boıynsha Qoǵam tildik mekteptiń jaqyndaǵy jıynyna (oqýdyń basy), biraq oqý/taǵylymdamadan ótý shartyn jasaý kúninen bastap kúntizbelik 1 (bir) jyldan keshiktirmeı tildik kýrstarǵa ornalastyrý boıynsha jumys júrgizedi.
21. Qoǵam Stıpendıattyń ótinishi kelip túsken kúnnen bastap kúntizbelik 15 (on bes) kún ishinde kepilhat tapsyrady.
22. Tildik kýrstar oqýdy/taǵylymdamadan ótýdi uıymdastyrý shartynda kózdelgen merzim ishinde (oqý elindegi vızalyq talaptar men tildik mektepti bastaý kúni boıynsha tildik mektep talaptaryn qospaǵanda) jalǵasady.
Tildik mektepti aýystyrý konkýrsqa qatysý sátinde nemese keıingi jyldarda bekitilgen «Bolashaq» halyqaralyq stıpendııasyn taǵaıyndaý konkýrsy jeńimpazdarynyń oqýy, tildik kýrstardan ótýi úshin usynylatyn sheteldiń jetekshi joǵary oqý oryndarynyń, sheteldik uıymdardyń tiziminde tildik mektepter bolǵan jaǵdaıda, Stıpendıattyń Qoǵamǵa jazbasha ótinishi negizinde júzege asyrylady.
Aǵymdaǵy oqý kýrsy (semestr/trımestr nemese tildik mektep belgilegen basqa kezeń) aıaqtalǵanǵa deıin tildik mektepti aýystyrýǵa ruqsat berilmeıdi.
23. Akademııalyq oqýdy uıymdastyrý úshin Stıpendıat (akademııalyq oqýǵa óz betimen túskenderdi qospaǵanda) Qoǵamǵa akademııalyq oqýǵa túsý úshin Oqý ornyn tańdaý úshin preferens-nysandy usynady.
24. Ornalastyrýmen baılanysty qujattardy Stıpendıat óz betimen toltyrady.
25. Oqý oryndarynyń shartsyz shaqyrtýyn alǵannan keıin Stıpendıat Qoǵamǵa tańdap alǵan Oqý ornynda oqý týraly jazbasha nysandaǵy kelisimin usynady.
26. Shartsyz shaqyrý vıza alý úshin qujattar resimdeý úshin negiz bolyp tabylady. Vızany Stıpendıat óz betimen resimdeıdi.
27. Stıpendıat Qoǵamǵa ushatyn kúnge deıin kúntizbelik 30 (otyz) kún buryn avıabılet satyp alý týraly jazbasha nysanda ótinish bildiredi.
28. Stıpendıattyń úlgerim jáne eńbek qyzmetin júzege asyrý monıtorıngi oqý/taǵylymdamadan ótý shartyna sáıkes júzege asyrylady.
29. Oqýdy ýaqytsha úzý qajet bolǵan jaǵdaıda, Stıpendıat Qoǵamǵa akademııalyq demalys berý nemese ony uzartý týraly jazbasha nysanda ótinish jasaıdy. Akademııalyq demalys berý nemese ony uzartý máselesin Komıssııa qaraıdy.
30. Shetelde oquǵa kedergi bolatyn aýrýlar týyndaǵan jaǵdaıda, Stıpendıat sheteldik emdeý mekemesi bergen anyqtama kóshirmesin bere otyryp, Qoǵamǵa bul týraly habarlaıdy jáne Qazaqstan Respýblıkasyna oralǵannan keıin bir aı ishinde oqyp jatqan mamandyǵy boıynsha bilimin jalǵastyrý múmkindiginiń bolmaýy týraly qorytyndymen emdeý uıymynan densaýlyq jaǵdaıy týraly dárigerlik-konsýltasııalyq komıssııanyń (budan ári - DKK) anyqtamasyn usynady.
Ambýlatorııalyq-emhanalyq uıym janyndaǵy DKK qorytyndysy boıynsha akademııalyq demalys aýrýy boıynsha altydan on eki aıǵa deıingi uzaqtyqqa beriledi. Týberkýlezben aýyrǵan jaǵdaıda, akademııalyq demalys týberkýlezge qarsy medısınalyq uıym janyndaǵy Ortalyq dárigerlik-konsýltasııalyq komıssııanyń qorytyndysy negizinde usynylady.
31. Akademııalyq demalys sondaı-aq Stıpendıatqa Qazaqstan Respýblıkasy Qarýly Kúshteriniń áskerı qyzmetke shaqyrý qaǵazy bolǵanda, bosanǵanda, ul nemese qyz bala asyrap alǵanda – zańnamada belgilengen jaǵdaılarda uzaqtyǵy 3 jylǵa deıin, zańnamada kózdelgen ózge de jaǵdaılarda berilýi múmkin negizderge beriledi.
32. Oqýyn qalpyna keltirgen jaǵdaıda, Stıpendıat Qoǵamǵa shetelge shyǵatyndar úshin densaýlyq jaǵdaıy týraly tıisti qujatty usynady.

4. Stıpendıattardyń oqýy men taǵylymdamasyn uıymdastyrýǵa baılanysty shyǵystardy qarjylandyrý, stıpendııa aýdarý jáne tóleý, oqýǵa aqy tóleý, shyǵystarǵa avans berý, Stıpendıat óz qarajaty esebinen júrgizgen shyǵystardy óteý, «Bolashaq» stıpendııasynan aıyrylǵan/bas tartqan kezde Stıpendıatqa jumsalǵan shyǵystardy óteý
33. Stıpendıattardyń oqýy men taǵylymdamalaryn uıymdastyrýǵa baılanysty shyǵystardy qarjylandyrý respýblıkalyq bıýdjet esebinen júzege asyrylady jáne Qazaqstan Respýblıkasynyń Úkimetiniń 2008 jylǵy 11 maýsymdaǵy № 573 qaýlysymen kórsetilgen «Bolashaq» halyqaralyq stıpendııasyn jumsaý baǵyttarynda (budan ári – Jumsaý baǵyttary) kózdelgen shyǵystardy tóleýdi qamtıdy.
34. Qoǵam Oqý orny belgilegen merzimderde taǵaıyndalǵan oqý baǵdarlamasy men mamandyǵy boıynsha Oqý ornyndaǵy oqýyn aıaqtaý jáne akademııalyq dáreje alý úshin kredıtterdiń, pánderdiń qajetti sanyn tóleıdi. Tıisti deńgeıdi alý úshin qosymsha mindetti emes kredıtterdi Stıpendıat óz betimen óz qarajaty esebinen tóleıdi.
35. Turýǵa, tamaqtanýǵa jáne oqý ádebıetterin satyp alýǵa stıpendııa esepteý jáne tóleý Buıryqpen bekitilgen shyǵystar normalaryna sáıkes, bekitilgen oqý josparyna sáıkes stıpendıattyń oqý elindegi naqty oqý kezeńi úshin vedomstvo qurylǵan kúngi valıýta aıyrbastaýdyń naryqtyq kýrsy boıynsha júrgiziledi.
36. Oqý oryndary men sheteldik áriptesterdiń ınvoıstary men smetalary boıynsha oqýǵa aqyny kórsetý oqýǵa aqy tóleý úshin valıýta satyp alý kúnine ekinshi deńgeıli bank belgilegen valıýta aıyrbastaýdyń naryqtyq kýrsy boıynsha júrgiziledi.
37. Stıpendıattyń ótinishi negizinde Qoǵam Stıpendıattarǵa vıza resimdeý, ony uzartý (Stıpendıat shetelde bolǵan jaǵdaıda), turý, tamaqtaný, medısınalyq saqtandyrý shyǵystary boıynsha avans beredi.
Avans berý kezinde avıaagenttiktermen tıisti shart bolmaǵan jaǵdaıda, Qoǵam Stıpendıattarǵa avıabılet(ter) satyp alýǵa avans beredi.
Qoǵam oqý ornynyń talaptary boıynsha stıpendıattardyń oqýyna jáne mindetti qyzmetterge aqy tóleýge avans berýdi júrgizedi.
38. Stıpendıattarǵa avans berý avans tóleýge vedomstvo qurylǵan kúngi valıýta aıyrbastaýdyń naryqtyq kýrsy boıynsha júrgiziledi.
39. Avans alý úshin avans berýge ótinishti jáne avans somasyn rastaıtyn qujattyń (ınvoıs, jaldaý týraly shart, Oqý ornynyń, saqtandyrý kompanııasynyń, elshiliktiń resmı saıtynan aqparat, avıa ushý quny nemese avıa bılet brondaý týraly aqparat) kóshirmesin usyný qajet.
40. Stıpendıattarǵa avans berý boıynsha qaryzdy jabý Stıpendıattyń shyǵystardy naqty tóleý kúnine valıýta aıyrbastaýdyń naryqtyq kýrsy boıynsha usynylǵan qujattardyń túpnusqalaryna sáıkes júrgiziledi.
41. Avans (turýǵa/tamaqtanýǵa avansty qospaǵanda) alǵannan keıin Stıpendıat aqsha aýdarylǵan kúnnen bastap eki aı ishinde osy Qaǵıdalarǵa 4-qosymshada kórsetilgen stıpendıattardyń shyǵystaryn tólegenin rastaıtyn qajetti qujattardyń tizbesine sáıkes aqyny rastaıtyn qujattardyń túpnusqalaryn usynýy qajet.
42. Aqyny rastaıtyn qujattar usynylmaǵan jaǵdaıda, avans somasy stıpendııamen baılanysty kelesi tólemderdi esepteý kezinde Qoǵamnyń ustaýyna jatady. Buǵan qosa, kelesi tólemder bolmaǵan jaǵdaıda, avans somasy avans tóleý boıynsha qaryz jabylǵan kúnnen bastap úsh aı ishinde Stıpendıattyń Qoǵamǵa óteýine jatady.
43. Turýǵa/tamaqtanýǵa avans somasy stıpendııa esepteý somasynan ustalady.
44. Oqýǵa depozıt somasy, eger Oqý orny oqýǵa depozıt aqysyn eseptemegende, oqýdyń tolyq qunyn kórsetse, oqý aqysy somasynan esepteledi.
45. Shyǵystarǵa avans berý buǵan deıin berilgen jabylmaǵan avanstyń osyǵan uqsas shyǵystary ne stıpendııa boıynsha aılyq normatıvten asatyn buǵan deıin berilgen jabylmaǵan avans qaldyǵy bolǵan jaǵdaıda júrgizilmeıdi.
46. Avans aýdarý Stıpendıattyń ótinishi tirkelgen kúnnen jáne avans somasyn rastaıtyn qujattyń kóshirmesi usynylǵan kúnnen bastap kúntizbelik on bes kún ishinde júrgiziledi.
47. Qoǵam Qazaqstan Respýblıkasynyń Úkimetiniń 2008 jylǵy 11 maýsymdaǵy № 573 qaýlysymen kórsetilgen «Bolashaq» halyqaralyq stıpendııasyn jumsaý baǵyttarynda kózdelgen Stıpendıattyń óz qarajaty esebinen júrgizilgen shyǵystaryn óndirýdi júzege asyrady.
48. Stıpendıattardyń jumsaǵan shyǵystaryn óndirý shyǵystardy óndirý vedomostvosy qurylǵan kúnge valıýta aıyrbastaýdyń naryqtyq kýrsy boıynsha júrgiziledi.
49. Vızany (konsýldyq jıyndy) resimdeýge, uzartýǵa aqyny Stıpendıat tóleıdi jáne Stıpendıat vıza alǵan jaǵdaıda Qoǵamǵa usynylǵan tólemdi rastaıtyn qujattardyń túpnusqalary negizinde Qoǵam tarapynan keıinnen óndirýge jatady.
50. О́z qarajaty esebinen júrgizilgen shyǵystaryn óndirý úshin Stıpendıat Qoǵamǵa shyǵystardy óndirýge jazbasha ótinish pen júrgizilgen shyǵystar somasyn rastaıtyn qujattardy usynady, sondaı-aq óteý boıynsha qarajatty aýdarý osy Qaǵıdalardyń 4-qosymshasynda kórsetilgen stıpendıattardyń shyǵystaryn tólegenin rastaıtyn qajetti qujattar tizbesine sáıkes Stıpendıat tólemdi rastaıtyn qujattardyń tolyq paketin usynǵan jaǵdaıda, Qoǵam ótinishti tirkegen kúnnen bastap kúntizbelik on bes kún ishinde júrgiziledi.
51. Konkýrs jeńimpazy Respýblıkalyq komıssııanyń sheshimi boıynsha «Bolashaq» stıpendııasynan bas tartqan ne aıyrylǵan jaǵdaıda, aıyp aqyny (aıyppuldy) qosa alǵanda, Stıpendıatqa Respýblıkalyq komıssııa «Bolashaq» stıpendııasyn taǵaıyndaý týraly sheshim shyǵarǵan kúnnen bastap jumsalǵan shyǵystar óndirýge jatady, Stıpendıat óndirý týraly kelisimde kórsetilgen merzimderde shyǵystardy óz erkimen óteıdi.
Shyǵystardy óndirý týraly kelisim jasaý tártibi Qazaqstan Respýblıkasynyń azamattyq zańnamasyna sáıkes júzege asyrylady.

Oqý/taǵylymdamadan ótý shartyn jasaý úshin qujattar
tizbesi
1. Stıpendıattyń jeke basyn kýálandyratyn qujat (túpnusqasyn jáne kóshirmesin). Túpnusqa salystyrylǵannan keıin Stıpendıatqa qaıtarylady.
2. Qazaqstan Respýblıkasy Bilim jáne ǵylym mınıstrligi bekitken úlgilik sharttarǵa sáıkes úsh jaqty shart jasasqan jaǵdaıda, jumys berýshi atynan oqý/taǵylymdamadan ótý shartyna qol qoıatyn adamnyń ókilettigin kýálandyratyn qujattar.
3. Osy Qaǵıdalardyń 11, 12-tarmaqtarynda kórsetilgen jaǵdaıda, Stıpendıattyń aýyldyq aımaqtaǵy turaqty turǵylyqty orny boıynsha oqý/taǵylymdamadan ótý shartyn jasaý aldyndaǵy sońǵy 6 (alty) aı ishinde tirkelgenin rastaıtyn mekenjaı anyqtamasy (túpnusqa).

Jyljymaıtyn múlik kepil shartyn jasaý úshin qujattar tizbesi
1. Jyljymaıtyn múlik ıesiniń (kepil berýshiniń) jeke basyn kýálandyratyn qujat (túpnusqa jáne kóshirme). Túpnusqa salystyrylǵannan keıin jyljymaıtyn múlik ıesine qaıtarylady.
2. Ádilet organdary bergen jyljymaıtyn múlikke tirkelgen quqyqtar (aýyrtpalyqtar) men onyń tehnıkalyq sıpattamalary týraly anyqtama.
3. Kepilge usynylǵan jyljymaıtyn múliktiń quny oqý shartynyń somasyn jappasa, Stıpendıattyń ózin (ata-anasyn, jubaıyn/zaıybyn, balalaryn) qosa alǵanda, ádilet organynyń Stıpendıat otbasynyń barlyq múshelerinen Qazaqstan Respýblıkasynyń barlyq aýmaǵynda jyljymaıtyn múliktiń joq nemese bar ekendigi týraly anyqtamalar.
4. Jyljymaıtyn múlikke quqyq belgileýshi qujattar (túpnusqa).
5. Qazaqstan Respýblıkasynyń zańnamalaryna sáıkes berilgen jyljymaıtyn múlikke tehnıkalyq pasport (notarıaldy kýálandyrylǵan kóshirmesi);
6. Kepil shartyn jasasý sátine deıin 6 (alty) aıdan keshiktirmeı baǵalaý qyzmetin júzege asyrýǵa lısenzııasy bar kez kelgen táýelsiz baǵalaýshy bergen jyljymaıtyn múlikti baǵalaý týraly esebi (túpnusqa).
7. Jer ýchaskesine sáıkestendirý qujattary (jer ýchaskesi, jer ýchaskesi bar turǵyn úı nemese jer ýchaskesi bar turǵyn emes orynjaı úshin) (túpnusqa).
8. Eger jyljymaıtyn múlikti satyp alý sátinde menshik ıesi(ıeleri) nekege otyrǵan bolsa, jyljymaıtyn múlikti sotsyz satýǵa kelisimmen jyljymaıtyn múlikti kepildikke berýge menshik ıesiniń jubaıynyń/zaıybynyń notarıaldy kýálandyrylǵan kelisim ótinishin, sondaı-aq neke týraly kýálikti (notarıaldy kýálandyrylǵan kóshirmesin), menshik ıesiniń(ıeleriniń) jubaıynyń/zaıybynyń jeke kýáligi (kóshirmesi).
9. Eger jyljymaıtyn múlikti satyp alý sátinde menshik ıesi(ıeleri) nekege otyrmaǵan bolsa, jyljymaıtyn múlikti satyp alý sátinde jyljymaıtyn múlik ıesiniń(ıeleriniń) otbasylyq jaǵdaıy týraly notarıaldy kýálandyrylǵan ótinishi.
10. Eger jyljymaıtyn múlik satyp alý sátinde múlik ıesi nekede tursa, biraq kepil shartyn jasaý sátinde nekede turmasa (ajyrasqan), azamattardyń hal aktilerin tirkeý organdarynyń (AHAJ) nekeni buzý týraly kýáligi, sondaı-aq menshik ıesiniń qazirgi ýaqytta nekede turmaǵandyǵy týraly notarıaldy kýálandyrylǵan ótinishi.
11. Eger jyljymaıtyn múlik ıesiniń bireýi kámelet jasqa tolmaǵan bolsa, qamqorshylyq jáne qorǵanshylyq organdarynyń jyljymaıtyn múlikke qatysty mámile jasaýǵa jazbasha kelisimi, jyljymaıtyn múliktiń kámeletke tolmaǵan menshik ıesiniń týý týraly kýáligi (notarıaldy kýálandyrylǵan kóshirmesi), sondaı-aq eger kámeletke tolmaǵan menshik ıesiniń atynan qamqorshy/qorǵanshy áreket etse, tulǵanyń kepilge usynylatyn jyljymaıtyn múliktiń kámeletke tolmaǵan menshik ıesiniń qamqorshysy nemese qorǵanshysy mártebesiniń bolýyn rastaıtyn qujattar.
On tórt jasqa jetpegen kámelet jasqa tolmaǵan múlik ıesiniń atynan kepil shartyna, joǵaryda kórsetilgen sharttar saqtalǵan jaǵdaıda, onyń ata-anasy/asyrap alýshylary/qamqorshylary qol qoıady.
14-ten 18 jasqa deıingi kámeletke tolmaǵan jyljymaıtyn múlik menshik ıeleri ata-anasynyń/asyrap alýshynyń/qamqorshynyń jazbasha kelisimimen óz betimen kepil shartyn jasaıdy.
Ata-anasynyń/asyrap alýshylardyń/qamqorshylardyń kelisimi jyljymaıtyn múlik kepil shartynda kámeletke tolmaǵan menshik ıesi qolynyń janynan olardyń qoldarymen kýálandyrylady.
12. Eger jyljymaıtyn múlik kepil sharty senimhat boıynsha jasalsa, kepilge jáne sottan tys satý quqyǵyn berýge jyljymaıtyn múlik ıesinen (ıelerinen) notarıaldy kýálandyrylǵan kelisim-ótinish.

Kepilgerlik shart jasaý úshin qujattar tizbesi
1. Kepil berýshiniń jeke kýáligi (notarıaldy kýálandyrylǵan kóshirmesi).
2. Kepil berýshiniń laýazymy, jumysqa qabyldaý kúni men kepildik shartyn jasaý aldyndaǵy sońǵy kúntizbelik 12 (on eki) aı ishindegi tabystary týraly kórsetilgen jumys ornynan anyqtamasy (anyqtamalar).
О́zin-ózi jumyspen qamtyǵan azamattar kepil berýshi retinde bolǵan jaǵdaıda: jeke kásipker retinde memlekettik tirkeý týraly kýálik (notarıaldy kýálandyrylǵan kóshirmesi); kepildik shartyn jasaý aldyndaǵy sońǵy kúntizbelik 12 (on eki) aı ishindegi tabystar alǵanyn rastaıtyn qujattar.
3. Kepildik shartyn jasaý aldyndaǵy sońǵy kúntizbelik 12 (on eki) aıǵa zeınetaqy aýdarymdary tólemderin rastaıtyn qujattar (onyń ishinde zeınetaqy qorynan jazba).

Stıpendıattarynyń shyǵystaryna tólemdi rastaıtyn qujattar tizbesi
№
r/s Shyǵystardyń ataýy Rastaıtyn qujattar
1 Vıza (konsýldyq jıyn) resimdeý, uzartý 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady);
2) vızanyń kóshirmesi.
Eger oqý eli vızalyq japsyrma qoımasa, vızany alǵan týraly elektrondyq rastaýdy usyný qajet.
2 Oqý oryndaryna 5-ten (besten) aspaıtyn saýalnama nysanyn resimdeý jáne tapsyrý 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady);
2) saýalnama nysandarynyń barlyq túrlerin resimdeýge jáne berýge tólemderdi rastaıtyn oqý ornynyń elektrondyq rastamanyń qaǵazǵa basylǵan nusqasy.
3 Qabyldaýshy elderdiń ýákiletti organdary men oqý oryndarynda tirkelý 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady);
2) tirkeý týraly sertıfıkattyń kóshirmesi ne qabyldaýshy elderdiń ýákiletti organdarynda jáne oqý ornynda tirkelgeni úshin tólem týraly elektrondyq rastamanyń qaǵazǵa basylǵan nusqasy.
4 Emtıhandar 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady);
2) sertıfıkattyń elektrondyq kóshirmesi/tólem týraly elektrondy rastamanyń qaǵazǵa basylǵan nusqasy.
5 Oqý (onyń ishinde oqýǵa depozıt), oqý oryndarynyń talaptary boıynsha mindetti qyzmetter 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady), ne Oqý ornynyń tólemdi rastaıtyn hatynyń túpnusqasy;
2) tólem ashyq jazylǵan tólemge (ınvoıs) shot kóshirmesi.
6 Mindetti medısınalyq tekseris tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady);
7 Oqý oryndarynyń úlgerim týraly resmı qujattaryn (transkrıpt) usynýy 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady), ne Oqý ornynyń tólemdi rastaıtyn hatynyń túpnusqasy;
2) transkrıpt kóshirmesi.
8 Medısınalyq saqtandyrý 1) tólem týraly chekterdiń túpnusqalary, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady);
2) saqtandyrý polısiniń túpnusqasy/kóshirmesi.
9 Qazaqstan Respýblıkasy ishinde jol júrý (temirjol kóligi, avtobýs) jol júrý qujatynyń túpnusqasy (temirjol bıleti, avtobýs bıleti).
Qazaqstan Respýblıkasy ishinde áýe kóligimen ushqan jaǵdaıda kýpe vagony tarıfynan joǵary emes temirjol júrýiniń quny ótiledi.
1) tólem týraly chekterdiń túpnusqalary, tólem týraly túbirtekter, ne úzindiniń árbir beti mórtabanmen rastalǵan kart-shot boıynsha banktik úzindiler;
2) elektrondyq bılet;
3) otyrǵyzý talondarynyń túpnusqalary.
4) bılet satyp alǵan kúnge kýpeli vagon quny týraly temirjoldan anyqtamanyń túpnusqasy (tómendegi jumsaq dıvany, qalybyn retteý boıynsha qurylǵysy bar jumsaq kreslosy bar 2 oryndyq kýpeli vagondy (JV), sondaı-aq «Týrıst» jáne «Bıznes» klasty júrdek poezdy qospaǵanda).
1), 2) jáne 3) tarmaqtarynda joǵaryda kórsetilgen qujattar bolmaǵan jaǵdaıda, avıaagenttikten tegi, aty, ákesiniń aty, qunyn, klasyn, baǵytyn kórsete otyryp, bıletti satyp alý jáne paıdalaný faktisin rastaıtyn anyqtamany usynýǵa bolady.
10 Qazaqstan Respýblıkasynan tys jol júrý
Temirjol kóligi, avtobýs aqysyn óteý kezinde:
jol júrý qujatynyń túpnusqasy (temirjol bıleti, avtobýs bıleti).
Jol júrý qujatynyń túpnusqasy bolmaǵan jaǵdaıda, chekti, tólem týraly túbirtekter bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady) jáne elektrondyq bılettiń kóshirmesin usynýǵa bolady.
Avıabıletter aqysyn óteý kezinde:
1) tólem týraly chekterdiń túpnusqalary bank mórtabanymen rastalǵan kart-shot boıynsha banktik úzindiler (sheteldik bankten tólem faktisin rastaıtyn resmı anyqtama/hat usynýǵa bolady); avıaagenttiktiń mórtabanymen rastalǵan avıaagenttik shot-nakladnoıy (shot-faktýra) (bolǵan jaǵdaıda);
2) jol júrý qujatynyń túpnusqasy, ne avıaagenttiktiń mórtabanymen rastalǵan elektrondyq bılettiń qaǵazǵa basylǵan nusqasy (avıabıletti shetelde satyp alǵan jáne Qazaqstan Respýblıkasynda avıaagenttik ókildikteri bolmaǵan jaǵdaıda, sondaı-aq avıaagenttiktiń mórtabanymen rastalǵan shot-nakladnoıda (shot-faktýrada) bılet baǵyty men nómiri kórsetilgen jaǵdaıda elektrondy bılette mórtabannyń bolýy mindetti emes;
3) otyrǵyzý talondarynyń túpnusqalary.
Joǵaryda kórsetilgen tarmaqtarynda qujattar bolmaǵan jaǵdaıda avıaagenttikten:
1) tarmaqta tegi, aty, ákesiniń aty, bılet quny men nómirin, bıletti satyp alýdy rastaıtyn faktini;
2) tarmaqta tegi, aty, ákesiniń aty, bılet qunyn, klasyn, baǵytyn, nómirin;
3) tarmaqta tegi, aty, ákesiniń aty, bılet klasyn, baǵytyn, nómirin jáne bılettiń paıdalanylýyn rastaıtyn faktini kórsete otyryp, anyqtama/hat túpnusqasyn usynýǵa bolady.